Diwrnodau allan i’r teulu ym Mhlas Newydd

Two adults and a small child holding hands while out for a walk — Teulu yn cerdded ym Mhlas Newydd | © Ronan McGrade

Os ydych yn ymweld gyda phlant neu wyrion, mae digon i ddiddori'r teulu cyfan ym Mhlas Newydd. Archwiliwch yr ardd, ymlacio a chael tamaid i'w fwyta ar y lawnt, a mwynhau amser fel teulu yn yr Arboretwm.

Hanner tymor Chwefror ym Mhlas Newydd

Mae hanner tymor mis Chwefror yn gyfle perffaith i archwilio Plas Newydd a'r Ardd, gyda llu o weithgareddau i blesio teuluoedd, beth bynnag yw'r dywydd. Dilynwch y llwybrau troellog drwy Goed y Llaethdy, gan gadw golwg am wiwerod coch ymhlith y coed. Crëwch rywbeth yn y gegin fwd, gwnewch alaw ar y drymiau pren, neu redeg ar draws y gwair agored am awyr iach a hwyl. Ewch am dro sydyn i ardal Ynysoedd y Caribi o'r 40 erw o ardd a dringiwch i’r tŷ coeden. Be allwch chi weld o’r top?

Y tu mewn i’r tŷ rhestredig Gradd I o’r 16eg ganrif, mae digon i’w ddarganfod. Edmygwch yr olygfeydd sy’n newid yn barhaus o’r Fenai ac Eryri drwy’r ffenestri, a gadewch i’r dirwedd eich ysbrydoli i wneud llun neu ysgrifennu. Yn Ystafell yr Octagon, ymlaciwch gyda dewis o gemau bwrdd i’w mwynhau gyda ffrindiau a theulu. Gyda’r ardd yn agor am 9:30am a’r tŷ o 10am, gallwch fwynhau Plas Newydd yn hirach. Gyda chymaint i’w weld a’i wneud, mae’r awr ychwanegol honno’n berffaith i wneud y mwyaf o’ch ymweliad.

Two girls on the cantilever swing in the woodland play area at Nostell. One girl wears a rainbow coloured dress covered in mud. — Plant yn chwarae yn ardal chwarae Plas Newydd | © Trevor Ray Hart

Diwrnod allan perffaith i'r teulu

Mae ardal chwarae naturiol Plas Newydd yng Nghoed y Llaethdy yn gyrchfan berffaith i deuluoedd sy’n awyddus i fwynhau’r awyr agored. Yma, gall plant brofi eu sgiliau ar amrywiaeth o rwystrau, gan ei wneud yn fan delfrydol ar gyfer ras gyfeillgar i weld pwy all gwblhau'r cwrs gyflymaf!

Gwnewch yn siŵr eich bod chi'n archwilio'r tŷ coeden - dringwch i'r brig a mwynhau'r golygfeydd o'r lle uchel hwn. Mae'n lle gwych i blant adael i'w dychymyg esgyn wrth fwynhau'r olygfa. I'r rhai sydd â rhediad cystadleuol, mae ein cwrs golff ffrisbi yn aros. Dewch â ffrisbi gyda chi a heriwch eich teulu a'ch ffrindiau i'r gêm unigryw a chyffrous hon.

P’un a ydych chi yma i chwarae, ymlacio, neu’n mwynhau byd natur, mae’r ardal chwarae ym Mhlas Newydd yn cynnig rhywbeth arbennig i bawb.

Cynllunio eich ymweliad

Dyma wybodaeth ddefnyddiol a all eich helpu i gynllunio eich diwrnod allan nesaf ym Mhlas Newydd:

Ceir toiledau a chyfleusterau newid babanod yn yr Hen Laethdy ac wrth fynedfa’r Tŷ.
Caniateir cadeiriau gwthio ar lawr gwaelod y Tŷ. Ar adegau prysur, efallai y gofynnir ichi eu gadael wrth y fynedfa.
Mae bocsys bwyd a bwydlenni i blant ar gael yng nghaffi’r Hen Laethdy, yn cynnwys prydau poeth, brechdanau, hufen iâ a theisennau.

Bagiau synhwyraidd

Mae 2 bag synhwyraidd ac amddiffynwyr clust ar gael i'w benthyca i'w llofnodi i mewn ac allan yn Nerbynfa'r Ymwelwyr. Maent i helpu ymwelwyr ag awstistiaeth, anhwylder prosesu synhwyraidd, neu'r rhai sy'n meddwl byddent yn elwa ohonynt, yn ystod ymweliad â Phlas Newydd.

Pethau y dylech eu gwybod cyn dod draw yn ystod y Gaeaf

Codir prisiau mynediad arferol.
Mae’r daith yn addas i gadeiriau olwyn a chadeiriau gwthio, ond efallai y byddwch yn dod ar draws mannau mwdlyd ar hyd y ffordd.
Caniateir cŵn ar dennyn byr yn y gerddi, ac eithrio’r Terasau.