Digwyddiadau yn Nhŷ Mawr Wybrnant 2025
Mae gennym raglen gyffrous eto eleni a fydd yn cyffwrdd ar amrywiaeth o themâu gwahanol – o len gwerin i gerddoriaeth ac o hanes i daith gerdded interactif.
Mae’r diwrnodau agored yn cael eu cynnal ar y Sul cyntaf o bob mis o fis Mai tan fis Medi. Bydd y ffermdy ar agor rhwng 10am a 4pm ar y diwrnodau agored.
Dewch i Grwydro.
4 Mai | 10am a 2pm.
Dewch i ymuno ar daith gerdded interactif o gwmpas Tŷ Mawr ond gyda twist! Bydd actorion proffesiynol yn dod a chymeriadau llen gwerin yr ardal yn ôl yn fyw am gyfnod byr, ac yn eich gwahodd i wrando ar eu hanesion. Cast yn cynnwys Llion Williams, Mair Tomos Ifans, Mirain Fflur a Tudur Phillips.
£5 i oedolion. Plant am ddim. Cliciwch ar y ddolen i archebu lle: Buy Dewch i Grwydro - Tŷ Mawr Wybrnant Tickets online - National Trust
Mae'r daith gerdded yn Gymraeg, ond yn addas i ddysgwyr.
Picnic ar y lawnt gyda Gai Toms.
1 Mehefin | 1pm.
Bydd y digwyddiad blynyddol boblogaidd ‘picnic ar y lawnt’ yn cael ei gynnal eto eleni, y tro hyn gyda’r cerddor gwerin, roc a ska Gai Toms. Dewch a blanced a phicnic efo chi i fwynhau set gerddorol yn awyrgylch unigryw Tŷ Mawr.
Am ddim ond rhaid archebu lle. [Manylion i ddilyn yn fuan]
Tân Glân.
6 Gorffennaf | 10am – 4pm (sesiynau anffurfiol drwy gydol y dydd.)
Bydd y digwyddiad yma’n olrhain stori’r cymeriad llen gwerin Nannws a’ch Rhobert drwy gynnau tân yn yr ardd. Buodd Nannws yn defnyddio lludw poeth y tan i wneud sebon i'w werthu i fasnachwyr a oedd yn teithio drwy’r dyffryn yn y gobaith o godi arian i adeiladu’r capel Methodist cyntaf yn yr ardal. Am ddim.
Tŷ Llawen.
3 Awst | 11am-3pm (sesiynau anffurfiol drwy gydol y dydd.)
Mae Tŷ Mawr wedi cynnal sawl Noson Lawen dros y canrifoedd yn ei hanfod fel man gorffwys i'r porthmyn. Ymunwch gyda ni am ddiwrnod ymlaciol gydag ambell i gerddor gwerin, wrth iddynt jamio yn ddi-blwg gydag offerynnau Celtaidd ar hyd y safle. Dewch a’ch offerynnau eich hunain os ydych eisiau ymuno! Am ddim.
Darlith gan yr Athro. Jerry Hunter.
7 Medi | (Amser i'w gadarnhau.)
Bydd y ddarlith flynyddol eleni yn cael ei chynnal gyda’r Athro. Jerry Hunter o Brifysgol Bangor. Bydd mwy o fanylion i ddilyn o ran y pwnc. £5 i oedolion. Rhaid archebu lle [Manylion i ddilyn yn fuan]
Mae’r Ymddiredolaeth Genedlaethol yn awyddus i argaeledd y digwyddiadau fod yn agored i bawb. Cysylltwch drwy ebostio tymawrwybrnant@nationaltrust.org.uk neu ffoniwch 01766 510 120 os ydych eisiau trafod unrhyw beth gyda ni.