Darganfyddwch fwy yng Nghanolfan Ymwelwyr a Siop Tyddewi
Dysgwch pryd mae Canolfan Ymwelwyr a Siop Tyddewi ar agor, sut i gyrraedd yno, pethau i’w gweld a’u gwneud a mwy.
Siopa yn Nhyddewi
Mae ein canolfan ymwelwyr a’n siop wrth galon Stryd Fawr y ddinas, gyferbyn â’r groes ganoloesol eiconig. Chwilio am anrheg? Am ddod o hyd i rywbeth i gofio’ch ymweliad? Eisiau pori ein casgliad? Cofiwch ymweld â ni, da chi.
Porwch drwy gynnyrch lleol
Mae’r siop yn cynnwys amrywiaeth hyfryd o nwyddau Cymreig, lleol a chynhyrchion gan yr Ymddiriedolaeth Genedlaethol. A chofiwch am ein casgliad awyr agored, a’r amrywiaeth wych o roddion, cardiau, llyfrau a nwyddau eraill.
Rhywbeth i bawb o bob oedran
Dy’n ni heb anghofio’r plant chwaith – mae gennym rai o’r eitemau sydd eu hangen i gwblhau’r gweithgareddau ‘50 peth i’w gwneud cyn dy fod di’n 11¾’. Galwch draw i weld a allwn eich helpu i gwblhau eich rhestr ‘50 peth’.
Y Stryd Fawr Tyddewi
Awydd bach o siopa? Stryd fawr Tyddewi yw’r lle i chi. Mae’n drysor. Yn ogystal â’n canolfan ymwelwyr a’n siop, mae casgliad lliwgar o fwtîcs, siopau annibynnol ac orielau yma. Ewch am dro o gwmpas dinas leiaf y DU – does wybod pa roddion a danteithion ffeindiwch chi.
Mwynhau Tyddewi
Ar ôl yr holl siopa, mwynhewch wylio’r byd a’i bethau o un o’r caffis neu fwytai amrywiol. Fel arall, mae Eglwys Gadeiriol Tyddewi dafliad carreg i ffwrdd lle gallwch ddysgu mwy am nawddsant Cymru.
Diolch
Diolch i’ch ceiniogau a’ch cefnogaeth chi y gallwn barhau i ofalu am natur, harddwch a hanes i bawb, am byth.
Pethau eraill o ddiddordeb i chi
Erthygl
Ymwelwch â Phenrhyn Dewi
Darganfyddwch fflora a ffawna Penrhyn Dewi. Cadwch olwg am blanhigion arfordirol, campau’r cudyllod a’r mulfrain llwyd fry uwchben, neu glochdar y cerrig yn clwydo ar lwyni eithin.
Erthygl
Ymweld â Thraeth a Chors Marloes
Dewch yn nes at natur drwy wylio’r adar ar y Gors a rhyfeddwch at y golygfeydd glan môr godidog ar draeth Marloes. Neu mentrwch ymhellach a darganfod yr ynysoedd oddi ar y Penrhyn.