![Golygfa ar draws parcdir glaswelltog ar Stad Parc Cleidda, lle mae nifer o ddefaid duon yn pori. Gellir gweld y tŷ yn y cefndir, wedi’i guddio’n rhannol gan goed aeddfed.](http://nt.global.ssl.fastly.net/binaries/content/gallery/website/national/regions/wales/places/sugar-loaf-skirrid-and-usk-valley/library/built-heritage-history-and-collections/view-of-house-clytha-park-estate-sugar-loaf-and-usk-valley-wales-17781.jpg?auto=webp&width=767&crop=16:9&dpr=2 2x)
Cylchdaith fer Cleidda yn Nyffryn Wysg
Darganfyddwch ystâd oesol yn Sir Fynwy a mwynhau golygfeydd ysgubol o Ben-y-fâl a Dyffryn Wysg ar y gylchdaith hon. Mae’n lle llawn hanes ac yn fwrlwm o fywyd gwyllt.
Gwlyb dan draed
Gall rhai ardaloedd fynd yn fwdlyd mewn tywydd gwlyb. Gwisgwch sgidiau addas.
Cyfanswm y camau: 5
Cyfanswm y camau: 5
Man cychwyn
Maes parcio glan afon Cleidda SO361085
Cam 1
O’r maes parcio, ewch drwy’r gât i’r dde o’r panel dehongli ac ymlaen am 220 llath (200m). Dilynwch y llwybr rownd i’r dde ac ar hyd glannau Afon Wysg. Ar ôl tua 660 llath (600m), ewch drwy’r ail gât ar y dde (lle mae gwrthbwys carreg) ac ewch i fyny’r bryn yn raddol ac o gwmpas ymyl y cae at y wiced (gât fechan) fetel sy’n arwain at y ffordd.
Cam 2
Dilynwch yr arwyddion drwy Goed Twyn y Cregan, gan ddilyn Nant Clawdd, cyn pasio’n agos at yr A40 a dringo at ymyl y coed. Cyn troi i’r chwith, mwynhewch y golygfeydd ar draws Parc Cleidda i Gastell Cleidda. Mae’r llwybr nawr yn dilyn trac ar hyd ymyl y coed, gyda pharcdir i’r dde ohonoch. Ar ôl 440 llath (400m) fe ddewch at drac arall. Trowch i’r chwith (cofiwch nad oes Hawl Tramwy Cyhoeddus drwy fuarth y fferm), ac yna i’r dde ar unwaith a dilyn llwybr sy’n ymdroelli drwy’r coed. Mae’r llwybr yn dod allan y tu ôl i glawdd wrth ymyl trac. Lle mae’r clawdd yn gorffen, croeswch y trac yn lletraws, i’r chwith at gât mochyn sy’n arwain at gae ger coeden dderwen fawr. Os gwelwch chi eich bod wrth gefn Chapel Farm, bydd angen i chi droi rownd a dod o hyd i’r gât mochyn ar y dde.
Cam 3
Gan gadw’r dderwen i’r chwith ohonoch, dilynwch y llwybr ar draws y cae at gamfa. Wrth i chi groesi’r cae, fe welwch nifer o gerrig ar y chwith. Dyma adfeilion Capel Aeddan a sefydlwyd ym 1188 gan Aeddan ap Gwaithfoed. Ar ôl croesi’r gamfa gyntaf daliwch ati i ddilyn yr arwyddion drwy sawl cae a gât. Yn y pen draw, fe ddewch at farchgae (neu badog). Cerddwch i gornel dde uchaf y cae hwn ac ewch dros y gamfa. Dilynwch darn byr o drac at gât fetel ger y ffordd. I’r chwith ohonoch mae’r rhodfa sy’n arwain at dafarn y Clytha Arms. Croeswch y ffordd yn ofalus iawn at risiau carreg serth sy’n dringo i dop bancyn lle mae’r daith yn parhau.
Cam 4
Ar ôl mynd drwy’r gât ar frig y grisiau, cadwch i’r dde wrth ymyl y caeau a pharhewch i ddilyn yr arwyddion dros gwpl o gamfeydd ac i’r dde drwy’r gât yn ôl i Barc Cleidda ar ben bryn bach. Dilynwch linell y pisgwydd yn lletraws i lawr at drac concrit. Roedd y coed hyn yn rhan o rodfa’n arwain at Gastell Cleidda o Dŷ Cleidda ers talwm. Pan gyrhaeddwch y trac, trowch i’r chwith, gan ddilyn y trac i fyny’r llethr a chadw i’r dde lle mae’r llwybr yn gwahanu, gan gerdded tuag at y castell. Ewch drwy gât fetel, ar draws y trac, ac i mewn i Goed y Castell. Mae’r trac yn eich tywys i fyny at Gastell Cleidda. Byddwch yn ystyrlon o unrhyw un sy’n aros yn y castell, os gwelwch yn dda.
Cam 5
Dilynwch yr arwyddion pren sy’n eich cyfeirio ar hyd y trac sy’n arwain lawr rhiw y tu ôl i’r Castell. Ewch drwy’r gât bren ar ymyl Coed y Castell ac yn ôl i’r parcdir. Mae’r llwybr yn dilyn trac glaswelltog i lawr llethr ar hyd cefnen bancyn serth lle mae ‘na goed gwasgaredig. Lle mae’r coed yn dod i ben, trowch i’r chwith, ‘nôl o dan y bancyn, gyda’r parcdir i’r dde ohonoch. Ar ôl 220 llath (200m) ewch i’r dde ac i lawr y llethr nes i chi gyrraedd gât fetel fechan ger y ffordd. Ewch drwy’r gât, trowch i’r chwith ar unwaith a cherddwch ar hyd y ffordd am 50m ac yna trowch i’r dde yn ôl i’r maes parcio lle dechreuoch chi eich taith.
Man gorffen
Maes parcio glan afon Cleidda SO361085
Map llwybr
![Map o gylchdaith fer Cleidda yn Nyffryn Wysg, Cymru](http://nt.global.ssl.fastly.net/binaries/content/gallery/website/national/regions/wales/places/sugar-loaf-skirrid-and-usk-valley/library/map-clytha-short-walk-sugar-loaf-usk-valley-wales.jpg?auto=webp&width=767&dpr=2 2x)
Mwy yn agos i’r man hwn
![Golygfa o gopa Ysgyryd Fawr yn Sir Fynwy, Cymru](http://nt.global.ssl.fastly.net/binaries/content/gallery/website/national/regions/wales/places/sugar-loaf-skirrid-and-usk-valley/library/the-skirrid-summit-monmouthshire-wales-1456953.jpg?auto=webp&width=505&crop=16:9&dpr=2 2x)
Llwybr Ysgyryd Fawr ym Mynydd Pen-y-fâl a Dyffryn Wysg
Heriwch fynydd o chwedlau ar y llwybr heriol hwn a fydd yn eich tywys i gopa Ysgyryd Fawr.
Taith Glyn Tarell Uchaf
Mae’r daith gerdded 5 milltir hon ar hyd trac o’r 18fed ganrif yn drysorfa o hanes. Mwynhewch fywyd gwyllt a golygfeydd o Warchodfa Natur Genedlaethol Craig Cerrig-Gleisiad ym Mannau Brycheiniog.
![Tŷ gwyn o dan goed yr hydref gyda goleuni hydrefol yn goleuo’r olygfa gyda bryniau tu draw](http://nt.global.ssl.fastly.net/binaries/content/gallery/website/national/regions/wales/places/the-kymin/library/autumn/door-the-kymin-monmouthshire-autumn-1526218.jpg?auto=webp&width=505&crop=16:9&dpr=2 2x)
Llwybr Darganfod y Cymin
Mwynhewch olygfeydd godidog dros Gymru a Lloegr, yn ogystal â dau adeilad Sioraidd, wrth i chi gerdded yn ôl traed yr Arglwydd Nelson a’r Fonesig Hamilton ar y daith gerdded hawdd hon.
![Bryniau gwyrdd ag afon yn llifo drwyddynt ac awyr las yn Nyffryn Wysg, Sir Fynwy.](http://nt.global.ssl.fastly.net/binaries/content/gallery/website/national/regions/wales/places/bannau-brycheiniog-brecon-beacons/library/usk-valley-sugarloaf-walk-1210292.jpg?auto=webp&width=505&crop=16:9&dpr=2 2x)
Llwybr Cleidda a Choed y Bwnydd
Llwybr 7.5 milltir ar hyd glannau Afon Wysg sy’n ymweld â bryngaer Coed y Bwnydd a Chastell Cleidda, ffoledd o’r 18fed ganrif.
Cysylltwch
Ein partneriaid
![Cotswold Outdoor](http://nt.global.ssl.fastly.net/binaries/content/gallery/website/national/partners/cotswold-outdoor-logo.jpg?auto=webp&width=156&crop=1:1&dpr=2 2x)
Rydym wedi ymrwymo i bartneriaeth â Cotswold Outdoor i helpu pawb i wneud y gorau o'u hamser yn yr awyr agored yn y llefydd rydym yn gofalu amdanynt.
Pethau eraill o ddiddordeb i chi
![Dwy ferch yn cerdded ar lwybr trwy'r goedwig yn Stad Southwood, Sir Benfro yng Nghymru](http://nt.global.ssl.fastly.net/binaries/content/gallery/website/national/regions/wales/places/southwood-estate/library/visitors-walking-southwood-estate-pembrokeshire-wales-1386592.jpg?auto=webp&width=505&crop=16:9&dpr=2 2x)
Cerdded yng Nghymru
Darganfyddwch dirweddau agored ysgubol, llwybrau arfordirol mwy hamddenol neu heiciau egnïol heriol. Rydym wedi creu rhestr o rai o’r llefydd gorau i gerdded yng Nghymru.
![Golygfa ar draws parcdir glaswelltog ar Stad Parc Cleidda, lle mae nifer o ddefaid duon yn pori. Gellir gweld y tŷ yn y cefndir, wedi’i guddio’n rhannol gan goed aeddfed.](http://nt.global.ssl.fastly.net/binaries/content/gallery/website/national/regions/wales/places/sugar-loaf-skirrid-and-usk-valley/library/built-heritage-history-and-collections/view-of-house-clytha-park-estate-sugar-loaf-and-usk-valley-wales-17781.jpg?auto=webp&width=505&crop=16:9&dpr=2 2x)
Ymwelwch â Stad Cleidda
Mae llwybrau cerdded yn cris-croesi’r ystâd ac yn ymestyn ar hyd glannau Afon Wysg, ac mae yma berffeithrwydd pensaernïol i’ch rhyfeddu hefyd yn Nhŷ Cleidda a Chastell Cleidda.
![Llethrau serth Ysgyryd Fawr gyda cherddwr yn y pellter yn cerdded ar hyd y llwybr troed](http://nt.global.ssl.fastly.net/binaries/content/gallery/website/national/regions/wales/places/sugar-loaf-skirrid-and-usk-valley/library/autumn/the-skirrid-monmouthshire-wales-1456873.jpg?auto=webp&width=505&crop=16:9&dpr=2 2x)
Hanes a chwedlau Ysgyryd Fawr
Dysgwch am chwedlau a mythau Ysgyryd Fawr a’r cyffiniau, gan gynnwys sut cafodd y Mynydd Sanctaidd ei enw a sut ffurfiwyd y mynydd gan gawr.
![A group of people in a hiking group are being guided on a hike by rangers at Marsden Moor, West Yorkshire](http://nt.global.ssl.fastly.net/binaries/content/gallery/website/national/library/our-cause/communities/hiking-group-on-a-guided-hike-led-by-rangers-at-marsden-moor-west-yorkshire-1618381.jpg?auto=webp&width=505&crop=16:9&dpr=2 2x)
Cotswold Outdoor: Ein partner cerdded
Dysgwch fwy am bartneriaeth barhaus yr Ymddiriedolaeth Genedlaethol gyda Cotswold Outdoor fel ein partner cerdded.
![A group of hikers exploring a hilly landscape on a sunny winter's day.](http://nt.global.ssl.fastly.net/binaries/content/gallery/website/national/regions/peak-district-derbyshire/places/ilam-park-dovedale-and-the-white-peak/library/1620830-muslim-hikers---ramadan-hike-at-ilam-park-dovedale-and-the-white-peak-derbyshire.jpg?auto=webp&width=505&crop=16:9&dpr=2 2x)
Cerdded
Dewch i archwilio rhai o dirweddau harddaf y genedl ar lwybrau unig, traciau rhwydd a theithiau hygyrch. (Saesneg yn unig)
![An aerial view of an adult and baby walking a dog along a path at Baggy Point, Devon](http://nt.global.ssl.fastly.net/binaries/content/gallery/website/national/regions/devon/places/baggy-point/library/autumn/adult-child-dog-walking-cliff-baggy-point-devon-1204387.jpg?auto=webp&width=505&crop=16:9&dpr=2 2x)
Cadw’n ddiogel yn lleoliadau’r Ymddiriedolaeth Genedlaethol
Mae ambell risg yn dod law yn llaw ag ymweld â’r llefydd arbennig y mae’r Ymddiriedolaeth Genedlaethol yn gofalu amdanynt, boed ar yr arfordir neu yng nghefn gwlad. Dysgwch sut i gadw’n ddiogel drwy gydol eich ymweliad.
![Ymwelydd yn cario sach gefn ac yn cerdded ar hyd llwybr troed yn Divis a’r Mynydd Du gyda waliau carreg i’r naill ochr, y cefn gwlad i’w weld yn y cefndir.](http://nt.global.ssl.fastly.net/binaries/content/gallery/website/national/regions/northern-ireland/places/divis-and-the-black-mountain/library/people-walk-divis-black-mountain-1416521.jpg?auto=webp&width=505&crop=16:9&dpr=2 2x)
Dilynwch y cod cefn gwlad
Helpwch ni i ofalu am leoliadau’r Ymddiriedolaeth Genedlaethol drwy gadw at rai canllawiau syml yn ystod eich ymweliad a dilyn y Cod Cefn Gwlad.