Diwrnodau allan i'r teulu yn Llanerchaeron
Mwynhewch ddiwrnod yn crwydro gerddi, stablau traddodiadol, iard fferm, llyn a llwybrau yn y goedwig. Gweld pa anifeiliaid sydd ar fuarth y fferm ac ymweld â’r certi hynafol, y tractorau a’r rholer stêm yn yr ysguboriau. Gadewch i’r plant archwilio byd natur, gweld bywyd gwyllt lleol a chymryd rhan yn ein gweithgareddau tymhorol.
Hanner tymor yn Llanerchaeron
Cewch chwarae yn yr hen Stablau, gweld beth sy’n tyfu yn yr ardd yr adeg hon o’r flwyddyn, ac os ydych yn ymweld dros hanner tymor – dilynwch y llwybr bwgan brain i weld sawl un sydd i'w darganfod (o Ddydd Mercher 30 Hydref - Dydd Sul 3 Tachwedd).
Dysgwch mwy am ein digwyddiadau yma (cynnwys Saesneg yn unig i ddilyn).
Wrth i’r dail gwympo’n garped o dan droed, gwledd o liwiau ymysg y coed a thema hydrefol yn y tŷ mae digon i’w weld yn Llanerchaeron yr hydref hwn.
Archwilio’r Fila
Yn y fila (tŷ) Sioraidd, gallwch ddysgu llawer o bethau am y teulu Lewes a arferai fyw yn Llanerchaeron. Cofiwch fynd i weld cwrt y gwasanaethau, yn cynnwys y llaethdy, y becws a’r tŷ mwg. Efallai i chi hyd yn oed ddod ar draws un o dair cath enwog Llanerchaeron, Eira, mae hi'n aml i'w gweld yn crwydro o amgylch y tŷ.
Buarth y fferm a Casgliad Geler Jones
Wrth ymweld a’r buarth traddodiadol dychmygwch be fyddai defnydd gwreiddiol yr adeiladau a’r anifeiliaid. Efallai y gwelwch y moch, lloi, y dofednod neu’r merlod Cymreig.
Ym mhen pellaf y buarth cewch hyd i Gasgliad Geler Jones, arddangosfa o offer gwledig traddodiadol, yn amaethyddol a domestig, gan gynnwys hen dractorau a stêm-roler.
Ystafell chwarae’r Hen Stablau
Beth am ymryson gyda’ch teulu a’ch cyfeillion trwy gymryd rhan mewn gornest ping-pong neu bêl-droed bwrdd, neu eisteddwch yn ôl ac ymlaciwch trwy wneud rhywfaint o liwio neu chwarae dominos.
Yr ardd a’r llyn
Sylwch ar y tymhorau yn yr ardd furiog gan weld beth sy'n tyfu wrth i chi ymweld; neu ddilyn y llwybr coed tymhorol sydd ar gael.
Ymgollwch ym myd natur a mwynhau harddwch y gerddi, y llyn a’r coetiroedd. Mae tiroedd Llanerchaeron yn cynnig digon o gyfleoedd i archwilio llwybrau gwastad, hygyrch. Mae’r daith fer, gylchol o amgylch y llyn, y stablau a’r iard fferm, i’r tŷ a’r gerddi muriog yn hygyrch i gadeiriau olwyn neu bramiau. Mae’r tiroedd pleser a’r llyn yn cynnig cysgod braf gyda meinciau, a chewch gyfle i fwynhau’r bywyd gwyllt.
Cynllunio eich ymweliad gyda’r teulu
I’ch helpu i gynllunio’ch diwrnod allan ymlaen llaw, dyma ychydig o wybodaeth allweddol:
· Gallwch ddod o hyd i'n holl oriau agor yma ar gyfer gwahanol rannau'r ystâd. Cynghorwn eich bod yn cael golwg ar ein horiau agor cyn i chi deithio oherwydd gall amseroedd agor newid yn dibynnu ar y tymor.
· Cymerwch ran yn ein digwyddiadau hwyliog trwy gydol y flwyddyn. Gallwch bori drwy’r cyfan yma.
· Mae croeso i gŵn ar dennyn o gwmpas y rhan fwyaf o’r ystâd ac yn y caffi. Darllenwch fwy am ymweld â’ch ffrind pedair coes yma.
· Mae toiledau anabl a chyfleusterau newid ar gyfer babanod yn yr adeilad ymwelwyr wrth y maes parcio, a gyferbyn â’r stablau.
· Gellir gweld prisiau mynediad ar ein tudalen we yma (Gall aelodau'r Ymddiriedolaeth Genedlaethol gael mynediad am ddim).
· Os ydych chi’n ymweld â chadair olwyn neu bram, mae mynediad gwastad o’r maes parcio i’r tŷ, yr ardd furiog, o amgylch y llyn ac iard y fferm. Sylwch y gallai rhai llwybrau coetir fod yn anaddas. Os oes angen cymorth neu ragor o wybodaeth arnoch chi, gofynnwch i aelod o’n tîm cyfeillgar.
