Ymgynghoriad Cronfa Adfywio Cymunedol y DU Freshwater West

Gorffenaf 2023

Diolch i bawb a fynychodd y digwyddiad darlunio yn y tywod

Cynhaliwyd digwyddiad celf tywod yn Freshwater West ar 8 Gorffennaf, gyda’r artist lleol Charlotte Cortazzi. Bydd y traeth yn croesawu nifer fawr o ymwelwyr dros yr haf eleni, a nod y digwyddiad oedd annog ymwelwyr i beidio gadael eu hôl, ac i gadw’r traeth yn lân ac yn glir rhag sbwriel. Mae hyn yn neilltuol o bwysig gyda’r twyni tywod, sy’n Safle o Ddiddordeb Gwyddonol Arbennig. Hoffwn ymestyn ein diolch calonnog i’r oll a fu’n cymryd rhan.

Mehefin - Awst 2023

Rydym yn paratoi at wyliau’r haf

Gyda gwyliau’r haf ar y gorwel rydym eisoes wedi cynnal sesiwn glanhau traeth ddechrau’r haf i ddathlu Prosiect Glanhau Enfawr Sir Benfro a drefnwyd gan Eco Dewi i ddathlu'r Wythnos Fawr Werdd. ‘Gadael dim ar ôl’ yw’r neges sy’n cael ei annog i ymwelwyr gyda’r digwyddiad nesaf, darlunio celf tywod gyda’r arlunydd lleol Charlotte Cortazzi, yn cael ei gynnal ar 8 Gorffennaf. Rydym wrth ein bodd hefyd fod Fferm Gupton wedi cyflwyno pebyll cloch yn un o’u caeau gwersylla, gan alluogi’r rhai sy’n dymuno ymweld gydag ychydig mwy o foethusrwydd i fwynhau’r amgylchedd gwyllt yn Freshwater West.

Mai 2023

Penodi Rheolwr Prosiect Newydd

Rydym yn falch o gyhoeddi ein bod wedi cadarnhau rheolwr prosiect i fynd â phrosiect Cynaliadwy Freshwater West yn ei flaen. Mae hon yn swydd fydd yn cael ei llenwi’n llawn amser a bydd y gwaith yn dechrau o ddifri yn hydref 2023.

Bydd y rheolwr prosiect yn defnyddio’r canfyddiadau o Ymgynghoriad Cronfa Adfywio Cymunedol y DU Freshwater West yn sail i gynllun gweithredu, yn amodol ar ganiatâd cynllunio a chyllid, ar gyfer y camau nesaf yn Freshwater West.

Chwefror 2023

Staff yr Ymddiriedolaeth ledled Sir Benfro yn plannu coed

Daeth grŵp mawr o staff yr YG ledled Sir Benfro ynghyd yn Fferm Gupton ym mis Chwefror i gymryd rhan mewn diwrnod plannu coed yng Nghors Castell Martin, ardal rhwng Fferm Gupton a thraeth Freshwater West. Roedd hyn yn rhan o’n gwaith parhaus i warchod a diogelu’r dirwedd a bywyd gwyllt yn y lle arbennig hwn.

Ionawr 2023

Glanhau traethau gyda’r neges ‘Gadael Dim ar Ôl’

Trefnwyd sesiynau glanhau traethau yn Freshwater West ar gyfer misoedd yr hydref a’r gaeaf gan fod hyn yn ein galluogi i gasglu’r mwyafrif o sbwriel sy’n cael ei adael yn flynyddol ar y traeth gan dywydd y gaeaf. Ers dechrau’r ymgynghoriad rydym wedi bod yn defnyddio’r neges “gadael dim ar ôl” fel modd o annog ymwelwyr i’n cynorthwyo i ofalu am y lleoliad unigryw hwn a’i barchu. Rydym yn bwriadu parhau â hyn hyd y gellir ei ragweld. Hyd yn hyn rydym wedi cynnal 4 sesiwn glanhau traeth, ac rydym yn cynllunio mwy ar gyfer yr hydref felly cadwch lygad fan hyn.

Tachwedd 22

Sesiynau gwybodaeth gymunedol yn cael eu cynnal yng Nghanolfan Stagbwll

Cynhaliwyd sesiwn wybodaeth galw heibio yng Nghanolfan Stagbwll ar 10 Tachwedd 2022. Mynychwyd y sesiwn gan randdeiliaid allweddol sy’n cymryd rhan yn yr ymgynghoriad, oedd wrth law i drafod y canfyddiadau’n fanwl.  Roeddem yn falch iawn o groesawu ac ymgysylltu ag ystod eang o drigolion lleol sy’n frwd ynghylch traeth Freshwater West a’i amgylchedd.

Hydref 2022

Cyhoeddi’r canfyddiadau a’r cynigion

Canfyddiadau Ymgynghoriad Cronfa Adfywio Cymunedol y DU Freshwater West yn cael eu cyflwyno i Ymddiriedolaeth Genedlaethol Sir Benfro gan Planning Solutions Consulting Limited. Mae’r ymgynghoriad i ddod o hyd i atebion i gydbwyso anghenion yr amgylchedd naturiol yn Freshwater West, gyda mwynhad pawb o’r traeth a’r arfordir yn dechrau dod yn realiti. Mae’r crynodeb gweithredol a’r ddogfen derfynol ar gael i’r cyhoedd drwy wefan yr Ymddiriedolaeth.

Ymatebodd miloedd o aelodau’r cyhoedd, a chyhoeddodd Ymddiriedolaeth Sir Benfro eu gwerthfawrogiad.

Chwefror 2022

Penodi Planning Solutions Consulting Limited

Dechreuodd Ymgynghoriad Cronfa Adfywio Cymunedol y DU Freshwater West yn gael ei gynnal mewn dwy ran. Wedi ei gomisiynu gan Ymddiriedolaeth Genedlaethol Cymru gyda rhanddeiliaid allweddol, penodwyd Planning Solutions Consulting Limited a Planed i gyflawni ymgynghoriad fyddai’n ystyried anghenion yr holl ddefnyddwyr i ddarparu gweledigaeth am ddyfodol cynaliadwy i Freshwater West.

Cynhaliwyd sesiwn ymgysylltu rhanddeiliaid a thrigolion o fis Ebrill ymlaen gyda nifer syfrdanol o bobl yn cymryd rhan yn yr ymgynghoriad. Dywedodd PSC fod yr ymateb o dros 5,000 i’r holiadur ar-lein yn rhagorol ac yn dangos y brwdfrydedd a’r diddordeb sydd gan y gymuned leol a’r gymuned ehangach yn Freshwater West. 

Parhaodd yr astudiaeth drwy’r haf tan 22 Awst pan gwblhawyd ail ran yr ymgynghoriad.

Hydref 21 - Ionawr 22

Dechrau ar y chwilio wrth i gyllid gael ei gadarnhau

Cadarnhawyd cyllid ar gyfer yr adroddiad ymgysylltu a arweinir gan y rhanddeiliaid gan Gronfa Adfywio Cymunedol y DU

Crëwyd brîff ar gyfer caffael cynllun dichonoldeb. Bydd y cynllun dichonolrwydd yn siapio rheoli Freshwater West yn y dyfodol yn seiliedig ar ymgysylltu rhanddeiliaid a chymuned seiliedig ar asedau cynhwysfawr. Dechreuodd y chwilio am sefydliad arbenigol gydag arbenigwyr mewn ymgysylltu, datblygu economaidd a chyfathrebu, sy’n gallu hwyluso astudiaeth o safon uchel.

Derbyniwyd ceisiadau tendro gan nifer o sefydliadau trydydd parti allanol sy’n arbenigo mewn rheoli astudiaethau dichonoldeb. Gwnaeth ein tîm benderfyniad terfynol i gyflwyno’r astudiaeth i Planning Consultant Solutions (PSC) sydd yn cydweithio â’r sefydliad lleol Planed i wireddu’r astudiaeth. Ar yr un pryd, chwiliwyd am ymgynghorydd annibynnol i reoli’r monitro a gwerthuso’r astudiaeth.

Mawrth 21

Ceisiadau am gyllid yn dechrau

Ym mis Mawrth 2021 lansiodd Llywodraeth y DU fenter ariannu i’w chyflwyno drwy Gynghorau Sirol gyda blaenoriaethau i fuddsoddi mewn sgiliau, busnesau lleol, cymunedau a lleoedd ac i gynorthwyo i gael pobl i gael gwaith. Gyda chymorth sawl rhanddeiliad allweddol, ymgeisiodd yr Ymddiriedolaeth Genedlaethol am gyllid i Gronfa Adfywio Cymunedol y DU i gomisiynu adroddiad ymgysylltu a arweinir gan randdeiliaid a’r gymuned ac opsiynau arfarniad sy’n ystyried anghenion yr holl ddefnyddwyr i ddarparu gweledigaeth ar gyfer dyfodol cynaliadwy i Freshwater West