Darganfyddwch fwy yn Aberdulais
Dysgwch pryd mae Aberdulais ar agor, sut i gyrraedd yno, pethau i’w gweld a’u gwneud a mwy.
Ymwelwch â’r olwyn ddŵr yn Aberdulais
Er yn llonydd ar hyn o bryd wrth aros am asesiad arbenigol, pan yn weithredol, mae’r olwyn ddŵr yn Aberdulais yn fersiwn fodern o dechnoleg sydd wedi goroesi dros 400 mlynedd. Dewch i ryfeddu at rym trawiadol byd natur a phrofi fersiwn fodern o ynni gwyrdd yr oes a fu.
Olwyn fwyaf yn Ewrop sy’n cynhyrchu trydan
Wedi’i hadeiladu gan fyfyrwyr a phrentisiaid British Steel ym Mhort Talbot, dyma’r olwyn fwyaf yn Ewrop sy’n cynhyrchu trydan, gyda diamedr o bron 27 troedfedd (8.2m). Mae ganddi 72 bwced ac mae’n cylchdroi 5 gwaith y funud.
Mae ein holwyn ddŵr yn eistedd yn y pydew gwreiddiol, a byddai chwylolwyn wedi trawsyrru’r pŵer tro i felinau rholio’r gwaith tunplat Fictoraidd, lle roedd dwy olwyn yn gweithredu ochr yn ochr.
Y stwff technegol
Mae gerflwch tri-cham yn cynyddu’r cyflymder i alluogi’r generadur, sydd ar siafft, i gynhyrchu hyd at 20kw o drydan. Ar y diwrnod cyfartalog, mae tua 100-120kw o drydan yn cael ei gynhyrchu.
Cafodd ei gosod ym 1991, pan roedd cynlluniau trydan dŵr o’r fath yn gymharol brin. Mae’r traddodiad o arloesi yn Aberdulais yn parhau hyd heddiw.
Tyrbin cynhyrchu ynni
Nid yr olwyn ddŵr yw diwedd ein stori ynni ni chwaith. Mae gennym ni ein tyrbin ein hunain hefyd, sydd â chapasiti cynhyrchu o 200kw. Mae hwn yn cyflenwi pŵer i’r Grid Cenedlaethol – digon i ddarparu trydan i’r rhan fwyaf o’n cymdogaeth.
Pethau eraill o ddiddordeb i chi
Erthygl
Ymwelwch â’r rhaeadr yn Aberdulais
Mae’r rhaeadr yn Aberdulais yn brawf o rym rhyfeddol natur. Ond p’un a yw’n rhuo neu’n llifo’n dawel, mae bob amser yn brydferth. Dysgwch fwy am ei hanes a beth i’w weld yn ystod eich ymweliad.
Erthygl
Hanes Aberdulais
Dysgwch sut mae Gwaith Tun a Rhaeadr Aberdulais wedi bod wrth galon diwydiant Cymru byth ers i beiriannydd o’r Almaen ddewis y safle fel lleoliad cyfrinachol ar gyfer smeltio copr.