Ryseitiau
O fwydydd pôb clasurol poblogaidd i brydau iach y gall y teulu cyfan eu mwynhau, dewch o hyd i’r ysbrydoliaeth ar gyfer eich pryd nesaf. (Saesneg yn unig)
Bara brith Penrhyn
Pobwch fara brith Cymreig traddodiadol gyda’r rysáit hawdd hon o geginau Castell Penrhyn yn Oes Fictoria. Mae’r trît poblogaidd hwn yn cael ei wneud gyda ffrwythau sych, sbeisys a the. Gallwch ei weini ar ei ben ei hun neu gyda menyn.
- Socian dros nos, a 10 munud o amser paratoi
- 1 awr 15 munud amser coginio
- Digon i 10
- Cacennau, pobi a phwdinau
Cynhwysion
- 300g ffrwyth sych cymysg
- 200g siwgr brown ysgafn
- 250ml te cryf poeth
- 350g blawd codi
- 3g sbeisys cymysg
- 1 wy mawr, wedi’i fwrw
- 50g menyn meddal (a mwy i iro)
Dull
Cam 1
Rhowch y ffrwyth sych mewn powlen fawr gyda’r siwgr. Ychwanegwch y te a chymysgu’r cyfan yn dda. Gadewch iddo socian dros nos.
Cam 2
Gwresogwch y ffwrn i 160°C (140°C ffan/marc nwy 3). Irwch a leiniwch tun torth 900g gan ddefnyddio’r menyn ychwanegol a phapur pobi.
Cam 3
Ychwanegwch y blawd a’r sbeis cymysg i’r bowlen o ffrwythau sydd wedi bod yn socian. Cymysgwch bopeth yn dda cyn ychwanegu’r wy a gweddill y menyn.
Cam 4
Arllwyswch y gymysgedd i mewn i’r tun torth sydd wedi’i baratoi gennych a phobi yn y ffwrn am 1 awr 15 munud, neu tan fod sgiwer sy’n cael ei wthio i mewn i’r canol yn dod allan yn lân.
Cam 5
Ar ôl i’r dorth oeri, torrwch hi’n dafelli a’i gweini gyda neu heb fenyn, a phaned haeddiannol o de.
Pethau eraill o ddiddordeb i chi
Ryseitiau
Cymerwch olwg ar ryseitiau’r Ymddiriedolaeth Genedlaethol, o glasuron fel sgons caws a chacennau i’r teulu i brydau llysieuol a figan a danteithion tymhorol. (Saesneg yn unig)
Rysáit
Sgons ffrwythau’r Ymddiriedolaeth Genedlaethol
Dysgwch sut i wneud sgon ffrwythau berffaith yr Ymddiriedolaeth Genedlaethol. (Saesneg yn unig)
Rysáit
Tarten aeron
Mae’r darten hyfryd hon yn blasu o’r haf drwy gydol y flwyddyn. (Saesneg yn unig)
Rysáit
Cacen foron
Mwynhewch sleisen o’r gacen foron glasurol hon, wedi’i sbeisio gyda sinamon a chydag eisin hufennog trwchus, cnau Ffrengig mâl a hadau ar ei phen, gyda naddion moron yn goron ar y cyfan. (Saesneg yn unig)
Rysáit
Teisen frau rhiwbob a hufen sinsir
Bisgedi brau menynaidd gyda chompot rhiwbob, iogwrt hufennog chwip a surop gwin moethus. (Saesneg yn unig)
Rysáit
Cacen Nadolig gyflym
Mae ein cacen Nadolig gyflym yn berffaith os nad ydych wedi cael yr amser i ddilyn rysáit draddodiadol. Mae’n blasu’n hyfryd hefyd. (Saesneg yn unig)
Rysáit
Cacen ffrwythau wedi’i socian mewn te
Eisiau sbwylio’ch hun? Rhowch gynnig ar gacen ffrwythau wedi’i socian mewn te, sy’n siŵr o ddod yn ffefryn i’r teulu. (Saesneg yn unig)