Gwirfoddolwch gyda ni
Chwiliwch am gyfleoedd gwirfoddoli, neu cofrestrwch eich diddordeb gyda Bannau Brycheiniog.
Gwirfoddoli ym Mannau Brycheiniog
Mae ‘na sawl ffordd y gallwch gynnig help llaw a gwirfoddoli ym Mannau Brycheiniog. Gallwch gyfarch ymwelwyr ym Mhont ar Daf, y prif bwynt mynediad i’r bannau canolog, neu ddod yn ‘Wirfoddolwyr Llwybrau’ a helpu i gynnal a chadw llwybrau troed ucheldirol.
Cyfarch ymwelwyr ym Mhont ar Daf
Mae bod yn Groesawr gwirfoddol yn ffordd wych o gwrdd â phobl newydd tra’n rhannu eich gwybodaeth a’ch profiad o’r ardal gydag ymwelwyr.
Wedi’ch lleoli ym Mhont ar Daf, y prif bwynt mynediad i’r bannau canolog, byddwch yn cynnig croeso cynnes ar y diwrnodau oeraf. Fel llysgennad i’r Ymddiriedolaeth Genedlaethol, mae eich ymrwymiad i’r achos tra’n helpu i ledaenu’r gair am gadwraeth yn amhrisiadwy.
Byddwch yn helpu i wella siwrne’r ymwelwyr, a allai ofyn cwestiwn neu ddau i chi am fysus neu atyniadau lleol.
Mae Gwirfoddolwyr Llwybrau yn ein helpu i gynnal llwybrau ucheldirol
Os ydych chi’n mwynhau bod yn yr awyr agored, gallai gwirfoddoli gyda’r Tîm Llwybrau fod yn ddelfrydol i chi.
Mae tîm ceidwaid Bannau Brycheiniog a Sir Fynwy yn cynnal a chadw llwybrau ucheldirol yn Ysgyryd Fawr, Pen-y-fâl a’r bannau canolog. Beth am ymuno â nhw a chynnig help llaw? Mae’r tasgau’n cynnwys clirio draeniau, ffosydd a chwlferi, a mân waith trwsio ar strwythurau fel pygfeini a grisiau pren.
Mae bod yn Wirfoddolwr Llwybrau yn rhoi’r cyfle i chi ledaenu’r gair am waith cadwraeth hanfodol yr Ymddiriedolaeth Genedlaethol, yn ogystal â helpu ymwelwyr i ddeall a mwynhau’r llefydd arbennig hyn.
Sut mae cymryd rhan?
Ydych chi ar gael dros gyfnodau penodol, fel y gwyliau ysgol? Neu ar ddiwrnodau penodol bob wythnos? Byddem wrth ein bodd yn clywed gennych chi. Mae rhai cyfleoedd yn dymhorol felly cadwch lygad ar wefan gwirfoddoli’r Ymddiriedolaeth Genedlaethol am ragor o wybodaeth.
Gyda sesiwn sefydlu drylwyr a hyfforddiant parhaus, byddwch yn datblygu eich gwybodaeth eich hun am y llefydd arbennig hyn, ac mae bod yn rhan o dîm Bannau Brycheiniog a Sir Fynwy yn ffordd wych o ddysgu pethau newydd.
Am ragor o fanylion a sut i wneud cais, cysylltwch â’n tîm ceidwaid yn brecon@nationaltrust.org.uk
Pethau eraill o ddiddordeb i chi
Erthygl
Frequently asked questions on volunteering
These frequently asked questions should give you all you need to know about who can volunteer, what it involves and how to apply.
Erthygl
Crwydro Pen y Fan a Chorn Du
Anelwch am yr entrychion wrth i chi ddringo Pen y Fan a Chorn Du, y ddau gopa uchaf yn ne Prydain. Mae ffurf y grib yn un o’r golygfeydd mwyaf adnabyddus yn y DU. Darganfyddwch lwybrau cerdded a golygfeydd gwyllt godidog yng nghrombil anghysbell Bannau Brycheiniog.
Erthygl
Ymweld â Rhaeadr Henrhyd a Choedwig Graig Llech
Darganfyddwch Raeadr Henrhyd a gwyliwch y dŵr yn plymio i geunant coediog Nant Llech. Mae Coedwig Graig Llech yn hafan i fwsogl a chen. Mae’r llecyn gwyrdd naturiol hwn yn boblogaidd gyda gwylwyr adar hefyd oherwydd ei amrywiaeth eang o adar y coed.
Erthygl
Gwaith ar lwybrau troed Bannau Brycheiniog
Mae’r llwybrau troed sy’n cris-croesi Pen y Fan, Bannau Brycheiniog yn dioddef o erydiad ac yn cael eu cynnal gan dîm o geidwaid yr Ymddiriedolaeth Genedlaethol a gwirfoddolwyr gan ddefnyddio technegau traddodiadol.