Ymweld â Pen Llŷn gyda'ch ci

Dau o bobl yn cerdded dau gi bach ar hyd traeth Llanbedrog, darn eang o dywod gyda chytiau traeth lliwgar a choed tal gwyrdd tywyll yn unon tu ôl iddynt. — Mynd â chŵn am dro ar draeth Llanbedrog | © National Trust Images/James Dobson

Mae pob ci yn haeddu chwarae yn y môr weithiau. Yma yn Llŷn mae gennym ni amrywiaeth o deithiau cerdded i’ch plesio chi a’ch ffrind pedair coes. Dewch â thennyn gyda chi bob amser – dydych chi byth yn gwybod pryd fyddwch chi'n dod ar draws dafad neu ddwy wrth grwydro. Peidiwch ag anghofio eich bagiau baw ci, defnyddiwch y biniau a ddarperir neu ewch ag unrhyw wastraff adref gyda chi. Mwynhewch eich taith.

Ein system pawen

Rydyn ni wedi bod yn gweithio ar ei gwneud hi’n haws i chi ddarganfod pa mor gyfeillgar i gŵn fydd eich ymweliad cyn i chi a’ch ffrind pedair coes gyrraedd. I helpu gyda hyn, rydym wedi creu system raddio newydd ac wedi rhoi sgôr i'r holl leoedd yn ein gofal. Gallwch ddod o hyd i’r wybodaeth hon yn llawlyfr aelodau’r Ymddiriedolaeth Genedlaethol.

Mae gan Ben Llŷn sgôr o un bawen.

Mae croeso i gŵn yma, ond mae’r cyfleusterau’n gyfyngedig. Gallant ymestyn eu coesau yn y maes parcio a cherdded yn y mannau agored gerllaw, yn dibynnu ar y tymor. Mae llawer o lefydd i ymweld â nhw ym Mhen Llŷn, darllenwch ymlaen i ddarganfod yn union ble gallwch chi fynd â'ch ci.

Ble gall fy nghi fynd ym Mhen Llŷn?

Traeth Llanbedrog: Dewch â’ch cŵn gyda chi i draeth Llanbedrog lle gallwch fwynhau taith gerdded milltir o hyd ar hyd y traeth tywodlyd. O 1 Ebrill tan 30 Medi bydd angen cadw cŵn ar dennyn tan y tu hwnt i’r cytiau traeth. Rydym yn cynnig bagiau baw am ddim o’r caban ymwelwyr a’r cyfan a ofynnwn yw eich bod yn defnyddio’r bin a ddarperir wrth fynedfa’r maes parcio. Mae traeth Llanbedrog yn lleoliad 1 pawen.Ymweld â traeth Llanbedrog
Porthor: Dewch â’ch ci am dro gaeafol i Borthor, does dim cyfyngiadau o 1 Hydref tan 31 Mawrth. Yn ystod misoedd yr haf (1 Ebrill i 30 Medi) ni chaniateir cŵn ar y traeth, er y gellir mynd â nhw i'r caffi ac eistedd ar y teras. Mae mynediad i Lwybr Arfordir Cymru i’r ddau gyfeiriad heb fynd ar y traeth oddi yma. Neu cerddwch ar hyd yr arfordir garw uwchben Porthor drwy gydol y flwyddyn gyda’ch ci. Mae Porthor yn lleoliad 1 pawen.Ymweld â Porthor

Cerddwyr cŵn ar draeth Porthdinllaen, Gwynedd, Gogledd Cymru — Mae Porthdinllaen yn le perffaith i ymweld gyda'ch ci | © National Trust Images/ James Dobson

Porthdinllaen: Man cerdded cŵn poblogaidd iawn sy'n cychwyn yn ein maes parcio ym Mhorthdinllaen a dilyn y llwybr ar hyd y traeth i’r pentref pysgota prydferth. Gadewch i’ch cŵn orffwys tra byddwch yn eistedd yn ôl ac ymlacio wrth fwynhau diod yn Nhafarn y Tŷ Coch. Sylwch fod cyfyngiadau wrth i chi fynd i'r traeth i'r dde (tuag at Nefyn) o Ebrill 1af hyd at Fedi 30ain. O Dŷ Coch gallwch barhau ar hyd y llwybr tuag at orsaf y bad achub a thrwy’r cwrs golff yn ôl i’r maes parcio. Cadwch eich ci ar dennyn wrth i chi gerdded drwy’r cwrs golff – rhag ofn i darfu ar unrhyw golffwyr. Mae Porthinllaen yn lleoliad 1 pawen.Ymweld â Porthdinllaen
Porth Meudwy: Ewch ar bererindod i Borth Meudwy; cildraeth bychan ar benrhyn Llŷn a fu unwaith yn fan cychwyn i bererinion ar eu taith i Ynys Enlli. Eisteddwch yn ôl ar y traeth wrth i chi wylio'r pysgotwyr lleol neu dwristiaid yn gwneud eu ffordd i Ynys Enlli. Mae Porth Meudwy yn lleoliad 1 pawen.Ymweld â Porth Meudwy

Mynydd Mawr a Braich y Pwll: Ewch ar antur i bendraw'r byd gyda’ch ffrind pedair coes, lle cewch eich cyfarch â’r olygfa orau o Ynys Enlli a golygfeydd panoramig yn ymestyn allan cyn belled ag Iwerddon a de Cymru ar ddiwrnod clir. Mae Mynydd Mawr a Braich y Pwll yn lleoliad 1 pawenYmweld â Mynydd Mawr a Braich y Pwll
Pistyll: Mwynhewch yr heddwch a’r tawelwch gyda’ch ffrind pedair coes ar hyd y llwybr i draeth trawiadol Porth Pistyll a mwynhewch y golygfeydd dros Fôr Iwerddon a bryniau dramatig yr Eifl ar hyd y ffordd. Mae Pistyll yn lleoliad 1 pawen.Ymweld â Pistyll
Morfa a Nant Bach: Cerddwch gyda'ch ci ar hyd y traeth a'r llwybr arfordir yng nghysgod yr hyn a fu unwaith yn chwarel wenithfaen fwyaf y byd. Byddwch yn ofalus ar hyd y clogwyni a chadw eich ffrind ar dennyn. Mae Morfa a Nant Bach yn lleoliad 1 pawen.Ymweld â Morfa a Nant Bach

Ynys Enlli o Fynydd Mawr | © National Trust Images / Annapurna Mellor

Cod Cŵn

Rydym wedi gweithio gyda’n partner Forthglade i lunio’r cod cŵn hwn, sy’n helpu i sicrhau y gall pawb fwynhau eu diwrnod:

Tynhewch y tennyn: gallwch helpu i leihau’r siawns y bydd eich ci yn tarfu ar adar sy’n nythu ar y ddaear ac anifeiliaid fferm drwy ei gadw ar dennyn byr. Mae’n hanfodol defnyddio tennyn byr o gwmpas defaid. Ond os bydd gwartheg yn dod atoch chi, y peth gorau i’w wneud yw gadael eich ci oddi ar y tennyn, a’i alw’n ôl atoch chi pan mae’n ddiogel i wneud hynny.
Codi’r baw: glanhewch ar ôl eich ci bob tro. Os nad ydych chi’n gallu dod o hyd i fin gerllaw, ewch â’r bagiau baw adref gyda chi.
Troediwch yn ofalus: cadwch olwg ar arwyddion a hysbysiadau lleol ble bynnag fyddwch chi’n cerdded. Byddant yn rhoi gwybod i chi os yw cŵn wedi’u gwahardd o draeth, er enghraifft, neu os yw llwybr wedi’i wyro, neu os ydych chi mewn ardal lle gall cŵn redeg yn rhydd.
Cadw’ch llygad ar y bêl: cofiwch nad yw pawb yn caru cŵn, ac mae rhai pobl yn eu hofni. Felly gwnewch yn siŵr nad yw eich ci yn rhedeg i fyny at bobl eraill, yn enwedig plant.

Cadwch eich ci dan reolaeth 

Mae ein diffiniad o reolaeth agos neu effeithiol fel a ganlyn:

Y gallu i alw eich ci atoch mewn unrhyw sefyllfa, ar yr alwad gyntaf.
Gallu gweld eich ci yn glir bob amser (nid yw gwybod ei fod wedi diflannu i mewn i’r llystyfiant neu dros y bryn yn ddigon). Yn ymarferol, mae hyn yn golygu ei gadw ar lwybr cerdded os yw’r llystyfiant o’ch cwmpas yn rhy drwchus i allu gweld eich ci.
Peidio â gadael iddo fynd at ymwelwyr eraill heb eu caniatâd.
Cael tennyn i’w ddefnyddio os byddwch yn dod ar draws da byw, bywyd gwyllt neu os gofynnir i chi ddefnyddio un.

Teulu yn mynd â’u cŵn am dro yn y parc yn Erddig, Wrecsam, Cymru

Dewch o hyd i'r lle nesaf i gerdded eich ci yng Nghymru

Mae digonedd o lefydd sy’n croesawu cŵn yng Nghymru. O fynyddoedd a thraethau i erddi a pharciau, darganfyddwch lefydd i gerdded a chrwydro.

Trefnwch daith

Rydym wedi ffurfio partneriaeth â’r gwneuthurwr bwyd anifeiliaid anwes naturiol, Forthglade fel y gallwch chi a’ch ci gael mwy fyth allan o’r lleoedd arbennig sydd dan ein gofal.

Ymweld â'r wefan