Gwirfoddoli yng Nghastell y Waun

Sut i wirfoddoli yng Nghastell y Waun 

Os oes gennych chi ddiddordeb mewn gwirfoddoli, anfonwch e-bost gyda'ch enw a'ch manylion cyswllt at chirkcastle@nationaltrust.org.uk 

Yna byddwn yn cysylltu â chi ac yn eich gwahodd i sesiwn gyflwyno lle byddwn yn esbonio mwy ynglŷn â'r gwahanol fathau o waith sydd ar gael ac yn eich cofrestru fel gwirfoddolwr. 

Ar ôl hyn, byddwn yn rhoi cefnogaeth a hyfforddiant i chi fel y gallwch gyflawni’r gwaith y byddwch wedi dewis ei wneud. 

Gwaith gwirfoddolwyr yng Nghastell y Waun 

Mae gennym amrywiaeth anferth o waith i wirfoddolwyr o arddio i dywys mewn ystafelloedd.  Waeth beth yw eich profiad, sgiliau a chymhelliant blaenorol, mae rhywbeth yng Nghastell y Waun i chi.  

Tywysydd Ystafell 

Mae’n hanfodol cael tîm o wirfoddolwyr yn y tŷ er mwyn i ni allu agor Castell y Waun i’r cyhoedd. Maent yn gofalu am ei bensaernïaeth a’i gasgliadau ac maent yn rhan sylfaenol o brofiad yr ymwelwyr ar y safle. Mae ein harweinwyr yn rhoi’r ystafelloedd a’r casgliad yn eu cyd-destun i ymwelwyr, ac yn helpu pob unigolyn i ddarganfod rhywbeth newydd bob tro y bydd yn ymweld. 

Gyrrwr bws mini 

Mae’r llwybr serth at Gastell y Waun yn ormod i rai o’n hymwelwyr. Dyma sut mae ein tîm o yrwyr bws mini gwirfoddol yn gwneud gwahaniaeth. Gyda’u help nhw rydym yn gallu cynnig gwasanaeth bws mini am ddim o’r swyddfa docynnau at y castell. Mae hwn yn wasanaeth amhrisiadwy, y mae ymwelwyr llai abl i symud yn ei werthfawrogi’n fawr. 

Ceidwad 

Gyda dros 480 erw o ystâd i’w rheoli, mae ar ein tri cheidwad llawn amser angen pob help allan nhw ei gael. Mae ein ceidwaid gwirfoddol yn cynorthwyo gyda phob math o dasgau rheoli cefn gwlad, gan weithio o fewn y tîm ceidwaid ac ochr yn ochr â nhw, mewn amrywiaeth o weithgareddau. Mae hyn yn cynnwys cynllunio a chynnal teithiau coetir, astudiaethau blodau gwyllt a sgyrsiau, gweithgareddau crefft a digwyddiadau yn yr awyr agored. 

Garddwr 

Mae ein tîm o wirfoddolwyr yn yr ardd yn gweithio trwy’r gerddi amrywiol yng Nghastell y Waun. Mae rhywbeth i’w wneud bob amser, o blannu ffurfiol i weithio yn y Coed, neu docio yn yr ardd rosod i dyfu llysiau yng Ngardd y Gegin.  

Tywysydd Taith 

I ymwelwyr sy’n dod i unrhyw eiddo treftadaeth, weithiau mae’n anodd gwybod ble i ddechrau, gyda chymaint i’w ddysgu a’i ddarganfod. Dyma lle mae ein tywyswyr gwirfoddol yn cael eu gwerthfawrogi gymaint. Maent yn gallu rhoi storïau a hanes Castell y Waun i’n hymwelwyr mewn ffordd sy’n gofiadwy, yn ddiddorol a hwyliog. 

Siop 

Mae galw heibio’r siop i ddewis rhywbeth i gofio’r diwrnod yn rhan hanfodol o ymweliad â Chastell y Waun. Heb ein tîm o wirfoddolwyr yn y siop, ni fyddem yn gallu cynnig y profiad gwych sydd gennym ar hyn o bryd. 

Cyfarfod a chyfarch 

Mae ein gwirfoddolwyr cyfarfod a chyfarch yn rhan hanfodol o’n croeso cynnes ac yn helpu ymwelwyr i ganfod eu ffordd ar y safle. 

Ffyrdd eraill o gefnogi Castell y Waun  

Gwirfoddoli tymor byr 

Ydych chi’n rhan o grŵp neu dîm o gydweithwyr sy’n awyddus i wirfoddoli am ddiwrnod? Mae yma amrywiaeth o brosiectau byr a thasgau cadwraeth sy'n berffaith ar gyfer diwrnod adeiladu ysbryd tîm. Anfonwch e-bost at chirkcastle@nationaltrust.org.uk i gael mwy o wybodaeth. 

Prosiectau cymunedol 

Rydyn ni’n ceisio datblygu ein cysylltiadau gyda’r gymuned leol drwy’r amser ac yn awyddus i fod yn rhan o brosiectau a gweithgareddau cymunedol. Cysylltwch os ydych chi’n rhan o grŵp lleol ac yn awyddus i gydweithio gyda ni.   

Rhoddion 

Gwnewch rodd yn eich ewyllys yn benodol i Gastell y Waun. Gallech hyd yn oed ei glustnodi ar gyfer elfen benodol o'n gwaith gwerthfawr. 

Dysgwch fwy: www.nationaltrust.org.uk/join-and-get-involved 

Ar-lein 

Ymunwch â'n cymuned ar-lein a rhannwch eich storïau, lluniau a'ch profiadau o Gastell y Waun gyda ni. Dilynwch ein newyddion ar Facebook a Twitter lle cewch y digwyddiadau a'r wybodaeth ddiweddaraf yn syth o'r castell.