Bwyta a siopa ym Mhlas Newydd

A cup of coffee in the forefront on a wooden table with sugar packets in a glass behind — Paned o goffi yn y caffi ym Mhlas Newydd | © National Trust Images/James Dobson

Os ydych yn mwynhau’r gorau o gynnyrch Cymru a Phrydain, neu eich bod yn angerddol am gacennau cartref, mae rhywbeth at bob dant ym Mhlas Newydd. Gydag amrywiaeth o eitemau i’w gweld yn y siop a siop lyfrau ail law, dyma le perffaith i’r rhai sy’n hoff o lyfrau i dreulio amser wrth eu boddau.

Caffi’r Hen Laethdy

Yn agos at y Ganolfan Ymwelwyr, mae Caffi’r Hen Laethdy yn lle perffaith i fwynhau paned o de neu goffi. Unwaith yn llaethdy ar gyfer yr ystâd, heddiw gallwch fwynhau amrywiaeth o brydau oer a phoeth o’n bwydlen dymhorol.

Rydym yn prynu cynnyrch lleol a Masnach Deg pryd bynnag y bydd yn bosibl, ac mae ein holl gacennau a danteithion yn cael eu coginio’n ddyddiol gan ein pobydd ni ein hunain. Gyda danteithion sawrus, cacennau blasus, te h

Croeso i gŵn yn y caffi

Mae Caffi’r Hen Laethdy hefyd yn addas i gŵn, felly ni fydd raid i chi eistedd allan yn yr oerfel neu’r glaw gyda’ch ci. Ond rydym yn gofyn i chi gadw’r holl gŵn ar dennyn byr a dan reolaeth. Mae bowlenni cŵn ar gael y tu allan yn ardal y cowt i’r ci gael tamaid sydyn.

Gwybodaeth am alergenau

Mae’r rhan fwyaf o’n bwyd a diod yn cael ei baratoi ar y safle yn ein cegin gan ddefnyddio amrywiaeth eang o gynhwysion. O ganlyniad, ni allwn warantu bod ein cynhyrchion bwyd a diod yn hollol rydd o alergenau.

Os oes gennych alergedd neu anoddefgarwch ac yr hoffech weld gwybodaeth am gynhwysion bwyd a diod, gofynnwch i’r staff a fydd yn hapus i helpu.

Cadarnhewch cyn eich ymweliad

Wedi ymweld o’r blaen? Weithiau rydym yn newid ein ryseitiau i wella ansawdd a blas, gan gynnwys y cynhwysion. Ar eich ymweliad, siaradwch ag aelod o’n tîm i wirio’r wybodaeth ddiweddaraf am alergenau ar gyfer eich hoff bryd.

Two calendars on a map, with a table in the forefront and diaries in orange and green on table — Detholiad o galendrau a dyddiaduron ar gael yn y siop | © National Trust Images/James Dobson

Ciosg yr Ystafell Haul

Mae Ciosg yr Ystafell Haul wedi'i leoli wrth y Ty, ac mae’n gweini diodydd poeth, hufen iâ a byrbrydau poeth ac oer. Gyda digonedd o leoedd i eistedd tu allan mae’n lle gwych i gael seibiant bach neu, pam nag ewch chi â diod boeth neu damaid blasus hefo chi wrth i chi grwydro’r ystâd anferth?

Yn dymhorol y mae Ciosg yr Ystafell Haul ar agor, edrychwch ar ein amseroedd agor am fanylion.

A selection of toys on a table, with two books, farm animals toys and a teddy in the shape of a cow — Amrywiaeth o wahanol deganau ar gael yn y siop | © National Trust Images/James Dobson

Siopa ym Mhlas Newydd

Yn chwilio am anrheg i’r rhywun arbennig yn eich bywyd, neu gofrodd i chi eich hun? Mae ein siop anrhegion yn y Ganolfan Ymwelwyr, yn gwerthu amrywiaeth eang o nwyddau i’r tŷ, planhigion a nwyddau garddio, cynnyrch glanhau eco, tlysau, llyfrau, teganau a danteithion blasus.

Llyfrau i bob oedran

Cewch ddewis da o lyfrau newydd sbon ar werth i danio dychymyg pob oed. O lyfrau lluniau i lyfrau ‘pop up’, arweinlyfrau i lyfrau coginio, mae gennym anrhegion i ysbrydoli pawb.

Y Siop Lyfrau Ail-law

Wedi’i leoli yn yr Orendy ger y Terasau o flaen y Tŷ, fe welwch chi’r Siop Lyfrau Ail-law sy’n fwy na dim ond lle i gael hyd i lyfr da. Mae’r holl arian a godir yn mynd tuag at brosiectau cadwraeth, gan ein helpu i ofalu am Blas Newydd i bawb, am byth.

O lyfrau ffuglen a throsedd newydd, i arddio, bywyd gwyllt a ffefrynnau’r plant - mae cannoedd o deitlau’n cael eu diweddaru’n gyson felly dewch i mewn i ddod o hyd i’r llyfr sydd wrth eich bodd a’n helpu i barhau i adrodd hanes rhyfeddol Plas Newydd am flynyddoedd i ddod.

Yn dymuno rhoi rhai o’ch hoff lyfrau?

Rydym yn dibynnu ar roddion i gadw’r stoc i fynd a bydd ein tîm yn falch iawn o dderbyn blychau bach yn y Ganolfan Ymwelwyr. Os dymunwch chi gyflwyno llawer o lyfrau, cysylltwch ymlaen llaw er mwyn i aelod o’r staff fod wrth law i’ch helpu.