Tŷ Aberconwy

Dyma’r unig dŷ masnachol hynafol yng Nghonwy i oroesi’r hanes cythryblus y dref gaerog dros bron i chwe chanrif.   Tŷ Aberconwy yw’r adeilad domestig, seciwlar hynaf yng Nghymru. Gyda phren yn dyddio'n ôl i 1417, tŷ masnachwyr Canoloesol oedd o i ddechrau. Ers hynny mae ganddo hanes hir o fod yn safle masnach, gydag Evan David yn gwerthu cynnyrch o’i fferm ym Mhenarth yno yn y 1600au a’r Capten Samuel Williams yn gwerthu nwyddau fel llechi, copr a phlwm yn yr 1800au. Erbyn troad yr 20fed ganrif roedd yn Westy Dirwest yn cael ei redeg gan Jane a William Jones a oedd yn cynnig dewis arall diogel a thawel o gymharu â thafarndai prysurach a mwy garw Conwy ar y pryd. Ar ôl rhedeg fel siop hen bethau am nifer o flynyddoedd aeth i gyflwr gwael yn y pen draw. Er mwyn ei arbed rhag cael ei ddatgymalu a’i gludo i UDA fe’i prynwyd gan Alexander Campbell-Blair o Landudno a’i rhoddodd i’r Ymddiriedolaeth Genedlaethol ym 1934.