Darganfyddwch fwy yng Ngerddi Dyffryn
Dysgwch pryd mae Gerddi Dyffryn ar agor, sut i gyrraedd yno, pethau i’w gweld a’u gwneud a mwy.
Nadolig yng Ngerddi Dyffryn
- Cyhoeddwyd:
- 04 Hydref 2023
Mwynhewch grefftau'r Nadolig a holl hwyl yr ŵyl gyda’r teulu yng Ngerddi Dyffryn. Darganfyddwch olygfeydd hudolus yn y gerddi, addurnwch "deulu eira" yng Nghornel y Dyn Eira, chwaraewch lwyth o gemau teuluol a thynnwch lun yn sled Siôn Corn. A chofiwch alw yn ein siop lyfrau ail-law lle bydd llawer o ddigwyddiadau hwyl yn digwydd drwy gydol mis Rhagfyr a gwyliau’r Nadolig.
Y Nadolig yng Ngerddi Dyffryn 2024
7 Rhagfyr – 5 Ionawr
Dewch i fwynhau hwyl yr ŵyl fel teulu yn yr ardd – darganfyddwch Gornel y Dyn Eira, addurnwch "deulu eira", a chwaraewch Hŵpla’r Dyn Eira a Kerplunk Peli Eira Enfawr. Yna ymgollwch eich hun mewn stori Nadoligaidd glasurol yng Nghornel y Torrwr Cnau gyda theatr bypedau, sgitls y Torrwr Cnau, gêm Eirin Siwgwr a Lolis arbennig, a chwrs marblis bach y Torrwr Cnau. Neidiwch i mewn i sled Siôn Corn neu gwenwch o flaen y goeden anferth o flaen Tŷ Dyffryn am lun teuluol Nadoligaidd cyn mynd i Gaffi’r Oriel am grefftau Nadoligaidd ac i weld yr holl sanau Nadolig yn hongian o'r nenfwd a'r "lle tân" clyd sydd wedi’i wneud yn gyfan gwbl o lyfrau ail-law!
Ar benwythnosau ym mis Rhagfyr byddwn yn cynnal gweithdai addurniadau Nadolig i blant yng Nghaffi’r Oriel. Does dim angen cadw lle ymlaen llaw ac ni fydd angen talu (heblaw’r pris mynediad arferol).
Ddydd Mawrth 5 a Dydd Mercher 6 Rhagfyr, bydd Rhian o Wild and Fabulous Flowers yn cynnal ei gweithdai torchau Nadolig poblogaidd. Mae pob gweithdy'n para tair awr gydag uchafswm o 15 o bobl ym mhob sesiwn. Pris tocyn yw £65 y pen sy'n cynnwys mynediad i'r gerddi. Rhaid cadw lle ymlaen llaw – darllenwch fwy am y digwyddiad a bachwch docyn ar dudalen digwyddiadau ein gwefan.
Mae mwy o drîts Nadoligaidd eto i’w cyhoeddi hefyd, felly cadwch lygad am ddiweddariadau i sicrhau na fyddwch chi'n colli unrhyw gyhoeddiadau am ddigwyddiadau’r Nadolig.
Mae'r Nadolig yng Ngerddi Dyffryn bellach ar ben ond ry'n ni'n edrych 'mlaen yn barod at ddathliadau Nadolig gwych yn 2025. Welwn ni chi bryd hynny!
Nadolig yng Ngerddi Dyffryn
Mae cymaint o hwyl teuluol i'w gael yng Ngerddi Dyffryn y Nadolig hwn
Hwyl i'r teulu yng Ngerddi Dyffryn
Gwnewch atgofion gyda'ch teulu yng Ngerddi Dyffryn y Nadolig hwn.
1 of 6
Erthygl
Bwyta a siopa yng Ngerddi Dyffryn
Mwynhewch brydau i dwymo’r galon neu snac ysgafn yn y caffi, gyda danteithion blasus yn goron ar eich ymweliad. A chofiwch alw i mewn i’r siop i brynu rhywbeth i gofio’ch ymweliad.
Erthygl
Y gerddi yn Nyffryn
Darganfyddwch erddi 55 erw Dyffryn, gan gynnwys yr ardd goed, planhigion trofannol y tŷ gwydr, Gerddi’r Gegin a’r ardal chwarae wyllt.
Erthygl
Ymweld â Gerddi Dyffryn gyda’ch ci
Mae gan Erddi Dyffryn sgôr o ddwy bawen. Dysgwch fwy am ymweld gyda’ch ci a sut rydym yn gwneud Dyffryn yn well fyth i gŵn.