Dewch i ddarganfod Cymru
Gwlad Geltaidd gyda gorffennol diwydiannol, yn llawn mythau, chwedlau, barddoniaeth a chân. Croeso i Gymru.
Diwrnodau allan i'r teulu yng Nghymru
Gyda gweithgareddau hwyl a digwyddiadau cyffrous, mae digonedd o ddiwrnodau gwych i’r teulu i’w cael yng Nghymru. Darganfyddwch gestyll crand, cwblhewch weithgareddau’r ’50 peth i’w gwneud cyn dy fod yn 11 ¾’, neu llosgwch ychydig o egni mewn ardaloedd chwarae naturiol.
Diwrnod i’r teulu yng Ngogledd Cymru
Lle
Castell Y Waun a’r Ardd
Y Pasg hwn, dathlwch chwedl Gymreig y Santes Melangell, nawddsant yr ysgyfarnogod, gyda llwybr teuluol yn gorffen gyda cherflun helyg enfawr o ysgyfarnog. Cadwch lygad am sgwarnogod go iawn ar draws yr ystad! Ymunwch â ni ar gyfer Sesiynau Crefftau Hapa Zome Sgwarnogod, lle byddwch chi’n creu printiau sgwarnog bywiog gan ddefnyddio’r grefft Japaneaidd o guro planhigion. Crefft hwyliog, ecogyfeillgar i fynd adref gyda chi fel rhywbeth i'w gofio!
Lle
Neuadd a Gardd Erddig
Y Pasg hwn, ymunwch â’r Helfa Pot Aur yn Erddig! Dilynwch daith bachgen dewr i ddod o hyd i'r potyn chwedlonol o aur, datrys posau a chwblhau heriau ar hyd y ffordd. Dihangwch o Ffau'r Blaidd, dymchwel gwarchaeau môr-ladron, a mwy! Ar ôl yr helfa, gadewch i'r anturwyr bach fwynhau ardal chwarae Ffau’r Blaidd, gyda siglenni rhaff, honglathau a hwyl adeiladu cuddfannau. Antur Pasg perffaith i'r teulu cyfan!
Lle
Castell Penrhyn a'r Ardd
Llanwch i wyliau'r Pasg gyda hwyl i'r teulu yng Nghastell Penrhyn! Cymerwch ran yn ein llwybr Pasg, crwydro’r tiroedd hardd, mwynhau celf awyr agored, creu cerddoriaeth yn y coed, ymuno mewn te parti Pasg, a rhoi cynnig ar daflu welis. Gorffennwch y llwybr gyda rhywbeth arbennig ac ewch â thaflen weithgaredd adref i gofio eich diwrnod. Mae rhywbeth i bawb ei fwynhau y gwanwyn hwn yng Nghastell Penrhyn!amwch i fyd hudolus Castell a Gardd Penrhyn, lle mae golygfeydd godidog o Ogledd Cymru yn cwrdd ag anturiaethau teuluol diddiwedd. Ym mis Ionawr a mis Chwefror eleni, dewch â'r teulu cyfan am dro gaeafol drwy'r gerddi a'r tiroedd ar benwythnosau! Archwiliwch harddwch diwedd y gaeaf a dechrau'r gwanwyn wrth i gannoedd o flodau lliwgar ddechrau blodeuo. Mae’n ffordd berffaith i fwynhau’r awyr agored gyda’n gilydd! Er bod y gerddi ar agor, mae'r castell yn parhau ar gau tan 1 Mawrth.
Lle
Plas Newydd a’r Ardd
Y gwanwyn hwn, mae Plas Newydd yn lle perffaith i anturwyr bach! Archwiliwch erddi lliwgar yn llawn cennin Pedr, camelias a magnolias, a darganfyddwch drysorau cudd yn yr Ardd Rhododendron. Gall plant ddringo’r tŷ coeden i gael golygfeydd anhygoel a chadwch lygad am wiwerod coch! Ymunwch â'n llwybr Pasg llawn hwyl gyda 10 gorsaf weithgareddau gyffrous – creu dawns siglad gwenyn mêl, datrys cliwiau, gwisgo i fyny ar gyfer perfformiad a gwneud cerddoriaeth gyda'r band adar! Hefyd, mwynhewch hufen iâ blasus yn ystod eich antur.
Lle
Gardd Bodnant
Torchwch eich llewys dros hanner tymor mis Chwefror a helpwch dîm Gardd Bodnant i blannu eirlysiau yn yr Hen Barc - cyfle i wneud eich marc a’u gwylio’n blodeuo am flynyddoedd i ddod! Yna, dros y Pasg, archwiliwch 80 erw o erddi syfrdanol ar helfa wyau heb ei hail. O wyau pryfed bach i wyau adar mwyaf, darganfyddwch drysorau cudd natur gyda gweithgareddau hwyliog ar hyd y ffordd. Digwyddiadau rhad ac am ddim, mynediad arferol yn berthnasol.
Diwrnodau allan i'r teulu yng nghanolbarth Cymru
Lle
Castell a Gardd Powis
Neidiwch i mewn i hwyl yn yr ardd gyda llwybr teuluol hunan-dywys trwy derasau godidog, yr ardd ffurfiol, a choetiroedd heddychlon. Darganfyddwch weithgareddau rhyngweithiol wrth i chi archwilio'r dirwedd hardd. Ar ôl eich antur, ymlaciwch yng nghaffi'r cwrt gydag amrywiaeth blasus o fwyd a bwydlen sy'n addas i blant. Ffordd berffaith o fwynhau'r awyr agored gyda'r teulu cyfan!
Lle
Llanerchaeron
Dathlwch y gwanwyn gyda Llwybr y Pasg yn Llanerchaeron! Archwiliwch y tiroedd hardd a mwynhewch weithgareddau rhyngweithiol, synhwyraidd wedi'u hysbrydoli gan natur a'r tymor. Ymwelwch â'r fferm i gwrdd ag anifeiliaid bach annwyl, gwylio bywyd gwyllt ger y llyn, ac ymuno â gweithgareddau hwyliog yn yr ardd furiog. Mae rhywbeth i bawb ei fwynhau!
Dyddiau i’r teulu yn Ne Cymru
Lle
Tŷ Tredegar
Camwch yn ôl mewn amser y Pasg hwn yn Nhŷ Tredegar! Ymunwch â Percy a Lulu o’r 1920au ar gyfer Ffair Ardd llawn hwyl gyda gemau traddodiadol fel tafliad cocos a thaflu cylchau. Archwiliwch y plasty lle bu Lulu yn gweithio, a chymerwch ran mewn llwybr Pasg trwy'r gerddi y bu Percy yn eu cynnal. Perffaith ar gyfer picnic teuluol ac antur yn y gwanwyn!
Lle
Gerddi Dyffryn
Ymunwch â hwyl y Pasg yng Ngerddi Dyffryn, lle mae rhywbeth at ddant pob cenhedlaeth! Rhowch gynnig ar y ‘libart wyau’ lliwgar, croce cyw iâr a gêm arbennig ‘sblatio’r ŵy’, ynghyd â ras ŵy a llwy unigryw. Wedi’u gwneud â llaw gan ein gwirfoddolwyr dawnus, mae pob gêm wedi’i saernïo â chariad gan ddefnyddio deunyddiau naturiol ac wedi’u hailgylchu, gan ei wneud yn brofiad un-o-fath, ecogyfeillgar. Cymysgedd perffaith o hwyl y ffair bythol ac atgofion Pasg i’r teulu cyfan
Lle
Dinefwr
Ymunwch â ni am lwybr Pasg cyfeillgar i deuluoedd yn Ninefwr! Archwiliwch y llwybr newydd hygyrch o amgylch y Tŷ Iâ, gan ddarganfod blodau, adar, a rhyfeddodau natur. Mwynhewch orymdaith fywiog a gosodiad celf a grëwyd gyda’r gymuned LHDTC+ leol, gan arddangos bioamrywiaeth a harddwch tirwedd Cymru. Diwrnod llawn hwyl, ysbrydoledig i bob oed!
Lle
Gardd Goedwig Colby
Y Pasg hwn, archwiliwch flodau gwanwyn bywiog Gardd Goetir Colby gyda’n llwybr Pasg sy’n addas i deuluoedd. Mwynhewch harddwch y coetir yn ei flodau tra'n cymryd rhan mewn gweithgareddau hwyliog fel taflu welis a dysgu am blastigau cefnforoedd. Bydd y gweithgareddau hyn yn ysbrydoli pob oed i feddwl yn greadigol am weithredu hinsawdd ac ailddefnyddio, gan ei wneud yn gyfle perffaith i greu atgofion parhaol. Antur fendigedig i bawb dros y gwanwyn!
Pethau eraill o ddiddordeb i chi
Cestyll a chaerau yng Nghymru
Camwch i mewn i gaer ganoloesol â dwnsiynau yn y Waun neu ymwelwch â chartref tywysogion Cymru yng Nghastell Powis. Darganfyddwch rai o gestyll gwychaf ac enwocaf Cymru.
Tai ac adeiladau yng Nghymru
Darganfyddwch blastai Cymreig mawreddog a’u casgliadau, o gartrefi teuluol i adeiladau a ddyluniwyd gan benseiri enwog. Darganfyddwch hanes a hanesion o’r oes a fu mewn lleoliadau trawiadol ledled Cymru.
Gerddi a pharciau yng Nghymru
Ymwelwch â chasgliad arbennig o erddi a pharciau yng Nghymru. O erddi muriog i ystadau cefn gwlad a gerddi coed, mae digon i’w ddarganfod.