Grwpiau cefnogwyr yng Nghymru

Yn ystod misoedd y gaeaf maen nhw’n trefnu sgyrsiau ar amrywiaeth eang o bynciau. Yn y gorffennol mae’r rhain wedi cynnwys teithio o gwmpas Cymru ar gwch, ymweld â’r India a byw yno fel priodferch yn y 50au, hanes Calan Gaeaf a llawer mwy.

Yn y gaeaf maen nhw fel arfer yn cynnal cinio dathliadol ac yn yr haf cynhelir parti nos hyfryd yng Nghastell y Waun gyda chaniatâd caredig y Rheolwr Cyffredinol.

Maen nhw’n trefnu ymweliadau dros fisoedd yr haf, gan gynnwys teithiau trên a chamlas ac ymweliadau ag amgueddfeydd ac eiddo eraill yr Ymddiriedolaeth Genedlaethol. Yn yr hydref maen nhw’n trefnu gwyliau byr i ardal arall yng ngwledydd Prydain gan ymweld â llawer o lefydd o ddiddordeb.

Gall unrhyw un sy’n aelod neu’n gwirfoddolir gyda’r Ymddiriedolaeth Genedlaethol ymuno, ac mae ein haelodau’n dod o ardal eang o gylch y castell.

E-bostiwch WalesSupporterGroups@nationaltrust.org.uk i gael rhagor o wybodaeth.

Mae ein haelodau’n dod o ardaloedd Rhuthun, Dinbych a’r Wyddgrug yn bennaf ac maen nhw wrth eu bodd yn croesawu aelodau newydd. Maen nhw’n trefnu rhaglen amrywiol o ddigwyddiadau, gyda darlithoedd dros fisoedd y gaeaf yn Ysgol Llanrhaeadr.

Yn yr haf, maen nhw’n trefnu teithiau sy’n aml yn cynnwys ymweliadau â chartrefi sydd ar gau i’r cyhoedd, neu daith breifat gyda hanesydd pensaernïol neu arddwr i wneud y profiad yn un arbennig.

I gael rhagor o wybodaeth am y gymdeithas ac i ymuno, cysylltwch â nhw dros e-bost

Mae ganddynt raglen flynyddol o sgyrsiau, boreau coffi, ciniawau, digwyddiadau arbennig i aelodau, teithiau y tu ôl i’r llenni a rhagflas o ddigwyddiadau a theithiau sy’n cael eu cynnal ar diroedd ac yn nhŷ Dyffryn.

Maen nhw hefyd yn mwynhau ymweliadau â gerddi blaenllaw eraill (rhai cyhoeddus a phreifat), ciniawau tymhorol (fel arfer yn ystod yr haf a chyfnod y Nadolig), a gostyngiadau siopa yng Ngerddi Dyffryn.

Mae aelodau’n derbyn y rhifynnau diweddaraf o Gylchlythyr y Cyfeillion ac ambell i e-gylchlythyr hefyd.

I ddysgu mwy ac i ymuno, ewch i wefan Cyfeillion Gerddi Dyffryn neu cysylltwch â’r Ysgrifennydd dros e-bost

Mae aelodau’n mwynhau cyfres o sgyrsiau diddorol a difyr gan siaradwyr gwybodus ac arbenigol. Mae sgyrsiau’n digwydd ar ail ddydd Gwener y mis o fis Medi i fis Mai am 2.30pm yn Oriel y Granar yng Nghastell Penrhyn.

Maen nhw wir yn mwynhau eu gwyliau haf byr blynyddol i ran arall o Ynysoedd Prydain a’u rhaglen o deithiau – gan gymryd mantais, wrth gwrs, o’u haelodaeth o’r Ymddiriedolaeth Genedlaethol i ymweld â lleoliadau eraill.

I gael rhagor o wybodaeth ac i ymuno â Chymdeithas Eryri, cysylltwch â’r Cadeirydd ar 01248 600248 neu dros e-bost

Yn ystod misoedd y gaeaf mae ‘na raglen o sgyrsiau â darluniau. Mae nifer o ddigwyddiadau cymdeithasol yn cael eu cynnal ledled yr ardal hefyd i godi arian.

Yn achlysurol yn ystod y flwyddyn, mae teithiau dydd a nos yn cael eu trefnu i gartrefi a gerddi’r Ymddiriedolaeth Genedlaethol, yn ogystal â rhai preifat, ynghyd â gwyliau byr.

Mae croeso i ymwelwyr yn yr holl sgyrsiau ac mewn llawer o’r digwyddiadau.

I gael rhagor o wybodaeth ac i ymuno â Chymdeithas Gwent, cysylltwch â nhw dros e-bost

Mae eu cyfres o giniawau a boreau coffi mewn amrywiaeth o leoliadau yn galluogi aelodau i ddod i nabod ei gilydd, ac mae eu teithiau tywys yn rhoi’r cyfle iddynt fwynhau’r awyr iach. Er enghraifft, mae teithiau’r gorffennol wedi cynnwys taith dywys a sgwrs ar brosiect Gweilch Glaslyn a thaith ar fws a thrên i’r ganolfan ymwelwyr newydd a’r caffi ar gopa’r Wyddfa.

I gael rhagor o wybodaeth ac i ymuno â Chymdeithas Meirionydd, cysylltwch â nhw ar 07814 080500 neu dros e-bost

Gallwch ddysgu mwy ar wefan Cymdeithas Sir Benfro

I ymuno, cysylltwch â’r Ysgrifennydd Aelodaeth ar 01437 731525 neu dros e-bost

Maen nhw’n cynnal sgyrsiau misol ar bynciau di-rif, yn amrywio o’r hanesyddol i’r doniol. Mae gwybodaeth bob amser ar ddangos yn yr Ystafell Fwyta.

Maen nhw hefyd yn trefnu teithiau dydd ac ambell drip prynhawn i eiddo hanesyddol ledled y wlad. Ym mis Mehefin byddant yn ymweld â Chastell Powis. Beth am ymuno? Mae digwyddiadau nos yn cael eu cynnal ym mis Tachwedd a mis Rhagfyr yn y Neuadd Newydd yn Nhŷ Tredegar.

Pan ddewch yn gyfaill, byddwch yn cael cerdyn aelodaeth, parcio am ddim yn y tiroedd am bedair awr y dydd a phedwar cylchlythyr y flwyddyn. I ddysgu mwy, ewch i wefan Cyfeillion Tŷ Tredegar sy’n cael ei diweddaru’n rheolaidd gyda manylion gweithgareddau a digwyddiadau sydd ar ddod.

Yn ogystal a mwynhau rhaglen o ddigwyddiadau cymdeithasol, maen nhw’n codi arian ar gyfer prosiectau’r Ymddiriedolaeth, fel arfer yng Nghymru, ond nid bob tro.

Maen nhw’n cynnal darlithoedd ar drydydd dydd Mercher y mis, o fis Medi i fis Ebrill. Mae’r rhain fel arfer yn cael eu cynnal yn y Bont-faen ac yn ymdrin ag amrywiaeth eang o bynciau.

Yn ystod yr haf mae ‘na deithiau dydd, fel arfer i leoliadau’r Ymddiriedolaeth Genedlaethol, ond nid bob tro.

Maen nhw hefyd wedi trefnu gwyliau bws preswyl gan ymweld â safleoedd lleol o ddiddordeb.

Os hoffech ymuno, casglwch bamffled yng Ngerddi Dyffryn neu Dŷ Tredegar a llenwi’r ffurflen sydd arno, neu cysylltwch a nhw dros e-bost

Maen nhw’n cefnogi gwaith yr Ymddiriedolaeth yn lleol, yn arbennig yn Erddig, gyda’r nod o ychwanegu at fwynhad pobl o’u haelodaeth.

Mae’r holl arian sy’n cael ei godi drwy’r rhaglen yn cael ei ddefnyddio i gefnogi prosiectau arbennig, boed fach neu fawr, yn Erddig. Gwnaethant helpu i gwblhau’r gwaith adnewyddu ar y tŷ chwarae Fictoraidd ac ailadeiladu’r gwinwydd-dy. Gwnaethant hefyd osod dwy fainc dderw wrth y gamlas, cefnogi’r gwaith o wella rhandy’r becws ac ariannu gwaith adfer ar y colomendy a’i geiliog gwynt.

• Drwy ymuno, cewch fwynhau cyfres o sgyrsiau a gynhelir yn Eglwys y Santes Farged, Heol Caer, Wrecsam ar ail ddydd Mawrth y mis o fis Hydref i fis Mawrth.

• Yn ystod yr haf maen nhw’n trefnu teithiau bws rheolaidd i lefydd o ddiddordeb hanesyddol.

• Hefyd, drwy gydol y flwyddyn mae boreau coffi, ciniawau a phrydau nos arbennig yn cael eu trefnu, yn ogystal â chinio blynyddol y gymdeithas a phryd Nadolig.

• Mae’r Gymdeithas hefyd yn cynnal loteri aelodau, a grëwyd yn 2006, a gynhelir bedair gwaith y flwyddyn.

E-bostiwch yr Ysgrifennydd Aelodaeth neu ffoniwch 01978 841545 os hoffech ddysgu mwy.