Diwrnodau allan i'r teulu yng Erddig

Cynllunio eich ymweliad ar gyfer y teulu

Cymerwch gip ar y wybodaeth yma i’ch help i gynllunio eich ymweliad nesaf ag Erddig:

• Mae toiledau a chyfleusterau newid babanod wedi’u lleoli yn Iard y Domen. Mae toiledau compostio ychwanegol wedi’u lleoli yn Ffau’r Blaidd, ein hardal chwarae naturiol.
• Caiff pramiau eu caniatáu ledled llawr gwaelod y tŷ yn unig, sy’n gwbl hygyrch, gyda lloriau carreg gwastad. Gallwch hefyd adael pramiau wrth fynedfa’r tŷ.

• Sylwer – ni chaniateir cŵn y tu mewn i’r tŷ, yn yr ardd, yn y siop, ym mwyty’r Daflod nac yn Ffau’r Blaidd, sef ardal chwarae naturiol. Yr unig eithriad i’r polisi hwn yw cŵn cymorth cofrestredig.

Y gwanwyn yn Erddig  

Mae tymor y gwanwyn yn Neuadd a Gerddi Erddig yn amser perffaith i gael diwrnod allan i’r teulu, gyda'r cennin Pedr a'r blodau lliwgar eraill yn eu llawn gogoniant. Mwynhewch y rhaglen flodau arbennig neu ymunwch yn hwyl llwybr y Pasg wrth fynd ar drywydd y potyn o aur.  

Mae cerdded o gwmpas yr ystâd 1,200 erw yn ffordd wych o ygymryd rhan mewn nifer o’r gweithgareddau 50 peth i'w gwneud cyn eich bod yn 11¾'. Gall plant ddod yn gyfarwydd â choeden, sglentio cerrig wrth lannau’r afon chwarae ffyn Pooh wrth y pontydd. Ar hyd y ffordd, efallai y gwelwch y gnocell werdd brin, sy’n cael ei hadnabod yn ôl ei phlu lliwgar, sy’n ychwanegu elfen o gyffro wrth wylio bywyd gwyllt.  
 
Gall teuluoedd gamu yn ôl mewn amser tu mewn i’r plasty 17eg ganrif. Dysgwch fwy am y berthynas rhwng y teulu Yorke a’u gweision wrth i chi grwydro ardaloedd byw’r gweision a gweithdai’r ystâd. 

Dathlu blodau  

Dathlwch harddwch y gwanwyn gyda Rhaglen Flodau Erddig - tymor sy’n annog cysylltiad â byd natur a'n gilydd mewn myfyrdod llawen. O ddydd Llun, 10 Mawrth, i ddydd Sul, 23 Mawrth, dewch i fwynhau amrywiaeth o weithgareddau ar gyfer bob oedran, gyda gerddi llawn blodau Erddig yn gefndir prydferth i’r cyfan.  

Yn y tŷ, cofiwch ddod i gael cip ar ein harddangosfa ‘Tu Allan Tu Mewn’ arbennig. Arddangosfa drawiadol o flodau papur sy’n dod â harddwch y tymor dan do. Yn ogystal, dewch i weld gwaith celf ein staff a'n gwirfoddolwyr a ysbrydolwyd gan fyd natur. 

Ar gyfer y rhai sydd awydd dangos eu creadigrwydd. Ddydd Mercher, 12 a 19 Mawrth, dewch i gymryd rhan yn ein sesiynau paentio i oedolion, lle cewch gyfle i roi lliwiau trawiadol byd natur ar gynfas. Ddydd Sadwrn, 15 a 22 Mawrth, mae cyfle i blant greu celf baneri ar y thema blodau. Bydd pob plentyn yn cael triongl i ddarlunio neu fynegi eu hoff ffordd o gysylltu â byd natur, gan sbarduno eu dychymyg â dyluniadau lliwgar a ysbrydolwyd gan fyd natur. 

Ewch draw i’n tudalen ddigwyddiadau i weld y manylion llawn ar amseroedd, mannau cyfarfod a sut i ymuno yn yr hwyl. 

Helfa am y potyn aur yn Erddig 

Mentrwch ar helfa gyffrous y Pasg hwn. O ddydd Llun, 14 Ebrill i ddydd Sul, 27 Ebrill, rydym yn gwahodd teuluoedd i ymuno â’n Llwybr y Pasg, sydd wedi’i seilio ar y llyfr plant, Pot of Gold, o’n llyfrgell hanesyddol.  

Dilynwch y stori am fachgen dewr sydd ar ei daith i chwilio am y potyn aur chwedlonol ar ddiwedd ar enfys. Allwch chi gwblhau’r posau a’r tasgau sydd wedi’u gwasgaru ar hyd a lled safle prydferth Erddig ar gyfer parhau ar eich helfa? A fyddwch chi’n gallu dianc o Ffau’r Blaidd, lle mae gwe pryf cop enfawr yn bygwth eich trapio? Allwch chi ddymchwel gwarchae caniau tal y môr-ladron ar gyfer clirio eich llwybr at y trysor? Mae pob gorsaf yn cynnig her gyffrous newydd sy’n seiliedig ar y stori.  

Dewch i ymuno â ni ar gyfer Pasg sy’n llawn hwyl, antur ac atgofion i’ch teulu. Gafaelwch yn eich map, casglwch eich tîm a chychwynnwch ar eich helfa.

Mae’r llwybr yn costio £3.50 y person ac mae’n rhedeg o 14 Mawrth tan 27 Ebrill, neu hyd nes y bydd stoc yn para.  

Ewch draw i’n tudalen ddigwyddiadau i weld y manylion llawn ar amseroedd, mannau cyfarfod a sut i ymuno yn yr hwyl.