Bwyta a Siopa yng Ngardd Goetir Colby

Cyhoeddwyd:: 04 Ebrill 2023

Golygfa allanol o adeilad y caffi ac adeilad yr oriel gyda byrddau a chadeiriau yng nghwrt Gardd Goedwig Colby, Sir Benfro — Ystafell te Y Bothy ac Oriel Gardd Goedwig Colby, Sir Benfro | © National Trust Images/Sue Jones

Mae’r ystafell de a’r galeri wedi eu lleoli mewn grŵp o ysguboriau gwyngalchog lle’r oedd gweithwyr ystad Colby’n byw, coginio a chysgu ar un adeg. Galwch heibio am rywbeth i’w fwyta, neu brynu anrheg wedi’i gwneud â llaw cyn neu ar ôl eich ymweliad â’r ardd.

Bwyta a Siopa yn Colby

Gyda chymaint i’w archwilio yng Ngardd Goetir Colby, byddwch yn siŵr o fod eisiau bwyd. Mwynhewch brydau blasus yn Ystafell De’r Caban, cyn siopa am gofroddion ac anrhegion yn Galeri’r Crefftwyr neu’r siop lyfrau ail-law a chofroddion Colby yn y Ganolfan Croesawu Ymwelwyr.

Ystafell De’r Bwthyn

Ystafell de fendigedig sy’n llawn cymeriad a hud hanesyddol. Caiff ei rhedeg gan dîm teuluol, sef Francesca a’i merched. Yn y Bwthyn, caiff y cynnyrch lleol tymhorol gorau ei weini.

Mae’r Bwthyn yn cynnig lloches llawn croeso ym mhob tymor – pa un a fyddwch awydd cael cawl cartref o flaen tanllwyth o dân ar ddiwrnod oer yn y gaeaf, neu hufen iâ Cymreig gwobrwyol a hynod flasus ymhlith y blodau ar ddiwrnod braf o haf.Neu beth am eich tretio eich hun i de prynhawn traddodiadol a weinir ar lestri tsieina cywrain? Mae tîm teuluol y Bwthyn yn danbaid dros gynnyrch lleol, felly gallwch hefyd brynu pot o siytni cartref neu fêl lleol i fynd adref gyda chi.

Beth sydd ar y fwydlen?

Mae’r Bwthyn yn gweini brecwast, cinio a danteithion melys, yn cynnwys peis a thartenni sawrus cartref, saladau organig, a chacennau a hufen iâ blasus. Mae bwrdd y ‘prydau arbennig dyddiol’ yn cynnwys opsiynau figan, llysieuol a heb glwten, a hefyd ceir bwydlen unigryw ar gyfer cŵn i blesio eich cyfeillion pedair pawen. Mae’r tîm yn anelu at gynnig rhywbeth a fydd at ddant a phoced pawb.

Detholiad o ddiodydd

Os ydych awydd diodydd poeth neu ddiodydd i dwymo’r galon yn y gaeaf, gallwch ddewis o blith coffi rhost lleol, te rhydd Sir Benfro, a siocled poeth o wahanol fathau.

Yn ystod tywydd cynhesach yr haf, gallwch ddewis o blith diodydd oer fel piseri blodau ysgaw, te rhew, smwddis, ysgytlaeth a llawer mwy. Ac i goroni’r cwbl, caiff llaeth ffres ei ddanfon mewn tuniau llaeth yn syth o laethdy Trenewydd, filltir yn unig o’r ystafell de.

Alergenau

I gael rhagor o gymorth, siaradwch ag aelod o’r tîm cyfeillgar – cewch wybodaeth gyfredol am yr alergenau a’r cynhwysion i gyd.

Mae tîm y Bwthyn yn edrych ymlaen at eich croesawu drwy gydol 2024

A close up of traditional cream tea outside the tea-room at Corfe Castle, Dorset — Ymwelwyr yn mwynhau lluniaeth. | © National Trust Images/David Levenson

Siopa yn Colby

Yn y Ganolfan Croesawu Ymwelwyr fe welwch ystod o gofroddion Colby, ynghyd â’n siop lyfrau ail law sy’n cadw ystod eang o lyfrau wedi eu defnyddio ac yn helpu i godi arian i ofalu am yr ardd. Dewch i siopa, i roi llyfrau ail-law neu ddod yn wirfoddolwr.

Galwad am lyfrau ail-law.

Rydym bob amser yn chwilio am lyfrau nad yw pobl eu hangen bellach. Os ydych yn teimlo y gallwch roi rhai, ffoniwch 01834 811885 (est. 2) neu e-bostio colby@nationaltrust.org.uk Oherwydd eich gwario a’ch cymorth chi rydym yn gallu parhau i ofalu am natur, prydferthwch a hanes i bawb, am byth. Diolch.

“Mae pob llyfr sy’n cael ei roi neu ei brynu yn ein siop lyfrau ail-law yn dod â llawenydd i wirfoddolwyr ac ymwelwyr fel ei gilydd, wrth ein helpu ni i ofalu am y lle arbennig iawn hwn.”

Dyfyniad gan Ellen DaviesYmddiriedolaeth Genedlaethol Rheolwr Croeso, Gardd Goetir Colby

Galeri’r Groglofft

Mynediad mewnol Galeri’r Croglofft Gardd Goetir Colby, Sir Benfro. — Galeri’r Croglofft Gardd Goetir Colby, Sir Benfro. | © National Trust Images/Sue Jones

Mae croeso cynnes yn eich disgwyl yng Ngaleri’r Groglofft, sy’n cael ei redeg gan grefftwyr Sir Benfro, cymuned o artistiaid a chrefftwyr annibynnol sydd wedi bod yn mynd ers bron i 40 mlynedd.

Dewiswch o gasgliad eclectig o grefftau cyfoes a thraddodiadol wedi eu gwneud â llaw. Cewch hyd i grochenwaith, gemwaith, dillad wedi eu gwau, gwaith lledr wedi eu gwneud â llaw a lluniau a ffotograffau gwreiddiol yn cael eu harddangos. Cewch gwrdd â rhai o’r crefftwyr a sgwrsio am eu crefft.

Mae’r Galeri wedi ei lleoli yn ardal yr iard gerllaw Ystafell De’r Caban ac mae modd cael mynediad drwy fynd i fyny’r grisiau allanol ym mhen pellaf yr ysguboriau gwyngalchog.

Am ragor o wybodaeth ynghylch crefftwyr Sir Benfro ewch i’w gwefan fan hyn, neu ymunwch ag un o’u nifer o weithdai sy’n cael eu cynnal yn ystod y tymor gwyliau.