![Golygfa o bentref Ysbyty Ifan, Gwynedd, ar lan Afon Conwy. Gwelir casgliad o dai Cymreig carreg a phont fwa dros yr afon yn y blaendir.](http://nt.global.ssl.fastly.net/binaries/content/gallery/website/national/regions/wales/places/ysbyty-ifan/library/ysbyty-ifan-river-conwy-wybrnant-valley-gwynedd-112558.jpg?auto=webp&width=767&crop=16:9&dpr=2 2x)
Taith Ysbyty Ifan a Chwm Eidda
Ewch i fyny i’r bryniau ar hen ffordd porthmyn i brofi’r golygfeydd o Ddyffryn Conwy a mynyddoedd y Carneddau.
Cyfanswm y camau: 10
Cyfanswm y camau: 10
Man cychwyn
Maes parcio Ysbyty Ifan, cyfeirnod grid: SH842488
Cam 1
Ewch allan o’r maes parcio i’r ffordd, trowch i’r chwith ac yna i’r dde bron yn syth wedyn ar y lôn rhwng yr elusendai a’r coed tal. Ewch yn eich blaen ar hyd y lôn yma, trwy’r giatiau, nes cyrhaeddwch chi ffordd darmac.
Cam 2
Trowch i’r dde a dilyn y ffordd hyd gopa’r bryn. Os yw’r tywydd yn glir fe gewch chi olygfeydd rhyfeddol oddi yma i lawr Dyffryn Conwy ac ar draws at Foel Siabod a’r Carneddau.
Cam 3
Dilynwch y ffordd darmac, gan anwybyddu’r ffordd sy’n troi i lawr i’r dde, a mynd ymlaen o gwmpas y bryn i’r chwith. Ewch trwy giât ar draws y ffordd, croeswch bont garreg fawr a mynd ymlaen yn syth lle mae’r tarmac yn newid i fod yn ffordd garegog.
Cam 4
Croeswch y bont nesaf (Pont Rhyd-yr-Halen) a dilyn y ffordd i fyny’r bryn nes cyrhaeddwch chi giât. Croeswch y gamfa ger y giât a cherdded i ben y bryncyn bach i gael golygfa o fynyddoedd Eryri.
Cam 5
Ewch yn ôl i’r ffordd. Gan gadw’r ffens ar eich ochr chwith, trowch ar draws y rhostir. Ewch ymlaen nes cyrhaeddwch chi dro clir i’r chwith yn y ffens, yna dilynwch yr arwyddion ar i lawr, gan gadw ychydig i’r dde tuag at wal gerrig a giât sydd yn y pellter. Cerddwch ar hyd y ffordd sy’n gyfochrog â’r wal yma ac ewch trwy’r giât yn y pen pellaf. Dilynwch y trac garw i lawr y bryn nes byddwch chi’n mynd i lawr yn serth tua fferm Eidda Fawr. Ychydig cyn i chi gyrraedd y beudy ar y chwith, trowch i’r dde a mynd o gwmpas y domen dail i gyrraedd y gamfa.
Cam 6
Ewch dros y gamfa a chroesi’r ffordd, gan ddilyn yr arwyddion trwy’r sied, ac i lawr ochr chwith y cae dan y ffordd. Croeswch y nant ar y gwaelod ac anelu am y gornel dde bellaf yn y cae nesaf.
Cam 7
Croeswch bompren ac yna anelwch am gornel uchaf dde'r cae. Ewch trwy’r giât ac anelu am y gamfa yn nhop y cae, gan gadw’r nant ar yr ochr dde i chi. Dringwch dros y gamfa a throi i’r chwith, trwy’r giât i ffordd arw. Dilynwch hon nes dewch chi i ffordd darmac yn rhan uchaf y buarth. Dilynwch y ffordd hon i’r chwith, trwy giât a heibio’r fferm nesaf. Cerddwch i fyny’r bryn nes gwelwch chi bont fechan. Cyn i chi gyrraedd y bont, ewch trwy’r giât sy’n eich wynebu wrth i chi gerdded i fyny’r bryn. Dilynwch y ffordd hon.
Cam 8
Croeswch y nant fechan ar y chwith a mynd yn eich blaen, gan ddilyn trac brwynog aneglur ac yna bancyn pridd.
Cam 9
Dilynwch yr arwydd sy’n pwyntio ar draws ffordd ar ben y bryn yn ôl tuag at Ysbyty Ifan. Mae’r llwybr yn dilyn ochr chwith Coed y Fron, coetir collddail cymysg. Yn y gwanwyn bydd y ddaear dan orchudd o glychau’r gog, briallu a blodau’r gwynt.
Cam 10
Pan fydd y llwybr yn cyrraedd y ffordd, trowch i’r dde a cherdded yn ôl i’r pentref.
Man gorffen
Maes parcio Ysbyty Ifan, cyfeirnod grid: SH842488
Map llwybr
![Map taith Ysbyty Ifan a Chwm Eidda](http://nt.global.ssl.fastly.net/binaries/content/gallery/website/national/regions/wales/places/ysbyty-ifan/library/ysbyty-ifan-and-cwm-eidda-walk-trail-map.jpg?auto=webp&width=767&dpr=2 2x)
Mwy yn agos i’r man hwn
![Golygfa dros y dyffryn o Dŷ Mawr Wybrnant ar ddiwrnod braf](http://nt.global.ssl.fastly.net/binaries/content/gallery/website/national/regions/wales/places/ty-mawr-wybrnant/library/valley-from-ty-mawr-wybrnant-conwy-wales-692154.jpg?auto=webp&width=505&crop=16:9&dpr=2 2x)
Taith Ty’n y Coed Uchaf a Chwm Eidda
Mwynhewch daith gerdded 5 milltir trwy hanes ucheldir Cymru, heibio afonydd, trwy dir amaethyddol a golygfeydd tua’r Wyddfa.
![Diwrnod braf a golygfa o hen fwthyn carreg gyda bryniau yn y cefndir a phont garreg isel yn y blaendir.](http://nt.global.ssl.fastly.net/binaries/content/gallery/website/national/regions/wales/places/ty-mawr-wybrnant/library/farmhouse-ty-mawr-wybrnant-conwy-wales-692157.jpg?auto=webp&width=505&crop=16:9&dpr=2 2x)
Taith Tŷ Mawr Wybrnant a Chwm Wybrnant
Taith gylchol hawdd trwy dir fferm ucheldir sy’n llawn o gynefinoedd bywyd gwyllt, ac yn mynd heibio adeiladau o bwys hanesyddol yng Nghonwy.
Cysylltwch
Ein partneriaid
![Cotswold Outdoor](http://nt.global.ssl.fastly.net/binaries/content/gallery/website/national/partners/cotswold-outdoor-logo.jpg?auto=webp&width=156&crop=1:1&dpr=2 2x)
Rydym wedi ymrwymo i bartneriaeth â Cotswold Outdoor i helpu pawb i wneud y gorau o'u hamser yn yr awyr agored yn y llefydd rydym yn gofalu amdanynt.
Pethau eraill o ddiddordeb i chi
![Dwy ferch yn cerdded ar lwybr trwy'r goedwig yn Stad Southwood, Sir Benfro yng Nghymru](http://nt.global.ssl.fastly.net/binaries/content/gallery/website/national/regions/wales/places/southwood-estate/library/visitors-walking-southwood-estate-pembrokeshire-wales-1386592.jpg?auto=webp&width=505&crop=16:9&dpr=2 2x)
Cerdded yng Nghymru
Darganfyddwch dirweddau agored ysgubol, llwybrau arfordirol mwy hamddenol neu heiciau egnïol heriol. Rydym wedi creu rhestr o rai o’r llefydd gorau i gerdded yng Nghymru.
![A group of people in a hiking group are being guided on a hike by rangers at Marsden Moor, West Yorkshire](http://nt.global.ssl.fastly.net/binaries/content/gallery/website/national/library/our-cause/communities/hiking-group-on-a-guided-hike-led-by-rangers-at-marsden-moor-west-yorkshire-1618381.jpg?auto=webp&width=505&crop=16:9&dpr=2 2x)
Cotswold Outdoor: Ein partner cerdded
Dysgwch fwy am bartneriaeth barhaus yr Ymddiriedolaeth Genedlaethol gyda Cotswold Outdoor fel ein partner cerdded.
![An aerial view of an adult and baby walking a dog along a path at Baggy Point, Devon](http://nt.global.ssl.fastly.net/binaries/content/gallery/website/national/regions/devon/places/baggy-point/library/autumn/adult-child-dog-walking-cliff-baggy-point-devon-1204387.jpg?auto=webp&width=505&crop=16:9&dpr=2 2x)
Cadw’n ddiogel yn lleoliadau’r Ymddiriedolaeth Genedlaethol
Mae ambell risg yn dod law yn llaw ag ymweld â’r llefydd arbennig y mae’r Ymddiriedolaeth Genedlaethol yn gofalu amdanynt, boed ar yr arfordir neu yng nghefn gwlad. Dysgwch sut i gadw’n ddiogel drwy gydol eich ymweliad.
![Ymwelydd yn cario sach gefn ac yn cerdded ar hyd llwybr troed yn Divis a’r Mynydd Du gyda waliau carreg i’r naill ochr, y cefn gwlad i’w weld yn y cefndir.](http://nt.global.ssl.fastly.net/binaries/content/gallery/website/national/regions/northern-ireland/places/divis-and-the-black-mountain/library/people-walk-divis-black-mountain-1416521.jpg?auto=webp&width=505&crop=16:9&dpr=2 2x)
Dilynwch y cod cefn gwlad
Helpwch ni i ofalu am leoliadau’r Ymddiriedolaeth Genedlaethol drwy gadw at rai canllawiau syml yn ystod eich ymweliad a dilyn y Cod Cefn Gwlad.
![A group of hikers exploring a hilly landscape on a sunny winter's day.](http://nt.global.ssl.fastly.net/binaries/content/gallery/website/national/regions/peak-district-derbyshire/places/ilam-park-dovedale-and-the-white-peak/library/1620830-muslim-hikers---ramadan-hike-at-ilam-park-dovedale-and-the-white-peak-derbyshire.jpg?auto=webp&width=505&crop=16:9&dpr=2 2x)
Cerdded
Dewch i archwilio rhai o dirweddau harddaf y genedl ar lwybrau unig, traciau rhwydd a theithiau hygyrch. (Saesneg yn unig)