Bwyta a siopa yng Ngerddi Dyffryn

Caffi’r Gerddi

Mae’r Caffi’r Ardd, sy’n swatio ar lannau heddychlon Nant Bran ger yr ardal chwarae i blant, yn cynnig dewis o gacennau a phrydau ysgafn blasus.

Mae’r caffi’n cynnig gwasanaeth llawn hefyd – y lle perffaith i eistedd am bryd. Mwynhewch rôl bacwn, cawl tymhorol, brechdanau (gan gynnwys rhai wedi’u tostio), a phasteiod. Mae gennym hefyd ddiodydd poeth ac oer, cacennau, snacs a hufen iâ, yn ogystal â hufen iâ a chacennau i gŵn.

Wedi'i leoli cyn y pwynt talu, mae'n llecyn delfrydol i fwynhau tamaid neu bryd o fwyd ar ôl mynd am dro o gwmpas y gerddi.

Mae Caffi’r Gerddi ar agor bob dydd, gyda bwyd poeth ar gael tan 3pm. Pob eitem yn amodol ar argaeledd.

Caffi'r Oriel

Wedi’i leoli wrth galon y gerddi, galwch draw am ddiod boeth neu oer i’w cario gyda chi, teisennau wedi’u lapio, cacennau, pasteiod, brechdanau a snacs yng Nghaffi’r Oriel. Rydym hefyd yn gwerthu hufen iâ (i bobl a chŵn).

Cymerwch sedd neu ewch â’ch danteithion ar eich taith – tra’ch bod chi yma, beth am gael golwg ar y llyfrau yn y siop lyfrau ail-law boblogaidd?

Mae Caffi’r Oriel ar agor bob dydd yn ystod gwyliau’r ysgol ac ar benwythnosau a gwyliau banc o 11am - 3.30pm, 1 Ebrill – 3 Medi 2023.

Dewis di-blastig

Rydym yn gweithio’n galed i leihau ein defnydd o blastig yng Ngerddi Dyffryn, ac mae hyn yn dechrau gyda’n siopau bwyd. Rydym wedi dechrau defnyddio cwpanau coffi y gellir eu compostio a gwellt yfed a chwpanau bioddiraddadwy. Mae ein pecynnau brechdanau’n cael eu gwneud o starts llysiau ac mae’r poteli diodydd yn wydr. Rydym yn ymrwymedig i leihau ein defnydd o blastigau untro.

Gwybodaeth am alergenau

Mae’r rhan fwyaf o’n bwyd a diod yn cael ei baratoi ar y safle yn ein cegin gan ddefnyddio amrywiaeth eang o gynhwysion. O ganlyniad, ni allwn warantu bod ein cynhyrchion bwyd a diod yn hollol rydd o alergenau.

Os oes gennych alergedd neu anoddefgarwch ac yr hoffech weld gwybodaeth am gynhwysion bwyd a diod, gofynnwch i’r staff a fydd yn hapus i helpu.

Cadarnhewch cyn eich ymweliad

Wedi ymweld o’r blaen? Weithiau rydym yn newid ein ryseitiau i wella ansawdd a blas, gan gynnwys y cynhwysion. Ar eich ymweliad, siaradwch ag aelod o’n tîm i wirio’r wybodaeth ddiweddaraf am alergenau ar gyfer eich hoff bryd.

Siopa yng Ngerddi Dyffryn

Mae digon i’ch diddori yn ein Siop Roddion yng Ngerddi Dyffryn. O lyfrau, ffasiwn ac offer cegin i declynnau garddio defnyddiol, planhigion a thrîts i’r ci, mae rhywbeth i bawb yma.

Mae gennym amrywiaeth eang o blanhigion tymhorol ar werth, ac mae ein holl blanhigion yn cael eu tyfu yma yn y DU mewn compost di-fawn. Mae ’na hefyd ddetholiad o blanhigion sydd wedi’u tyfu yma ar y safle fel y gallwch chi fynd â darn o’r gerddi adre’ gyda chi. Gallwch chi hefyd ddod â'ch gardd yn fyw gyda'n hamrywiaeth o addurniadau, cerfluniau a pholion planhigion.

Os ydych chi'n caru eich bwyd, mae gennym ddewis blasus o fwyd a diod, gan gynnwys jamiau, cyffaith, ceulion, siocled a mwy. Mae ein casgliad bwyd cyfan wedi’i wneud yn y DU. O bryd i'w gilydd mae ffrwythau a llysiau wedi'u cynaeafu o Erddi’r Gegin hefyd ar werth.

Gallwch wneud eich cartref yn glyd a hardd gyda'n hamrywiaeth o nwyddau cartref. Mae gennym hefyd gelf a chrefft gan gyflenwyr Cymreig lleol sy’n golygu y gallwch chi bob amser ddod o hyd i rywbeth unigryw wrth siopa gyda ni.

Mae Dyffryn yn fan poblogaidd iawn ar gyfer cerdded cŵn, felly mae gennym amrywiaeth o deganau, cynhyrchion a danteithion (gan gynnwys 'woofins') ar gyfer ein hymwelwyr bach blewog.

Siop lyfrau ail-law

Mae ein siop lyfrau ail-law boblogaidd, sy’n cael ei rhedeg gan wirfoddolwyr, yn gwerthu llyfrau o bob genre, o lenyddiaeth plant ac oedolion ifanc i drosedd, cyfrolau ffeithiol hanesyddol a ffuglen, i lyfrau crefft a choginio. Mae ’na hefyd seddi cyfforddus fel y gallwch chi bori drwy’r llyfrau ar eich liwt eich hun. Allwch chi ddod o hyd i arysgrif ramantus y tu mewn i glawr, neu farciwr tudalen strae wedi’i adael yng nghefn llyfr a fwynhawyd gan ei berchennog blaenorol? Mae ein gwirfoddolwyr llyfrau yn gweithio'n galed i arddangos y llyfrau’n glir ac yn ddeniadol, gan wneud Caffi'r Oriel (lle mae'r siop lyfrau) yn lle hyfryd i ddod o hyd i’ch darlleniad nesaf.

Drwy brynu neu roi llyfr, rydych chi'n cefnogi gwaith cadwraeth a datblygiad hanfodol Gerddi Dyffryn fel y gall barhau i ffynnu am genedlaethau i ddod.

Diolch yn fawr

Diolch i’ch ceiniogau a’ch cefnogaeth chi, gallwn ni barhau i ofalu am natur, harddwch a hanes Gerddi Dyffryn i bawb, am byth.