Ymweld ag Erddig efo'ch ci

Ci gyda blew cyrliog yn eistedd ar bentwr o bren wrth ymyl trên lliwgar ac arwydd ‘50 peth’ yn Erddig, Clwyd — Ci ac arwydd 50 Peth i’w wneud yn Erddig, Wrecsam | © National Trust Images/Vicki Coombe

Bydd crwydro'r erwau o barcdir yn Erddig gyda'ch hoff anifail yn ffordd wych o fwynhau'r dirwedd hardd, ac rydym yn croesawu cŵn sy'n ymddwyn yn dda. Darllenwch sut i wneud y mwyaf o'ch ymweliad ag ystâd Erddig hefo'ch ci ufudd.

Beth sydd ar gael yn Erddig ar gyfer cŵn?

Mae Erddig yn lle perffaith i chi a’ch ci fwynhau diwrnod yn llawn hwyl, oherwydd mae gennym ddigonedd o fannau lle gall cŵn chwarae a chael antur. Gyda sgôr dwy bawen, bydd modd ichi fynd â’ch ci i’r rhan fwyaf o leoedd – er, nid i bob man.

Yr Ardd De, Iard y Domen a’r Parlwr: Mae croeso i chi a’ch ci archwilio’r ardd de ac Iard y Domen. Hefyd, gallwch fynd i’r parlwr am de, coffi a chacen, lle ceir mannau eistedd dan do ac yn yr awyr agored.
Y Siop Lyfrau: Mae croeso ichi fynd i’r siop lyfrau gyda’ch ci, lle gallwch eistedd, ymlacio a mwynhau llyfr gyda’ch gilydd.
Y Stablau, y Garejis a’r Ffrynt Gorllewinol: Beth am ymweld â’r stablau a’r garejis yng nghwmni eich chi. Yna, gallwch fynd am dro i’r Ffrynt Gorllewinol, lle gallwch ymlacio ar y glaswellt a mwynhau golygfeydd o’r ystad ehangach.
Teithiau Cerdded yr Ystad: Gallwch archwilio’r ystad hardd 1,200 acer gyda’ch ci. Ewch i nôl map a dewiswch o blith pedwar llwybr cerdded, yn cynnwys llwybr milltir o hyd ar gyfer cŵn llai a llwybr 3.5 milltir ar gyfer cŵn mwy.
Cŵn Heb Dennyn: Os ydych yn hyderus y bydd eich ci’n bihafio heb dennyn, gallwch ddilyn y llwybr gwyrdd ger Felin Puleston, lle cewch gerdded gyda’ch ci heb dennyn.
Safleoedd Hanesyddol: Archwiliwch olion y castell tomen a beili gyda’ch ci trwy ddilyn y llwybr oren. Hefyd, gallwch fynd i weld y rhaeadr ‘cwpan a soser’ unigryw trwy ddilyn y llwybr gwyrdd.
Y Tŷ, yr Ardd, y Bwyty, y Siop a’r Ardal Chwarae: Sylwer – ni chaniateir cŵn y tu mewn i’r tŷ, yn yr ardd, ym mwyty’r Daflod nac yn Ffau’r Blaidd, sef ardal chwarae naturiol. Yr unig eithriad i’r polisi hwn yw cŵn cymorth cofrestredig.

Pasport Cŵn

Rydym yn teimlo’n gyffrous cael cyhoeddi ein bod yn cymryd rhan yn rhaglen pasport cŵn newydd sbon yr Ymddiriedolaeth Genedlaethol.  

Bob tro rydych chi a'ch cyfaill pedair coes yn ymweld â lleoliad Ymddiriedolaeth Genedlaethol newydd byddwch yn cael stamp ar gyfer eich pasport ci. Os ydych yn casglu chwe stamp bydd eich ci yn cael paced o ddanteithion naturiol am ddim. Ar ôl casglu deuddeg stamp, byddant yn cael snŵd llawn steil. 

Dysgwch fwy am lefydd eraill sy'n cymryd rhan yma:  https://bit.ly/3MAQ7q5

Visitors walking through the sheltered valley at Lockeridge Dene and Piggledene, near Marlborough, Wiltshire — Bydd cŵn wrth eu bodd | © National Trust Images/James Dobson

Cerdded ger anifeiliaid sy'n pori

Mae ffermwyr tenant yn byw ar ein parcdir, ac mae ganddynt amrywiaeth o dda byw a all fod yn pori'n unrhyw le ar gaeau'r ystâd. Mae gennym hefyd gyfoeth o fywyd gwyllt sydd angen eu diogelu. I atal damweiniau ac ymosodiadau i dda byw a bywyd gwyllt, rhaid cadw cŵn ar dennyn, oni bai eich bod yn ein 'hardal rhedeg yn rhydd', lle mae'n rhaid eu cadw dan reolaeth. Cofiwch, gall hyd yn oed gŵn bach cyfeillgar ddychryn dafad yn anfwriadol.

Bachwch bamffled 'Cŵn yn Erddig' o'n Swyddfa Docynnau i gael map o'r llwybrau cerdded gorau, ac i ddod o hyd i'n 'hardal rhedeg yn rhydd'.

Cŵn cymorth yn Erddig

Mae croeso i gŵn sy’n rhoi cymorth i ymwelwyr ag anableddau y tu mewn i’r tŷ, yn y gerddi, y bwytai a’r siopau. Am fanylion mwy manwl am fynediad a chyfleusterau ewch i’n hafan.

Biniau cŵn

Cofiwch lanhau ar ôl eich ci a gwaredu unrhyw ‘wastraff’ yn y biniau cŵn coch a ddarperir. Mae biniau yn y ychydig y tu allan i’r ardd de ar y llwybr i lawr at y gwpan a soser; un ar ochr arall yr ystâd wrth faes parcio Melin Puleston; un ar fynedfa ffordd Erddig i’r ystâd; a bin arferol Cyngor Bwrdeistref Sirol Wrecsam ym maes parcio Sonlli.

Little dog sat with tongue out looking excited to try the tub of Scoop's Ice Cream for Dogs being held by a girl at Dunster Castle, Somerset — Cadw’n cŵl | © National Trust Images/James Dobson

Awgrymiadau da am ymweliad pleserus i gŵn yn Erddig

Gwyliwch am ein bywyd gwyllt

Mae’r parcdir yn gartref i ddau ffermwr sy’n denantiaid gydag amrywiaeth o anifeiliaid ac mae’r ystâd yn gartref i lawer o fywyd gwyllt. Mewn ardaloedd lle mae llawer o fywyd gwyllt, rydym yn gofyn i chi gadw eich ci ar dennyn fel eu bod yn teimlo’n ddiogel.

Gwyliwch am hysbysiadau lleol

Efallai y bydd cyfyngiadau mewn coetiroedd neu ar dir amaethyddol ar amserau sensitif yn y flwyddyn, er enghraifft yn ystod y tymor ŵyna.

Cadwch nhw’n gyfforddus

Gall cŵn orboethi yn ddifrifol os cânt eu gadael mewn ceir. Nid ydym yn argymell hyn yn Erddig.

Wedi anghofio rhywbeth hanfodol?

Mae gennym ychydig o fagiau baw cŵn dros ben bob amser yn ein swyddfa groesawu ymwelwyr, felly os byddwch wedi eu hanghofio, dewch draw a byddwn yn barod iawn i roi ychydig i chi i gadw ein parcdir yn lân a diogel i eraill eu mwynhau.

Angen rhywbeth i’w fwyta?

Dim ond cŵn cymorth gaiff ddod i mewn i'r adeiladau, gan gynnwys bwyty’r Daflod. Ar benwythnosau a gwyliau ysgol o hanner tymor Chwefror (os bydd y tywydd yn caniatáu), mae'r ardd de yn gweini diodydd poeth a byrbrydau i’ch cadw chi i fynd ar eich taith.

Mae cyfleusterau i brynu bwyd a diod i fynd o fwyty’r Daflod, felly os oes gennych ffrind all aros y tu allan yn yr ardd de gyda’ch ci tra byddwch chi’n ôl eich bwyd, gallwch eistedd y tu allan gyda’ch ci a mwynhau darn o gacen a phaned ar ôl eich taith.

Am osgoi’r tyrfaoedd?

Yn gyffredinol yr amser prysuraf o’r dydd yma yw rhwng 11am a 2pm – fe welwch chi nifer gynyddol o ymwelwyr hefyd yn ystod gwyliau’r ysgol ac ar ddyddiau pan fydd gennym ddigwyddiadau. Yn gyffredinol mae'r teithiau trwy’r ystâd yn llai prysur, felly os ydych yn hoffi ymlwybro’n hamddenol, pam na wnewch chi archwilio’r llwybrau yma, neu ddefnyddio ein meysydd parcio eraill ym Melin Puleston a Sonlli.

Ydych chi wedi ymweld â Erddig gyda'ch ci?

Beth am rannu unrhyw luniau o'ch diwrnod ar Facebook, X neu Instagram? Peidiwch ag anghofio tagio ni @erddignt_ a #ErddigNT

Y plasty o’r 18fed ganrif, ar draws y llyn yn Erddig, Cymru

Darganfyddwch fwy yn Erddig

Dysgwch pryd mae Erddig ar agor, sut i gyrraedd yno, pethau i’w gweld a’u gwneud a mwy.

Trefnwch eich ymweliad

Rydym wedi ffurfio partneriaeth â’r gwneuthurwr bwyd anifeiliaid anwes naturiol, Forthglade fel y gallwch chi a’ch ci gael mwy fyth allan o’r lleoedd arbennig sydd dan ein gofal.

Ymweld â'r wefan