Dechrau i ganol yr 1800au
Henry Davis Pochin
Pan brynodd y diwydiannwr Henry Davis Pochin a’i wraig Bodnant mewn arwerthiant yn 1874 roedd gan yr ystâd ardd furiog, coedwig a phlanhigfeydd, ond gweledigaeth fawr Pochin a siapiodd yr ardd yn un adnabyddus ar draws y byd, yr un yr ydym ni yn ei hadnabod heddiw.
Bwa Tresi Aur
Sicrhaodd Pochin sgiliau'r dylunydd tirwedd Edward Milner i ddatblygu'r ardd lwyni Fictoraidd ffurfiol o amgylch y tŷ, gan gynnwys y Bwa Tresi Aur enwog. Ef hefyd a gerfiodd y llethrau lawr at yr afon, gan blannu'r conifferau o Ogledd America a chreu llwybrau i ffurfio'r glynnoedd rhamantus a'r gerddi dŵr.
Fel tirfeddiannwr lleol roedd Pochin yr un mor weithgar, yn adeiladu bythynnod ar ystâd Bodnant a gwella arferion amaethyddol.
![Peintiad o Henry Davis Pochin dan y teitl ‘The Chemist’ gan Walter William Ouless o Neuadd Bodnant, Gogledd Cymru. Mae’r peintiad yn darlunio Pochin wrth fwrdd gydag offer cemeg ar ei fwrdd o’i flaen yn edrych fel petai’n hidlo hylif.](http://nt.global.ssl.fastly.net/binaries/content/gallery/website/national/regions/wales/places/bodnant-garden/library/built-history-heritage-and-collections/painting-by-walter-william-ouless-at-bodnant-north-wales-1574383.jpg?auto=webp&width=623&dpr=2 2x)