A view of the front of the red mansion house — Tŷ Tredegar, Casnewydd | © Aled Llywelyn, National Trust

Tai ac adeiladau yng Nghymru

Darganfyddwch blastai Cymreig mawreddog a’u casgliadau, o gartrefi teuluol i adeiladau a ddyluniwyd gan benseiri enwog. Darganfyddwch hanes a hanesion o’r oes a fu mewn lleoliadau trawiadol ledled Cymru.

Darganfyddwch dai llawn trysorau – mae rhai o gasgliadau gorau’r wlad yng Ngogledd Cymru.

Lle

Y tŷ yn Erddig

Wedi’i achub rhag mynd rhwng y cŵn a’r brain, mae Tŷ Erddig yn oroeswr prin sydd dan ei sang â thrysorau. Dysgwch am fywyd uwchben ac o dan y grisiau mewn cartref sy’n annwyl i lawer, drwy straeon am deulu a’u gweision.

Lle

Y tŷ ym Mhlas Newydd

Darganfyddwch gartref teuluol Marcwis Môn ar lannau Afon Menai, rhyfeddwch at furlun enwog Rex Whistler, a chymerwch olwg ar Goes Môn, coes bren gymalog gynta’r byd.

Blodau coch yn blodeuo yn yr ardd o flaen tŷ carreg Plas yn Rhiw yn yr haf yng Ngwynedd, Cymru.

Lle

Plas yn Rhiw

Plasty hyfryd lle gallwch ddysgu am drigolion y gorffennol, o ddisgynyddion Brenin Powys o’r 9fed ganrif i’r chwiorydd Keating, a adferodd y tŷ ym 1939.

Diwrnod braf a golygfa o hen fwthyn carreg gyda bryniau yn y cefndir a phont garreg isel yn y blaendir.

Lle

Tŷ Mawr Wybrnant

Ymwelwch â’r ffermdy 16eg ganrif hwn, lle ganwyd yr Esgob William Morgan, gŵr hynod a gyfieithodd y Beibl i’r Gymraeg gan sicrhau parhad a ffyniant i’r iaith.

Darganfyddwch enghraifft brin o ystâd fonedd Gymreig hunangynhaliol o’r 18fed ganrif yng Ngheredigion.

The villa at Llanerchaeron surrounded by trees

Lle

Fila John Nash yn Llanerchaeron

Darganfyddwch y fila Sioraidd hon o’r 18fed ganrif yn nyffryn coediog Aeron. Wedi’i dylunio gan John Nash, mae ganddi ei hiard wasanaeth ei hun gyda llaethdy, golchdy, bragdy a thŷ halltu, sy’n cynnig y profiad ‘lan stâr, lawr stâr’ cyflawn.

Ymwelwch â chartrefi teuluoedd mawr Cymru, o blasty hanesyddol Dinefwr i’r urddasol Dŷ Tredegar.

Lle

Tŷ Tredegar

Dyma un o ryfeddodau pensaernïol Cymru ac un o dai pwysicaf Ynysoedd Prydain ar ddiwedd y 17eg ganrif. Dysgwch fwy am y tŷ hwn a’r Cymry a fu’n berchen arno am fwy na 500 mlynedd.

Lle

Tŷ Newton yn Ninefwr

Yn sefyll yn falch wrth galon ystâd Dinefwr, roedd Tŷ Newton yn gartref teuluol am dros 300 mlynedd. Dysgwch am hanes y tŷ a’r ystâd drwy gasgliadau hanesyddol ac arddangosfeydd cyfoes.

Y tu mewn i’r Neuadd yn Nhŷ’r Masnachwr Tuduraidd, Sir Benfro. Mae yna ddau fwrdd pren gyda dysglau a jygiau pren arnynt. Mae un wal wedi’i pheintio gyda murlun o longau.

Lle

Tŷ’r Masnachwr Tuduraidd

Darganfyddwch gartref masnachwr Tuduraidd cyfoethog yn Nhŷ’r Masnachwr Tuduraidd. Cewch flas ar fywyd masnachwr canoloesol poblogaidd yn oes y Tuduriaid yn y lle arbennig hwn.

Camwch yn ôl drwy amser a darganfod yr oes a fu gydag ymweliad â chloddfa aur, pont neu ganolfan ymwelwyr arforol.

Cadwyni gwynion Pont Grog Conwy gyda’r tyrrau yn y cefndir

Lle

Pont Grog Conwy

Cerddwch dros y bont enwog hon, a oedd yn borth i Gonwy ers talwm, a darganfod sut yr oedd gŵr a gwraig yn cadw pont Thomas Telford ar agor bob diwrnod o’r flwyddyn, boed law neu hindda.

Visitors walking through a passage of the UK's only known Roman Gold Mine.

Lle

Mwyngloddiau Aur Dolaucothi

Dewch am flas ar amodau gwaith tanddaearol y Rhufeiniaid, y Fictoriaid a’r 1930au mewn mwyngloddiau aur a gloddiwyd dros 2,000 o flynyddoedd yn ôl.

Porth y Swnt, Aberdaron, Gwynedd. Plant yn ‘Y Golau’

Lle

Porth y Swnt

Yn swatio yng nghanol Aberdaron, mae Porth y Swnt yn ganolfan ymwelwyr unigryw. Mae'n cynnig cyflwyniad i hanes a diwylliant Llŷn trwy sain, fideo, cerfluniau a gwaith celf.

The falls at Aberdulais Tin Works, Neath Port Talbot, South Wales

Lle

Aberdulais

Archwiliwch un o safleoedd diwydiannol cynharaf Prydain, a redir mewn partneriaeth â St Giles Trust Cymru, a rhyfeddu at y rhaeadr arbennig a oedd yn gyrru’r holl safle.

Dysgwch fwy

Clawr llyfr 60 o Adeiladau Rhyfeddol yr Ymddiriedolaeth Genedlaethol

Adeiladau rhyfeddol yng Nghymru

Mae pum adeilad Cymreig rhyfeddol yn cael sylw yn y llyfr darluniadol hardd, '60 o Adeiladau Rhyfeddol yr Ymddiriedolaeth Genedlaethol', a ysgrifennwyd gan un o’r curaduron arbenigol. Prynwch y llyfr i ddysgu mwy am Treleddyd Fawr, Castell Powis, Tŷ Tredegar, Pont Grog Conwy, a Chastell Penrhyn yn ogystal ag adeiladau cyfareddol eraill ledled Lloegr a Gogledd Iwerddon.

Dyfrlliw o Edward Herbert, yr Arglwydd Herbert 1af o Cherbury (1581/3-1648), gan Isaac Oliver, yn dangos dyn mewn dwbled a tharian yn gorffwys ger nant mewn coetir wedi ei amgylchynu gan goed gyda’i weision a’i geffyl yn y cefndir

Erthygl

Casgliadau yng Nghymru

Darganfyddwch gasgliadau cyfoethog ac amrywiol ym mhob cwr o Gymru, o gerfluniau, tapestrïau a phaentiadau i drysorau teuluol a beibl o’r 16eg ganrif a achubodd yr iaith Gymraeg.