![Golygfa ar draws y dyffryn o Ben y Fan, Bannau Brycheiniog, Cymru](http://nt.global.ssl.fastly.net/binaries/content/gallery/website/national/regions/wales/places/bannau-brycheiniog-brecon-beacons/library/cribyn-brecon-beacons-powys-48980.jpg?auto=webp&width=767&crop=16:9&dpr=2 2x)
Llwybr cylchol crib bedol Bannau Brycheiniog
Rhowch gynnig ar y llwybr ucheldirol cylchol heriol hwn gyda’r Ymddiriedolaeth Genedlaethol yng nghalon Bannau Brycheiniog, Cymru. Mwynhewch olygfeydd godidog tua Phen y Fan ac i Gwm Sere. Cadwch olwg am garnedd gladdu o’r Oes Efydd a thystiolaeth o feysydd tanio milwrol.
Paratowch am dywydd newidiol
Mae map a chwmpawd, dillad gwrth-ddŵr, chwiban a thortsh i gyd yn hanfodol ar gyfer y llwybr hwn, gan fod y tywydd yn newidiol iawn yn y mynyddoedd hyn.
Cyfanswm y camau: 9
Cyfanswm y camau: 9
Man cychwyn
Maes parcio Taf Fechan, cyfeirnod grid: SO038169
Cam 1
Gan ddechrau o faes parcio’r Comisiwn Coedwigaeth (cyf. grid SO038169), cerddwch ar hyd y ffordd i’r hen dŷ pwmpio yng Nghronfa Neuadd Isaf (cyf. grid SO033180). Cerddwch ar hyd ochr chwith y gronfa, drwy gât, a dilynwch ddisgynfa serth i grib Graig Fan Ddu.
Cam 2
Ar ôl i chi ddal eich gwynt, trowch i’r dde a dilynwch y grib tuag at Gorn Du. Wrth i chi gerdded tua’r gogledd ar hyd y grib, mae Cribyn, Pen y Fan a Chorn Du i gyd yn dod i’r golwg.
Cam 3
Wrth i chi nesáu at Gorn Du ym Mwlch Duwynt, mae’r llwybr yn arwain i’r dde am Ben y Fan (tra bod y llwybr i’r chwith yn mynd am y Storey Arms. Bydd y llwybr sy’n mynd syth ‘mlaen yn mynd â chi dros ail gopa uchaf y Bannau (873m)). Cerddwch at y garnedd gladdu o’r Oes Efydd.
Cam 4
Gan barhau ar grib Corn Du, disgynnwch i gyfrwy’r mynydd ac yna i fyny i Ben y Fan. Ar y chwith mae Cwm Llwch a Llyn Cwm Llwch.
Cam 5
Ar gopa Pen y Fan, rydych chi’n sefyll ar y pwynt uchaf yn ne gwledydd Prydain. Mae’n hawdd gweld pam mae’r lle hwn mor boblogaidd gyda cherddwyr.
![Golygfa’n edrych dros y bryniau at gopa gwyn Pen y Fan ym Mharc Cenedlaethol Bannau Brycheiniog, Cymru, gydag awyr las a bandyn isel o gymylau yn y cefndir.](http://nt.global.ssl.fastly.net/binaries/content/gallery/website/national/regions/wales/places/bannau-brycheiniog-brecon-beacons/library/winter/pen-y-fan-from-a40-brecon-beacons-national-park-wales-1214103.jpg?auto=webp&width=684&dpr=2 2x)
Cam 6
O Ben y Fan, mae ‘na ddisgynfa serth o’r copa tan i chi gyrraedd llwybr pygfaen sy’n mynd â chi i lawr Craig Cwm Sere ac i fyny’r ddringfa serth i gopa Cribyn.
Cam 7
Wrth y garnedd ar fynydd Cribyn, trowch i’r dde a dilynwch y grib ar hyd cefn Cribyn. Mae rhai darnau o’r llwybr hwn braidd yn gorsiog, lle mae’r mawn wedi’i amlygu a dechrau erydu. Mae hyn yn amlwg mewn nifer o lefydd o gwmpas y Bannau.
Cam 8
Ewch i lawr y rhiw tan i chi gyrraedd Ffordd y Bwlch. Hwn oedd y llwybr cyntaf a alluogodd gerbydau a dynnwyd gan geffyl i groesi’r mynyddoedd. Ffordd Rufeinig ydyw, yn ôl y sôn, er nad oes unrhyw dystiolaeth archeolegol wedi’i darganfod eto.
Cam 9
Trowch i’r dde i Ffordd y Bwlch a dilynwch y llwybr hwn yr holl ffordd yn ôl i fyny i’r maes parcio, a’ch man cychwyn.
Man gorffen
Maes parcio Taf Fechan, cyfeirnod grid: SO038169
Map llwybr
![Map llwybr crib bedol Bannau Brycheiniog](http://nt.global.ssl.fastly.net/binaries/content/gallery/website/national/regions/wales/places/bannau-brycheiniog-brecon-beacons/library/map-brecon-beacons-horseshoe-ridge-walk.jpg?auto=webp&width=767&dpr=2 2x)
Mwy yn agos i’r man hwn
![Golygfa o lethrau Corn Du ym Mannau Brycheiniog yn dangos y llethr serth ac erydiad llwybr troed](http://nt.global.ssl.fastly.net/binaries/content/gallery/website/national/regions/wales/places/bannau-brycheiniog-brecon-beacons/library/pen-y-fan-corn-du-footpath-brecon-beacons-wales-179754.jpg?auto=webp&width=505&crop=16:9&dpr=2 2x)
Taith gerdded gylchol Pen y Fan a Chorn Du
Dilynwch y llwybr mynyddig cylchol, heriol hwn ar hyd llwybrau cadarn i gopa Pen y Fan a Chorn Du ym Mannau Brycheiniog.
![Ymwelydd yn tynnu llun o raeadr gyda’i ffôn tra’n sefyll ar glogwyn bach uwchben pwll o ddŵr yn Rhaeadr Henryd ym Mannau Brycheiniog, Cymru](http://nt.global.ssl.fastly.net/binaries/content/gallery/website/national/regions/wales/places/bannau-brycheiniog-brecon-beacons/library/visitor-at-henrhyd-falls-wales-1627230.jpg?auto=webp&width=505&crop=16:9&dpr=2 2x)
Taith gerdded Rhaeadr Henrhyd a Nant Llech
Darganfyddwch Geunant Graig Llech a chwm heddychlon Nant Llech ar y daith anturus hon ym Mannau Brycheiniog i weld y rhaeadr uchaf yn Ne Cymru.
Taith Glyn Tarell Uchaf
Mae’r daith gerdded 5 milltir hon ar hyd trac o’r 18fed ganrif yn drysorfa o hanes. Mwynhewch fywyd gwyllt a golygfeydd o Warchodfa Natur Genedlaethol Craig Cerrig-Gleisiad ym Mannau Brycheiniog.
Cysylltwch
Pont ar Daf car park (access to Pen y Fan), Near Storey Arms, Libanus, Powys, LD3 8NL
Ein partneriaid
![Cotswold Outdoor](http://nt.global.ssl.fastly.net/binaries/content/gallery/website/national/partners/cotswold-outdoor-logo.jpg?auto=webp&width=156&crop=1:1&dpr=2 2x)
Rydym wedi ymrwymo i bartneriaeth â Cotswold Outdoor i helpu pawb i wneud y gorau o'u hamser yn yr awyr agored yn y llefydd rydym yn gofalu amdanynt.
Pethau eraill o ddiddordeb i chi
![Dwy ferch yn cerdded ar lwybr trwy'r goedwig yn Stad Southwood, Sir Benfro yng Nghymru](http://nt.global.ssl.fastly.net/binaries/content/gallery/website/national/regions/wales/places/southwood-estate/library/visitors-walking-southwood-estate-pembrokeshire-wales-1386592.jpg?auto=webp&width=505&crop=16:9&dpr=2 2x)
Cerdded yng Nghymru
Darganfyddwch dirweddau agored ysgubol, llwybrau arfordirol mwy hamddenol neu heiciau egnïol heriol. Rydym wedi creu rhestr o rai o’r llefydd gorau i gerdded yng Nghymru.
![Llun tirlun yn edrych ar draws copaon gwyrddion Parc Cenedlaethol Bannau Brycheiniog, Powys.](http://nt.global.ssl.fastly.net/binaries/content/gallery/website/national/regions/wales/places/bannau-brycheiniog-brecon-beacons/library/brecon-beacons-national-park-powys-179714.jpg?auto=webp&width=505&crop=16:9&dpr=2 2x)
Crwydro Pen y Fan a Chorn Du
Anelwch am yr entrychion wrth i chi ddringo Pen y Fan a Chorn Du, y ddau gopa uchaf yn ne Prydain. Mae ffurf y grib yn un o’r golygfeydd mwyaf adnabyddus yn y DU. Darganfyddwch lwybrau cerdded a golygfeydd gwyllt godidog yng nghrombil anghysbell Bannau Brycheiniog.
![Dyfroedd Rhaeadr Henrhyd, Powys, yn tasgu i lawr wyneb y graig i’r pwll oddi tano. Mae canghennau mawr yn y blaendir.](http://nt.global.ssl.fastly.net/binaries/content/gallery/website/national/regions/wales/places/bannau-brycheiniog-brecon-beacons/library/henrhyd-falls-powys-wales-771645.jpg?auto=webp&width=505&crop=16:9&dpr=2 2x)
Ymweld â Rhaeadr Henrhyd a Choedwig Graig Llech
Darganfyddwch Raeadr Henrhyd a gwyliwch y dŵr yn plymio i geunant coediog Nant Llech. Mae Coedwig Graig Llech yn hafan i fwsogl a chen. Mae’r llecyn gwyrdd naturiol hwn yn boblogaidd gyda gwylwyr adar hefyd oherwydd ei amrywiaeth eang o adar y coed.
![A group of people in a hiking group are being guided on a hike by rangers at Marsden Moor, West Yorkshire](http://nt.global.ssl.fastly.net/binaries/content/gallery/website/national/library/our-cause/communities/hiking-group-on-a-guided-hike-led-by-rangers-at-marsden-moor-west-yorkshire-1618381.jpg?auto=webp&width=505&crop=16:9&dpr=2 2x)
Cotswold Outdoor: Ein partner cerdded
Dysgwch fwy am bartneriaeth barhaus yr Ymddiriedolaeth Genedlaethol gyda Cotswold Outdoor fel ein partner cerdded.
![An aerial view of an adult and baby walking a dog along a path at Baggy Point, Devon](http://nt.global.ssl.fastly.net/binaries/content/gallery/website/national/regions/devon/places/baggy-point/library/autumn/adult-child-dog-walking-cliff-baggy-point-devon-1204387.jpg?auto=webp&width=505&crop=16:9&dpr=2 2x)
Cadw’n ddiogel yn lleoliadau’r Ymddiriedolaeth Genedlaethol
Mae ambell risg yn dod law yn llaw ag ymweld â’r llefydd arbennig y mae’r Ymddiriedolaeth Genedlaethol yn gofalu amdanynt, boed ar yr arfordir neu yng nghefn gwlad. Dysgwch sut i gadw’n ddiogel drwy gydol eich ymweliad.
![Ymwelydd yn cario sach gefn ac yn cerdded ar hyd llwybr troed yn Divis a’r Mynydd Du gyda waliau carreg i’r naill ochr, y cefn gwlad i’w weld yn y cefndir.](http://nt.global.ssl.fastly.net/binaries/content/gallery/website/national/regions/northern-ireland/places/divis-and-the-black-mountain/library/people-walk-divis-black-mountain-1416521.jpg?auto=webp&width=505&crop=16:9&dpr=2 2x)
Dilynwch y cod cefn gwlad
Helpwch ni i ofalu am leoliadau’r Ymddiriedolaeth Genedlaethol drwy gadw at rai canllawiau syml yn ystod eich ymweliad a dilyn y Cod Cefn Gwlad.
![A group of hikers exploring a hilly landscape on a sunny winter's day.](http://nt.global.ssl.fastly.net/binaries/content/gallery/website/national/regions/peak-district-derbyshire/places/ilam-park-dovedale-and-the-white-peak/library/1620830-muslim-hikers---ramadan-hike-at-ilam-park-dovedale-and-the-white-peak-derbyshire.jpg?auto=webp&width=505&crop=16:9&dpr=2 2x)
Cerdded
Dewch i archwilio rhai o dirweddau harddaf y genedl ar lwybrau unig, traciau rhwydd a theithiau hygyrch. (Saesneg yn unig)