Ymweliadau grŵp â Thŷ Tredegar

Visitors in the garden in May at Tredegar House, South Wales | © Trevor Ray Hart

Rydym yn croesawu ymweliadau grŵp sydd wedi’u trefnu ymlaen llaw yn Nhŷ Tredegar. Gyda phlasty brics coch trawiadol a 90 erw o erddi a pharcdir yn ei amgylchynu, mae digon i’w ddysgu am ei hanes unigryw ac amrywiol.

Ymweliadau grŵp â Thŷ Tredegar

Dafliad carreg o’r M4, a gyda 90 erw o erddi a pharcdir i’w darganfod, mae’r hanesyddol Dŷ Tredegar yn lle cyfleus i alw ar eich ymweliad â de Cymru.

Trefnu eich ymweliad

Gofynnwn i bob ymweliad grŵp â Thŷ Tredegar gael ei drefnu ymlaen llaw gyda’n tîm. Mae croeso i un grŵp ymweld bob dydd a gall y staff roi gwybod i chi os ydyn ni’n disgwyl bod yn arbennig o brysur (yn ystod gwyliau ysgol neu ddigwyddiadau penodol, er enghraifft).

Gallwch archebu ymlaen llaw drwy ein e-bostio yn tredegar@nationaltrust.org.uk gyda’ch dyddiad a’ch gofynion.

Tra’ch bod chi yma

Er nad ydym yn cynnig teithiau preifat ar hyn o bryd, mae digon i’w ddarganfod tra’ch bod chi yma.

Dechreuwch drwy gofrestru gyda’n tîm wrth y dderbynfa ymwelwyr cyn cael diod hyfryd yng Nghaffi’r Bragdy. Yna gallwch fynd am dro drwy’r gerddi ffurfiol gwych, cael golwg ar y bloc stablau enfawr a’r orendy hudol cyn ymweld â’r plasty brics coch trawiadol.

A woman in National Trust uniform welcoming a visitor with a map — Volunteer to greet visitors when they arrive | © National Trust Images/Aled Llywelyn

Darganfod y tŷ a thu hwnt

Mae’r tîm brwdfrydig o wirfoddolwyr i’w gweld ym mhob rhan o’r tŷ i esbonio mwy am hanes unigryw’r safle, adrodd straeon cyffrous am y teulu Morgan ac ateb unrhyw gwestiynau a allai fod gennych. Mae ymwelwyr fel arfer yn treulio tua dwy awr yn crwydro’r tŷ a’r gerddi.

Wrth i chi adael y tŷ drwy goridor y gegin, byddwch wrth y caffi unwaith eto. Gallwch aros yma i ymlacio gyda brechdan, pastai neu ddarn o gacen cyn mynd am dro ar lan y llyn ac o gwmpas y parcdir helaeth i weld beth sy’n weddill o ystâd grand y teulu Morgan.

Mae croeso chi dreulio cymaint o amser ag y dymunwch yn Nhŷ Tredegar, ond rydym fel arfer yn awgrymu eich bod yn caniatáu hanner diwrnod i grwydro’r safle trawiadol hwn. Cymerwch olwg ar ein horiau agor cyn trefnu ymweliad, gan eu bod yn newid gyda’r tymhorau.

Mynediad

Mae yna ardal barcio bwrpasol i fysiau a deiliaid bathodyn glas yn agos at y dderbynfa.
Mae dwy gadair olwyn ar gael i ymwelwyr eu defnyddio (rhaid archebu ymlaen llaw).
Mae caffi’r Bragdy yn hollol hygyrch.
Gallai mynediad i lawr cyntaf y plasty fod yn gyfyngedig i rai ymwelwyr sydd ag anawsterau symudedd, gan fod nifer o risiau’n arwain ato.
Cofiwch, er bod y parc yn hygyrch, mae arwynebau anwastad mewn rhai ardaloedd o’r coetir, a gall fod yn wlyb iawn yn ystod cyfnodau o dywydd gwael.
Dylai ymwelwyr sydd ag anawsterau symudedd gysylltu â Thŷ Tredegar cyn ymweld.