![Golygfa o Gastell Powis, uwchben ei derasau, Powys, Cymru, yn yr hydref.](http://nt.global.ssl.fastly.net/binaries/content/gallery/website/national/regions/wales/places/powis-castle-and-garden/library/autumn/powis-castle-and-garden-autumn-powys-wales-1294060-1.jpg?auto=webp&width=767&crop=16:9&dpr=2 2x)
Dewch i ddarganfod Cymru
Gwlad Geltaidd gyda gorffennol diwydiannol, yn llawn mythau, chwedlau, barddoniaeth a chân. Croeso i Gymru.
Mae Y Pwyllgor yn ran hanfodol o gyflawni ein gwaith yng Nghymru, and rydyn ni'n chwilio am aelodau newydd. Os ydych yn teimlo y gallwch wirfoddoli eich mewnwelediadau allanol, profiad ac angerdd, yna byddem wrth ein bodd yn clywed gennych.
Sefydlwyd yr Ymddiriedolaeth Genedlaethol ym 1895 gan bobl a gredai fod angen sylfaenol arnom oll am fynediad i natur, gofod a harddwch, a bod angen gwarchod lleoedd arbennig.
Mae'r grŵp cynghori, Y Pwyllgor, yn hanfodol i'n gwaith i gyflawni hyn yng Nghymru heddiw, a rydyn ni'n edrych am aelodau newydd.
Rydym yn gofyn am eich caniatâd cyn i unrhyw beth lwytho, oherwydd gallai’r cynnwys hwn gyflwyno cwcis ychwanegol. Efallai yr hoffech ddarllen telerau gwasanaeth a pholisi preifatrwydd YouTube Google cyn derbyn.
Rydym yn chwilio am wirfoddolwyr i ymuno â'r Pwyllgor, sef ein pwyllgor cynghori.
Rydym yn chwilio am wirfoddolwyr sydd wedi’u lleoli yng Nghymru a all ein cynghori, meddwl yn greadigol am y cyfleoedd y mae ein cenedl yn eu cynnig, a dod â chysylltiadau a safbwyntiau newydd wrth gyflawni ein strategaeth a’n cynlluniau yng Nghymru.
Mae'r Pwyllgor yn un o ddau grŵp cynghori gwlad a phedwar rhanbarth ar draws yr Ymddiriedolaeth Genedlaethol yng Nghymru, Lloegr a Gogledd Iwerddon.
Mae gan y Pwyllgor hyd at naw aelod sy'n cynghori, yn cefnogi ac yn herio Cyfarwyddwr Cymru a’i thîm i ddatblygu eu meddwl ar flaenoriaethau, themâu neu brosiectau strategol.
Mae aelodau’r grŵp yn dod â’u gwybodaeth am Gymru, yn ogystal â mewnwelediadau, rhwydweithiau ac arloesedd gan sefydliadau a sectorau allanol i helpu’r Ymddiriedolaeth Genedlaethol i edrych ar ol llefydd arbennig, i bawb, am byth.
Angerdd ein pobl a’n cefnogwyr sy’n gwneud yr Ymddiriedolaeth Genedlaethol yn lle arbennig i weithio a gwirfoddoli. Pobl yw'r allwedd i'n llwyddiant. Os ydych yn teimlo y gallwch wirfoddoli eich mewnwelediadau allanol, profiad ac angerdd, yna byddem wrth ein bodd yn clywed gennych.
Byddem wrth ein bodd pe bai profiadau a safbwyntiau’r Pwyllgor mor amrywiol â’r cymunedau trefol a gwledig ledled Cymru, ac mor amrywiol â straeon ein lleoedd, ein pobl a’n casgliadau. Os nad ydych chi'n meddwl eich bod chi'n ymwelydd neu'n gefnogwr 'nodweddiadol' o'r Ymddiriedolaeth Genedlaethol, yna mae'n debyg mai chi yw'r math o berson all ein helpu ni!
Ar hyn o bryd mae’r Pwyllgor yn cyfarfod wyneb yn wyneb deirgwaith y flwyddyn yn un o’n heiddo, gyda chyfarfodydd byr ychwanegol ar-lein, fel arfer yn cael eu cynnal amser cinio neu gyda’r nos yn ystod yr wythnos waith. Yr ymrwymiad amser cyffredinol yw lleiafswm o bum niwrnod y flwyddyn.
Fel aelod o'r Pwyllgor, byddwch yn cyfrannu at waith elusen gadwraeth fwyaf Ewrop ac yn helpu llunio ein hymateb i heriau’r 21ain ganrif
Bydd aelodau'r Pwyllgor yn ennill neu'n datblygu eich profiad o chwarae rôl ymgynghorol mewn sefydliad mawr, cymhleth sydd â rolau masnachol, elusennol a budd cyhoeddus.
Mae hyn yn gyfle i chwarae rhan yn y gwaith o adfer a diogelu rhai o dai hanesyddol gorau Cymru, olion archeolegol, henebion cofrestredig, arfordir, coedwigoedd, tir fferm, gwarchodfeydd natur, gerddi a thirweddau.
Wrth galon holl waith Y Pwyllgor ydy meddwl am sut i wneud y llefydd arbennig y gofalwn amdanynt ar gael i gymaint o bobl a phosib.
Rydym yn chwilio am sgiliau ac arbenigedd mewn un neu fwy o’r meysydd canlynol:
Amrywiaeth a chynhwysiant
Diwylliant a hanes Cymru
Ymgysylltu ieuenctid
Busnes ymwelwyr
Codi arian
Datblygu cynaliadwy a Deddf Llesiant Cenedlaethau’r Dyfodol
Sylwch nad yw profiad Bwrdd neu Bwyllgor blaenorol yn hanfodol.
I ymgeisio i ddod yn aelod o'r Pwyllgor, plis ymgeisiwch erbyn 28 Mai 2024.
Darlennwch y pecyn recriwtio llawn am fanylion pellach.
Gwlad Geltaidd gyda gorffennol diwydiannol, yn llawn mythau, chwedlau, barddoniaeth a chân. Croeso i Gymru.