Ymweld â'r ardd ym Mhlas Newydd

Teulu yn mwynhau'r Terasau yng ngardd Plas Newydd | © National Trust Images / Paul Harris

Mae’r dirwedd restredig Gradd-1 ym Mhlas Newydd yn cynnwys 40 erw o ardd a 129 erw o goetir a pharcdir.

Uchafbwyntiau'r gaeaf ym Mhlas Newydd

Yr ardd yn ystod y gaeaf yw pan fydd y golygfeydd ar eu gorau. Mae'r dyddiau oer, eira ar y mynyddoedd, a'r haul yn isel ar y Fenai yn gyfuniad syfrdanol. Efallai mai dyma’r amser gorau hefyd i werthfawrogi y casgliad gwych o goed yn yr ardd, o binwydd mawreddog i foncyffion arian ffawydd ac ewcalyptws.

Ar Lon y Doc ar y ffordd i’r plasty, mae blodau pinc persawrus Gwifwrn x bodnant, yn blodeuo fel bydd y rhew yn cyrraedd, a blodau melyn llachar cain ond caled gwaglwyf, yn ymddangos yn anhydraidd i'r oerfel.

Cwpl yn cerdded yn yr ardd ym Mhlas Newydd gyda mynyddoedd yn y cefndir — Crwydro’r ardd ym Mhlas Newydd | © National Trust Images/James Dobson

Natur yn y Gaeaf

Mae’n werth cadw llygad hefyd am adar mudol, fel adar eira a'r adain goch, yn gwledda ar aeron yw a chreigafal drwy’r ardd, yn ogystal â’r aderyn du'n swatio yn ffrwythau'r goeden Davidia involuctra, neu'r 'handkerchief tree', ym mhen draw yn Ynysyoedd y Caribi.

Yn y gaeaf fe welwch chi liwiau cyfnewidiol ym Mhlas Newydd wrth i chi gerdded drwy’r ardd gan archwilio gwahanol lwybrau. Ar eich antur mwynhewch olygfeydd godidog ar draws y Fenai tuag at fynyddoedd Eryri ac edrychwch am fywyd gwyllt arbennig iawn.

Dau berson yn cerdded drwy’r ardd hydrefol tuag at y tŷ ym Mhlas Newydd, Ynys Môn — Cerdded drwy’r ardd ym Mhlas Newydd, Ynys Môn | © National Trust Images/James Dobson

Blodau'r gaeaf

Ar Lon y Doc fe welwch lwyni blodeuol y gaeaf fel Hamamelis (gwaglwyf) yn blodeuo mewn clystyrau melyn tlws, a blodau pinc persawrus cryf y Gwifwrn x bodnant. Yn y cyfamser mae'r cóniffer yn edrych yn hardd yn y gaeaf, yn enwedig y chedr Japan gyda'i ddail efydd a choch o dan y terasau.

Bywyd gwyllt yn y gaeaf

Cewch weld gwiwerod coch drwy ymweld â chuddfan gwiwerod yng Nghoed yr Eglwys. Nid yw gwiwerod yn gaeafgysgu a gyda llai o ddail ar y coed, mae’r gaeaf yn amser gwych i weld y creaduriaid swil hyn.