Diwrnodau allan i'r teulu yng Llanerchaeron

Haf o hwyl

Yr haf hwn, mae yna rywbeth i’r holl deulu ei fwynhau yn Llanerchaeron. Dewch i ddarganfod y mannau chwarae newydd sydd ar wasgar ar draws y safle, ewch i’r fila Sioraidd i fwynhau lluniaeth a gweld arddangosfeydd, ac archwiliwch yr ardd furiog sy’n gyforiog o flodau. Mae casgliad bywyd gwledig Geler Jones ar agor bob diwrnod, a bydd ein hanifeiliaid fferm yn siŵr o fwrw swyn ar eich ymweliad. A chofiwch fynd i Gaffi Conti i gael hufen iâ neu gacen.

Byddwn ar agor bob diwrnod yn ystod gwyliau’r haf (20 Gorffennaf – 1 Medi).

Mannau chwarae

Eleni, ceir o hwyl i’r holl deulu ar y fferm. Ewch i’r buarth i weld y man chwarae gwair a rhowch gynnig ar wehyddu gwlân. Beth am geisio godro’r fuwch ffug maint llawn neu roi cynnig ar wneud pelen o wair hyd yn oed. Byddwch yn siŵr o faeddu yn y dŵr a’r tywod wrth gwrt yr ardd, felly cofiwch ddod â dillad wrth gefn gyda chi!

Anifeiliaid fferm

Dywedwch ‘helo’ wrth rai o’r anifeiliaid yn y buarth traddodiadol, yn cynnwys moch, lloi, dofednod a Seren a Tomos y merlod Cymreig 20 oed. Mae gennym dwrci – a elwir yn Twrci Tew – hyd yn oed!

Ystafell chwarae’r Hen Stablau

Beth am ymryson gyda’ch teulu a’ch cyfeillion yn ystafell chwarae’r Hen Stablau trwy gymryd rhan mewn gornest Ping Pong neu bêl-droed bwrdd. Neu eisteddwch yn ôl ac ymlaciwch trwy wneud rhywfaint o liwio neu chwarae dominos coetir.

Yr ardd a’r llyn

O amgylch yr Ardd Furiog a’r llyn ceir llwybr coed tymhorol y gallwch ei ddilyn a lawntiau y gallwch redeg neu ymlacio arnynt. Faint o ffrwythau a llysiau gwahanol y gallwch eu henwi?

Archwilio’r Fila

Yn y Fila Sioraidd, gallwch ddysgu llawer o bethau am y teulu Lewes a arferai fyw yn Llanerchaeron, a gallwch hyd yn oed ganu’r piano. Cofiwch fynd i weld cwrt y gwasanaethau, yn cynnwys y llaethdy, y becws a’r tŷ mwg.

Cathod Llanerchaeron

Mae tair cath enwog Llanerchaeron yn byw yng nghwrt y gwasanaethau. Allwch chi ddarganfod mwy am bwy sy’n byw yno?

Casgliad Bywyd Gwledig Geler Jones

Ewch i ben pellaf y buarth i weld y casgliad enfawr hwn o beiriannau gwledig, yn cynnwys stêm-roler a hen dractorau.

Cymerwch ran yn ein digwyddiadau teuluol drwy gydol y flwyddyn. Mae gwybodaeth am y digwyddiadau sydd ar y gweill ar gael yma.

Teithiau cerdded byr

Ymgollwch ym myd natur a mwynhau harddwch y gerddi, y llyn a’r coetiroedd. Mae tiroedd Llanerchaeron yn cynnig digon o gyfleoedd i archwilio llwybrau gwastad, hygyrch. Mae’r daith fer, gylchol o amgylch y llyn, y stablau a’r iard fferm, i’r tŷ a’r gerddi muriog yn hygyrch i gadeiriau olwyn neu bramiau. Mae’r Parc Difyrion a’r llyn yn cynnig cysgod braf gyda meinciau, a chewch gyfle i fwynhau’r bywyd gwyllt.

Cynllunio eich ymweliad gyda’r teulu

I’ch helpu i gynllunio’ch diwrnod allan ymlaen llaw, dyma ychydig o wybodaeth allweddol:

· Gallwch ddod o hyd i'n holl oriau agor yma ar gyfer gwahanol rannau'r ystâd. Cynghorwn eich bod yn cael golwg ar ein horiau agor cyn i chi deithio oherwydd gall amseroedd agor newid yn dibynnu ar y tymor.

· Cymerwch ran yn ein digwyddiadau hwyliog trwy gydol y flwyddyn. Gallwch bori drwy’r cyfan yma.

· Mae croeso i gŵn ar dennyn o gwmpas y rhan fwyaf o’r ystâd ac yn y caffi. Darllenwch fwy am ymweld â’ch ffrind pedair coes yma.

· Mae toiledau anabl a chyfleusterau newid ar gyfer babanod yn yr adeilad ymwelwyr wrth y maes parcio, a gyferbyn â’r stablau.

· Gellir gweld prisiau mynediad ar ein tudalen we yma (Gall aelodau'r Ymddiriedolaeth Genedlaethol gael mynediad am ddim).

· Os ydych chi’n ymweld â chadair olwyn neu bram, mae mynediad gwastad o’r maes parcio i’r tŷ, yr ardd furiog, o amgylch y llyn ac iard y fferm. Sylwch y gallai rhai llwybrau coetir fod yn anaddas. Os oes angen cymorth neu ragor o wybodaeth arnoch chi, gofynnwch i aelod o’n tîm cyfeillgar.