Ein hymrwymiad i gynhwysiant ac amrywiaeth

Visitors exploring the house at Christmas at Avebury Manor, Wiltshire — Ymwelwyr yn archwilio Maenor Avebury yn Swydd Wiltshire | © National Trust Images/James Dobson

Rydym wedi ymrwymo i fodloni anghenion a disgwyliadau cymdeithas amrywiol. Darllenwch beth yr ydym yn ei wneud i greu amgylchedd cynhwysol, hygyrch a chroesawus i’n cefnogwyr, staff a gwirfoddolwyr.

Os ydych yn aelod, cefnogwr, gwirfoddolwr neu aelod o staff, mae’n bwysig i bawb gael profiad yr un mor gadarnhaol o’n gwaith ac yn teimlo bod croeso ar gael. Rydym yn galw’r gwaith hwn yn Croeso i Bawb ac mae pob rhan o’r sefydliad yn gyfrifol amdano.

Rydym wedi creu’r Adroddiad Cynnydd Cynhwysiant ac Amrywiaeth i rannu rhywfaint o’r gwaith yr ydym yn ei wneud i gysylltu â’r rhai sydd â lleiaf o gynrychiolaeth ar hyn o bryd ymhlith ein staff, gwirfoddolwyr a chefnogwyr. Mae’r adroddiad hwn hefyd yn rhannu rhywfaint o’r cynnydd yr ydym yn ei wneud a’r effaith y mae’n ei gael.

Byddwn yn cyhoeddi’r diweddaraf am ein cynnydd bob dwy flynedd, felly gall unrhyw un olrhain y cynnydd a’n dal i gyfri am gyflawni ein hymrwymiadau.

Darllenwch yr adroddiad

Dyfyniad gan Hilary McGradyYmddiriedolaeth Genedlaethol Cyfarwyddwr Cyffredinol

Ein gwaith dros gefnogwyr

Mae'r rhan fwyaf o bobl yn profi'r Ymddiriedolaeth Genedlaethol drwy'r lleoliadau sydd dan ein gofal. Rydym yn gweithio’n galed i gynnig profiadau sy’n groesawus, hygyrch a pherthnasol i ymwelwyr presennol, yn ogystal â chynulleidfaoedd newydd a mwy amrywiol.

Mae rhai o’r pethau yr ydym yn eu gwneud i wneud i hyn ddigwydd yn cynnwys:

archwilio dulliau teithio newydd a gwell i helpu mwy o bobl i gyrraedd y lleoedd dan ein gofal
gwella hygyrchedd mwy na 150 o fannau ers 2021, yn ogystal â datblygu pecyn offer gyda Dementia Adventure i helpu lleoedd i ddod yn fwy cynhwysol i bobl s’n byw â dementia
datblygu a rhannu hanesion cyfoethocach, llawnach am y mannau dan ein gofal a’r bobl fu’n byw a gweithio ynddynt
profi sut y gallwn gyrraedd cynulleidfaoedd iau trwy greu Canolfannau Plant a Phobl Ifanc mewn 19 o’r lleoedd dan ein gofal
ariannu hyfforddiant arweinyddion teithiau i bobl o gymunedau ethnig lleiafrifol i helpu i daclo diffyg cydraddoldeb o ran mynediad i’r awyr agored
sicrhau bod ein cyfathrebiadau a’n hysbysebion yn hygyrch i bawb ac yn cyrraedd y grwpiau sydd leiaf ymwybodol ar hyn o bryd o’r Ymddiriedolaeth Genedlaethol.

A volunteer and a member of staff tending the garden at Rainham Hall, with the trees starting to bud around them and a view of the hall in the distance. — Gwirfoddoli yn yr ardd ym Mhlas Rainham | © National Trust Images/Rob Stothard

Ein gwaith i staff a gwirfoddolwyr

Mae arnom eisiau i’n staff a’n gwirfoddolwyr adlewyrchu’r cymunedau y maent yn eu gwasanaethu, ac rydym yn gweithio i sicrhau ein bod yn lle cynhwysol i weithio a gwirfoddoli.

Rydym yn casglu data staff am oedran, anabledd, ethnigrwydd, rhyw, hunaniaeth rywiol, crefydd a chred, a chyfeiriadedd rhywiol. Rydym yn gweithio i wella ein data am hunaniaeth rywiol a chefndir cymdeithasol-economaidd a byddwn yn rhannu hyn mewn adroddiad ar gynnydd yn y dyfodol.

Ar sail y staff a wnaeth rannu data amrywiaeth fel yr oedd ar 31 Rhagfyr 2023 (nid yw’r niferoedd yma’n cynnwys y rhai sydd wedi nodi ‘dewis peidio â dweud’ neu heb rannu eu data):

42.3 oedd oedran ein staff ar gyfartaledd
mae 3.8% o’n staff yn anabl
mae 3% o’n staff yn bobl o liw
mae 6.9% o’n staff yn uniaethu yn LHDTC+
mae 56.6% o’n staff yn fenywaidd
mae 27.8% o’n staff yn wrywaidd.

Mae amrywiaeth ein staff yn cynyddu’n raddol yn flynyddol, ond mae gennym lawer mwy i’w wneud pan ddaw’n fater o recriwtio – yn neilltuol o ran ethnigrwydd ac anabledd.

Mae rhai o’r pethau yr ydym yn eu gwneud i wneud i hyn ddigwydd yn cynnwys:

cefnogi cynnydd gyrfa pobl o liw trwy raglen Cyflymydd Talent
cyflwyno’r rhaglen Creu Diwylliant Cynhwysol i arweinwyr ar draws yr Ymddiriedolaeth, o’n Tîm Gweithredol i dimau arwain eiddo
gwrando ar brofiadau pobl a’u barn trwy ein harolwg staff a gwirfoddolwyr blynyddol
cynyddu amrywiaeth ymgeiswyr a chynigion swyddi trwy ddarparu recriwtio ar sail cryfderau i rai mathau o swyddi
cefnogi ein tair rhwydwaith cynhwysiant, LHDTC+, Cydraddoldeb Hiliol a Gallu Gweithio, sy’n chwarae rhan allweddol wrth wella ein diwylliant mewnol.

Adroddiad Bwlch Cyflog Rhyw ac Amrywiaeth

Rydym yn parhau i gyhoeddi ein Hadroddiad Bwlch Cyflog Rhwng y Rhywiau gyda phwyslais ar leihau’r bwlch. Yn ystod y flwyddyn ddiwethaf, rydym wedi bod yn cynyddu’r data staff sydd gennym ac rydym yn awr hefyd yn gallu cyhoeddi ein bylchau cyflog ar gyfer anabledd, ethnigrwydd a chyfeiriadedd rhywiol.

Adroddiad Bwlch Cyflog

Ein huchelgais yw ein bod yn gwella a chynyddu’r budd yr ydym yn ei gynnig trwy gyrraedd cynulleidfaoedd newydd a mwy amrywiol, yn ogystal â’r rhai sydd eisoes yn ymweld â ni ac yn ein cefnogi. Byddwn yn parhau i wrando, dysgu a rhannu ein cynnydd.