Arfordiroedd a thraethau Pen Llŷn

Golygfa dros draeth Porthor, Gwynedd, Gogledd Cymru | © National Trust Images/ National Trust

Ymwelwch â 30 milltir o brydferthwch pur yn estyn i Fôr Iwerddon. O ddyfroedd tawel Llanbedrog i brofiadau diwylliannol ym Mhorth y Swnt a ‘thywod chwibanog’ hudolus Porthor, darganfyddwch bethau i’w gweld a’u gwneud ym Mhen Llŷn.

Arfordiroedd a thraethau i’w darganfod ym Mhen Llŷn

Traeth Llanbedrog: Yn boblogaidd gydag ymwelwyr ers oes Fictoria, mae Llanbedrog yn draeth euraidd sydd â dyfroedd tawel a golygfeydd hyfryd dros Fae Ceredigion. Yn berffaith ar gyfer diwrnod allan i’r teulu, mae ‘na ddŵr bas i badlo a rhwydwaith o lwybrau drwy ardaloedd o goetir a rhostir sy’n amgylchynu’r traeth. Awydd antur? Dringwch drwy rostir Mynydd Tir y Cwmwd am olygfa i’w chofio o Ben Llŷn a Bae Ceredigion.Trefnwch eich ymweliad â thraeth Llanbedrog
Porth y Swnt: Wedi’i lleoli ar ymylon Cymru ym mhentref pysgota perffaith Aberdaron, mae canolfan ymwelwyr Porth y Swnt yn borth ar gyfer darganfod Pen Llŷn. Mae’r dehongliad arloesol hwn yn cynnig cyflwyniad i hanes a diwylliant Pen Llŷn drwy sain, fideo, cerfluniau a gwaith celf. Mae ‘na lwybrau beicio gerllaw, ac mae llwybr yr arfordir yn eich tywys i gildraeth pysgota bach Porth Meudwy.Trefnwch eich ymweliad i Borth y Swnt
Porthdinllaen: O’r gaer Oes yr Haearn ar y pentir i draethau euraidd a dyfroedd cysgodol, mae hwn yn lle rhyfeddol i fwynhau diwrnod ar yr arfordir. Cadwch olwg am fywyd gwyllt – mae gwenoliaid y glennydd yn nythu yn y clogwyni a llwyth o forloi llwyd wedi ymgartrefu yma. Tra’ch bod chi ar y traeth, mwynhewch ddiod fach o Dafarn Tŷ Coch.Trefnwch eich ymweliad â Phorthdinllaen
Porthor: Mae golygfeydd trawiadol ar hyd y darn garw hwn o arfordir yng ngogledd Pen Llŷn. Yn enwog am ei ‘Dywod Chwibanog’ enwog, mae’r traeth anghysbell yn lle hyfryd i ymlacio. Mae morloi’n ymwelwyr cyffredin yma ac fe allech fod yn ddigon lwcus i weld dolffin hefyd.Trefnwch eich ymweliad â Thraeth Porthor

Teulu yn crwydro traeth Llanbedrog ar ddiwrnod heulog ym Mhen Llŷn — Teulu yn crwydro traeth Llanbedrog | © National Trust Images/James Dobson

Traethau i gŵn ym Mhen Llŷn

Mae croeso i gŵn da ar draethau Pen Llŷn, oni bai bod angen cadw cŵn i ffwrdd am resymau sy’n ymwneud â chadwraeth natur. Gall hyn fod yn ddibynnol ar yr adeg o’r flwyddyn, felly ewch i wefan y traeth neu’r arfordir i gadarnhau a allwch ddod â’ch ci cyn eich ymweliad.

Cŵn ac anifeiliaid fferm

Wrth ymweld, talwch sylw i unrhyw arwyddion lleol am gerdded cŵn – er enghraifft, a oes angen i’ch ci fod ar dennyn. Dylai cŵn gael eu cadw ar dennyn o gwmpas anifeiliaid, ond os oes gwartheg neu anifeiliaid mawr eraill yn cwrso eich ci, y peth gorau i’w wneud yw gadael y tennyn i fynd tan eich bod wedi gadael yr ardal.

Golygfa tuag at Borthdinllaen, pentref pysgota bach gydag ychydig o fythynnod gwyngalchog dan glogwyn glaswelltog ym Mhenrhyn Llŷn, Cymru. Mae ychydig o longau pysgota yn y dŵr a phobl yn cerdded ar y clogwyn uwchben y pentref. — Porthdinllaen, pentref pysgota ym Mhenrhyn Llŷn | © National Trust Images/Joe Cornish

Dilynwch y cod cefn gwlad

Helpwch i gadw arfordiroedd a thraethau Pen Llŷn yn ddiogel a dymunol drwy gadw at rai canllawiau syml yn ystod eich ymweliad a dilyn y Cod Cefn Gwlad.

Parchwch bobl eraill

Byddwch yn ystyrlon o’r gymuned leol a phobl eraill sy’n mwynhau ac yn gweithio yn yr awyr agored
Parciwch yn ofalus gan sicrhau bod gatiau a dreifiau’n cael eu cadw’n glir
Gadewch gatiau ac eiddo fel yr oedden nhw pan gyrhaeddoch chi
Dilynwch lwybrau sydd wedi’u marcio ac arwyddion lleol
Byddwch yn gyfeillgar, dwedwch shwmae

Diogelu’r amgylchedd naturiol

Peidiwch â gadael dim ar eich ôl – ewch â’ch sbwriel adref
Byddwch yn ofalus gyda barbeciws a thanau – defnyddiwch nhw mewn ardaloedd pwrpasol yn unig
Cadwch gŵn dan reolaeth
Baw ci – yn y bag, yn y bin – mae unrhyw fin cyhoeddus yn iawn