Arfordiroedd a thraethau Penrhyn Gŵyr

Yr olygfa o Fae’r Tri Chlogwyn o gyffiniau Penmaen gyda rhostir yn y blaendir, ar Benrhyn Gŵyr, De Cymru — Bae’r Tri Chlogwyn o gyffiniau Penmaen, Penrhyn Gŵyr | © National Trust Images/Joe Cornish

Mae arfordiroedd a thraethau Penrhyn Gŵyr yn drawiadol drwy gydol y flwyddyn. Ymwelwch â Bae Rhosili am ddiwrnod o nofio ac adeiladu cestyll tywod, mwynhewch deithiau cerdded arfordirol o gwmpas Twyni Penmaen a Nicholaston, ewch i wylio adar yn Whitffordd neu darganfyddwch fywyd gwyllt ac archaeoleg ym Mhwll Du. Dysgwch fwy am bethau i’w gweld a’u gwneud ar ymweliad â Phenrhyn Gŵyr.

Arfordiroedd a thraethau i’w gweld yn y Gŵyr

Rhosili: Stribyn 3 milltir o dywod gyda golygfeydd ysgubol o’r arfordir. Gallwch nofio neu hyd yn oed hedfan barcud yma, ac mae digon o fywyd gwyllt a hanes i’w ddarganfod os byddai’n well gennych fynd am dro o gwmpas yr arfordir. Cerddwch i gopa Cefnen Rhosili, y pwynt uchaf yn y Gŵyr. O’r fan hon gallwch fwynhau golygfeydd panoramig yn estyn yr holl ffordd i orllewin Cymru, Ynys Wair ac arfordir gogledd Dyfnaint.Trefnwch eich ymweliad â Rhosili
Twyni Penmaen a Nicholaston: Mae Twyni Penmaen a Nicholaston yn swatio rhwng Bae’r Tri Chlogwyn a Bae Oxwich. Ewch am dro drwy’r ardal a mwynhau’r rhostir, y coetir, y twyni tywod a’r clogwyni, gyda golygfeydd godidog dros y bae. Mae’r twyni yn Nicholaston yn fwrlwm o fywyd gwyllt, tra bod Twyni Penmaen yn gyfoeth o hanes. Cadwch olwg am weddillion siambr gladdu Neolithig, amddiffynfa gylch Normanaidd, ac eglwys ganoloesol.Trefnwch eich ymweliad â Thwyni Penmaen a Nicholaston

Pennard, Pwll Du a Dyffryn Llandeilo Ferwallt: Penrhyn Pwll Du yw’r pentir uchaf yn y Gŵyr ac mae’n cynnig golygfeydd gwych o Glogwyni Pennard a’r arfordir tuag at y Mwmbwls. Yn gyfoeth o dreftadaeth ddiwydiannol, mae ‘na ogofau, coetir hynafol a rhywogaethau prin i’w darganfod yma. Mae ‘na hefyd nodweddion archeolegol niferus a dwy ogof bwysig – Bacon Hole a Minchin Hole.Trefnwch eich ymweliad â Pennard, Pwll Du a Dyffryn Llandeilo Ferwallt
Whitffordd a Gogledd Gŵyr: Mae morfa Cwm Ivy yn ffurfio rhan o Warchodfa Natur Genedlaethol ehangach Whitffordd ar arfordir Gogledd Gŵyr. Mae’n hafan i fywyd gwyllt ac yn llecyn delfrydol ar gyfer gwylio adar. Mae yna ddwy guddfan adar, cuddfan Cheriton a chuddfan Monterey, wedi’u lleol y naill ochr i’r forfa. Cadwch olwg am grehyrod bach copog, y gallwch eu gweld bob dydd gyda’u cefndryd mwy o faint, y crëyr glas.Trefnwch eich ymweliad â Gogledd Gŵyr

Ymwelydd yn eistedd gyda’i chefn at y camera yn edrych allan ar yr olygfa o’r bae yn Rhosili ac Arfordir De Gŵyr, Cymru, i lawr y clogwyn at draeth tywodlyd gyda moroedd glas clir y tu hwnt ac awyr las heulog yn y pellter. — Ymwelydd yn mwynhau’r olygfa o’r bae yn Rhosili ac Arfordir De Gŵyr | © National Trust Images/Chris Lacey

Traethau i gŵn ym Mhenrhyn Gŵyr

Mae croeso i gŵn da ar draethau’r Gŵyr, oni bai bod angen cadw cŵn i ffwrdd am resymau’n ymwneud â chadwraeth natur. Gall hyn fod yn ddibynnol ar yr adeg o’r flwyddyn, felly ewch i wefan y traeth neu’r arfordir i gadarnhau a allwch ddod â’ch ci cyn eich ymweliad.

Cŵn a anifeiliaid fferm

Wrth ymweld, talwch sylw i unrhyw arwyddion lleol am gerdded cŵn – er enghraifft, a oes angen i’ch ci fod ar dennyn. Dylai cŵn gael eu cadw ar dennyn o gwmpas anifeiliaid, ond os oes gwartheg neu anifeiliaid mawr eraill yn cwrso eich ci, y peth gorau i’w wneud yw gadael y tennyn i fynd tan eich bod wedi gadael yr ardal.

Tri pherson yn chwarae ar y traeth gyda chi yn Pennard, Penrhyn Gŵyr, Cymru. — Pobl yn chwarae ar y traeth, Pennard, Penrhyn Gŵyr, Cymru. | © National Trust Images/John Millar

Dilynwch y cod cefn gwlad

Helpwch i gadw arfordiroedd a thraethau Penrhyn Gŵyr yn ddiogel a dymunol drwy gadw at rai canllawiau syml yn ystod eich ymweliad a dilyn y Cod Cefn Gwlad.

Parchwch bobl eraill

Byddwch yn ystyrlon o’r gymuned leol a phobl eraill sy’n mwynhau ac yn gweithio yn yr awyr agored
Parciwch yn ofalus gan sicrhau bod gatiau a dreifiau’n cael eu cadw’n glir
Gadewch gatiau ac eiddo fel yr oedden nhw pan gyrhaeddoch chi
Dilynwch lwybrau sydd wedi’u marcio ac arwyddion lleol
Byddwch yn gyfeillgar, dwedwch shwmae

Diogelu’r amgylchedd naturiol

Peidiwch â gadael dim ar eich ôl – ewch â’ch sbwriel adref
Byddwch yn ofalus gyda barbeciws a thanau – defnyddiwch nhw mewn ardaloedd pwrpasol yn unig
Cadwch gŵn dan reolaeth
Baw ci – yn y bag, yn y bin – mae unrhyw fin cyhoeddus yn iawn