Darganfyddwch fwy yng Nghastell y Waun
Dysgwch pryd mae Castell y Waun ar agor, sut i gyrraedd yno, pethau i’w gweld a’u gwneud a mwy.
Nadolig yng Nghastell y Waun
Beth am ymgolli mewn profiad hwyliog a llawn hud yn Nadolig hwn yng Nghastell y Waun? Dewch i ddarganfod ceidwaid ffyddlon y gaer wrth iddynt warchod y trysorau lu a gedwir oddi mewn i waliau’r Castell. Archwiliwch yr Ystafelloedd Swyddogol hardd a myfyriwch ar yr hyn a drysorir fwyaf gennych chi adeg y Nadolig. Ewch i weld neuadd lawn awyrgylch y gweision a’r morwynion ac i archwilio Tŵr Adam. Beth am greu atgofion parhaol yn ein ‘gorsafoedd hun-lun’ – dyma safleoedd perffaith i gofnodi adegau cofiadwy yn ein castell ysblennydd. Yna, ewch i gael diod Nadoligaidd yn ein Hystafell De ac ewch am dro gaeafol i’r awyr agored; casglwch daflen weithgareddau yn y Swyddfa Docynnau a chwiliwch am y sêr sy’n cuddio o amgylch y gerddi barugog.
Amseroedd agor dros gyfnod y Nadolig
-
30 Tachwedd – 5 Ionawr – ar agor yn ddyddiol 10am-4pm. Bydd y tŷ ar agor 11am-4pm, gyda’r mynediad olaf am 3.30pm
-
Ar gau 25 a 26 Rhagfyr a 1 Ionawr
- Dysgwch ragor am ein hamseroedd agor
Nadolig yn y tŷ
Camwch i fyd llawn hud y Nadolig hwn yng Nghastell y Waun. Ar y cyd â Lazerian (Liam Hopkins), yr artist o Fanceinion, bydd draig ffyrnig yn dychwelyd, y tro hwn gyda chyfeillion newydd, i helpu i amddiffyn trysorau’r castell.
Wrth ichi archwilio’r Ystafelloedd Swyddogol, camwch i Neuadd Cromwell i gael cipolwg ar ddraig fawr yn amddiffyn ei darnau aur. Cewch weld bleiddiaid mawreddog wrth iddynt browla’r Galeri Hir, wedi’u hysbrydoli gan arfbais y teulu Myddelton. Mae casgliadau toreithiog y castell yn gefndir perffaith i fyfyrio ar ba mor bwysig yw diogelu’r pethau a drysorwn, gan eich gwahodd i feddwl beth sydd bwysicaf i chi dros dymor y Nadolig. Cewch weld yr holl greaduriaid gwych hyn a’u trysorau wrth ichi grwydro trwy’r castell y Nadolig hwn.
Hwyl Nadoligaidd teuluol
Groto o chwith
Bob penwythnos y Nadolig hwn, bydd gennym Groto Tu Chwith er budd Banc Bwyd Croesoswallt a’r Gororau. Dewch i weld Siôn Corn 10.30am-3.30pm ac i helpu’r rhai sydd mewn angen trwy gyfrannu eitemau hanfodol. Byddwn yn casglu eitemau bwyd annarfodus gan gynnwys tuniau tomatos, cawl, ffa pob, tuniau cig, te, coffi, sudd a llaeth UHT, yn hwb y ceidwad yn Fferm yr Ystad yn ystod oriau agor arferol.
Dysgwch beth yw anghenion y banc bwyd yma
Brecwast neu swper gyda Siôn Corn
Sglaffiwch frecwast Cymreig blasus yng Nghastell y Waun ar 31 Tachwedd a 1 Rhagfyr, pan fydd gwestai arbennig iawn – sef Siôn Corn – yn ymuno â chi. Beth am ddod draw i wrando ar stori fel rhan o’r bore cofiadwy hwn, pan fydd pob plentyn yn cael anrheg.
Neu beth am ymuno a Siôn Corn fin nos am swper Nadoligaidd ar 7 ac 8 Rhagfyr? Cewch wledda ar ginio Nadolig traddodiadol a phwdin Nadolig, gan fwynhau hud y noson wrth i bob plentyn gael anrheg arbennig.
Cliciwch yma am fanylion ynglŷn â sut i archebu lle, neu i ddysgu mwy am y digwyddiadau Nadolig
Llwybr chwilio am sêr
Beth am fynd ar antur ‘serog’ ar ein llwybr gweld. Ewch i nôl taflen weithgareddau rad ac am ddim o’r Swyddfa Docynnau a chwiliwch am y sêr sy’n cuddio ar wasgar o amgylch ein gerddi barugog.
Cliciwch yma i ddysgu mwy am y digwyddiadau Nadolig
Dewch i greu eich gweithdy ceirw eich hun
Ymunwch â’n Ceidwaid ar 14 Rhagfyr am weithdy crefftau Nadoligaidd. Ewch i hwyl yr ŵyl drwy saernïo carw pren o ddeunyddiau naturiol. Bydd yr holl rannau wedi cael eu torri ymlaen llaw, felly cewch ganolbwyntio ar adeiladu eich creadigaeth unigryw.
Cynhelir sesiynau am 11am, 11.30am a 12pm. Nifer benodol o leoedd sydd ar gael, felly ewch draw i’r swyddfa docynnau ar ôl cyrraedd i sicrhau eich lle. Bydd tocynnau’n cael eu dosbarthu ar sail y cyntaf i’r felin.
Cliciwch yma i ddysgu mwy am y digwyddiadau Nadolig
Teithiau cerdded gaeafol
Taith gerdded aeafol ar ystad 480 acer Castell y Waun yw’r cyfle perffaith i arafu a mwynhau adegau syml i’w trysori y Nadolig hwn. Gofynnwn yn garedig i chi gadw cŵn ar dennyn bob amser.
Dysgwch fwy am archwilio’r ystâd yma
Bwyd a diod Nadoligaidd
Os oes awydd bwyd arnoch, camwch i’n hystafell de glyd lle cewch wledd o ddanteithion Nadoligaidd. Cewch fwynhau dewis eang o opsiynau, o brydau ysgafn i ginio Nadolig sylweddol, yn cynnwys dewisiadau figan a llysieuol. Tretiwch eich hun i un o’r ffefrynnau tymhorol, fel mins-pei, siocled poeth a gwin cynnes.
- Mae’r ystafell de ar agor 10am–4pm.
- Ar gau 25 and 26 Rhagfyr, 1Ionawr.
Siopa Nadolig hawdd
Chwilio am ysbrydoliaeth ar gyfer anrhegion Nadolig? Dewch heibio ein siop anrhegion ar Fferm yr Ystad, sydd â detholiad hyfryd o anrhegion ac addurniadau. Rhowch anrheg arbennig i’ch anwyliaid neu i chi'ch hun. Mae pob ceiniog sy’n cael ei wario yn ein siop hefyd yn aros yng Nghastell y Waun, gan ein helpu i barhau i ofalu am y lle arbennig hwn i bawb, am byth - diolch am roi sglein ar ein Nadolig ni hefyd.
- Mae Siop y Fferm ar agor 10am–4pm yn ddyddiol.
- Ar gau 25 and 26 Rhagfyr, 1Ionawr.
Pethau eraill o ddiddordeb i chi
Y Nadolig yng Nghymru
P’un a ydych yn chwilio am gestyll sy’n llawn addurniadau addurnedig, lleoedd i gwrdd â Siôn Corn, diwrnod allan mewn marchnad Nadolig neu fwynhau taith gerdded gaeafol ffres, mae gennym ddigonedd o lefydd yng Nghymru i wneud atgofion Nadoligaidd.
Erthygl
Ymweld ag ystâd Castell y Waun
Ewch am dro o gwmpas parcdir 480 erw rhyfeddol Castell y Waun, a darganfod tirwedd sy’n gweithio ac yn llawn o goed hynafol, blodau gwyllt, adar a phryfed.
Erthygl
Bwyta a siopa yng Nghastell y Waun
Dewch i ymweld â’n ystafell de a mwynhau cacennau cartref sy’n cael eu pobi’n ddyddiol, gan ddefnyddio’r cynhwysion mwyaf ffres. Neu ewch i’r siop anrhegion sy’n llawn o ddanteithion cartref a chofroddion.
Erthygl
Ymweld â'r ardd yng Nghastell y Waun
Rhyddhewch eich synhwyrau ac adnewyddu eich ysbryd trwy grwydro’n hamddenol ymysg arogleuon a lliwiau tymhorol y llwyni a blodau prin yn yr ardd bum erw a hanner hyfryd hon.