Gardd y Gaeaf a golygfa o’r Carneddau yng Ngardd Bodnant, Cymru — Gardd y Gaeaf yng Ngardd Bodnant, Cymru | © National Trust Images/Paul Harris

Wales

Taith Gardd y Gaeaf Bodnant

Ewch am daith gylchol hawdd yng nghanol natur ar daith Gardd y Gaeaf Bodnant. Bydd y daith fer yma yn eich arwain trwy 250 mlynedd o hanes garddwriaethol yng Ngardd Bodnant ac mae’n addas i’r teulu cyfan ei mwynhau.

Gweld neu lawrlwytho fersiwn o'r llwybr hwn sy'n hawdd ei argraffu

Cyfanswm y camau: 8

Man cychwyn

Cychwynnwch eich taith wrth ganolfan ymwelwyr Gardd Bodnant. Cyfeirnod map: SH 80150

Cam 1

Wrth i chi adael y ganolfan ymwelwyr, dilynwch y llwybr graean sy’n mynd ar dro yn syth o’ch blaen wrth yr hen goeden acer. Ar ôl ychydig fetrau cymrwch y troad cyntaf i’r chwith ac anelu am y Bwa Tresi Aur. Ar y chwith i fynedfa’r bwa fe welwch chi hen acer arall (Acer dissectum palmatum). Mae ei boncyff cnotiog yn edrych yn rhyfeddol yn y gaeaf hyd yn oed.

Y Bwa Tresi Aur

Y gaeaf yw’r amser perffaith i weld y strwythur cywrain hwn. Adeiladwyd y pergola 55 metr yn 1881, a bydd yn llawn o flodau euraidd ddiwedd Mai. Ym mis Rhagfyr ac Ionawr bydd y garddwyr yn datod y planhigion oddi wrth eu ffrâm fetel, yn tocio’r coesynnau a’u clymu eto. Hefyd, chwiliwch am weddillion pared gwydr o oes Fictoria ar y wal ar y chwith, a fu unwaith yn gysgod i blanhigion dringo egsotig.

Cam 2

Ewch allan o’r bwa trwy droi i’r dde a mynd yn syth ymlaen nes cyrhaeddwch chi’r prif lwybr. Ewch yn eich blaen ar y chwith a dilyn y llwybr. Ar y dde fe welwch chi bedair coeden fawr – dwy dderwen ddigoes (Quercus petraea), ffawydden gyffredin (Fagus sylvatica) a chastanwydden bêr (Castanea Sativa).

Coesynnau coch ac oren llwyn cwyrwialen gyda blodau gwynion yr eirlysiau yn dod i’r golwg yng Ngardd y Gaeaf, Bodnant, Gogledd Cymru — Cwyros ac eirlysiau yng Ngardd Gaeaf Bodnant, Gogledd Cymru | © National Trust Images/Paul Harris

Cam 3

Ewch ymlaen ar hyd y llwybr hwn ychydig droedfeddi tan y troad nesaf ar y chwith, yn agos at y fedwen o’r Himalaya (Betula utilis, math Jacquemontii.) Trowch i’r chwith yma i Ardd y Gaeaf. Daliwch i fynd ar hyd y llwybr, gan fynd heibio’r magnolia, ‘Heaven Sent’ ar y chwith. Ychydig yn nes ymlaen fe ddewch chi at fainc ar y dde, lle gallwch chi eistedd a mwynhau’r olygfa i ganol Gardd y Gaeaf. Wrth edrych i’r chwith wrth fynd ar hyd y llwybr, fe welwch chi’r Hen Barc, dôl gyda choed cynhenid wedi eu plannu yn y cyfnod Sioraidd. Daliwch i fynd i lawr y llwybr ar hyd terfyn Gardd y Gaeaf.

Cam 4

Newydd fynd heibio’r giât i ddôl yr Hen Barc fe welwch chi goeden fythwyrdd sy’n un o’r pencampwyr ar y chwith - efallai y byddwch yn clywed aroglau ei blodau gwynion yn y gaeaf hefyd. Celynnen ffug yw hon (Osmanthus fortuneii). A hithau’n 8m o uchder, dyma’r dalaf o’i math ar Ynysoedd Prydain. Wrth y gyffordd hon, gallwch naill ai droi i’r dde a dolennu’n ôl ar lwybr cylchol ar hyd y palmant llechi trwy Ardd y Gaeaf, gan weld mwy o’r planhigion (mae pump o risiau bas ar y ffordd) neu ewch ymlaen i Gam 5.

Lliwiau’r gaeaf

Mae’r cynllun plannu newydd yn cynnwys rhisgl lliwgar coed fel prunus serrula (ceiriosen Tibet), betulala utilis (bedwen Himalaya), acer conspicuum (masarnen rhisgl neidr), a choesynnau cwyros a llwyni mwyar. Sylwch ar aroglau llwyni fel sarcococca (pren bocs gwyn), hamamelis a daphne. O’ch cwmpas ym mhob man fe welwch chi hefyd flodau parhaol fel helleborus a bergenia, planhigion ag aeron fel skimmia, a dail glaswelltau addurnol yn mynd hefo’r gwynt.

Ymwelwyr yng Ngardd y Gaeaf yng Ngardd Bodnant, Cymru | © National Trust Images/Paul Harris

Cam 5

Oddi wrth y goeden osmanthus daliwch i fynd ychydig fetrau tuag at fainc ar y chwith. Ychydig ymhellach ar yr ochr dde mae grŵp mawr o rododendron nobleanum pinc sy’n blodeuo’n gynnar. O’r fainc hon cewch olygfa wych o’r Ardd Ddwyreiniol ffurfiol, sy’n llifo o’r Ardd Gron at Blasty Bodnant.

Cam 6

Ewch o amgylch yr Ardd Gron ac yn ôl i fyny ar hyd terfyn gogleddol Gardd y Gaeaf ar hyd y Lawnt Uchaf.

Tirwedd Sioraidd

Sylwch ar y grŵp o hen goed cynhenid ar y chwith, a blannwyd yn hwyr yn yr 1700au. Edrychwch ar y gastanwydden bêr 250 mlwydd oed gyda darnau ohoni’n martsio ar draws y lawnt. Tarwyd y goeden hynafol yma gan fellten yn y gorffennol a rhannodd hynny’r prif foncyff. Er gwaethaf hynny mae’n dal i dyfu’n gryf hyd heddiw. Gallwch weld mwy o batrwm yr ardd ffurfiol o gyfnod Fictoria o’r fan hon.

Cam 7

Wrth gyrraedd pen uchaf y llwybr hwn trowch i’r chwith ar hyd Gardd Puddle sy’n rhedeg yn gyfochrog â’r Bwa Tresi Aur. Wedi ei ddatblygu yn 2011, mae’r ardal hon yn talu teyrnged i dair cenhedlaeth o brif arddwyr Bodnant, Frederick, Charles a Martin Puddle, a chwaraeodd ran allweddol wrth ddatblygu’r ardd o 1920 i 2006. Mae’n llawn o blanhigion yr oedd y dynion yma wrth eu boddau â nhw, gan gynnwys nifer o fathau hybrid o rododendron a fagwyd yma.

Coed egsotig

Tu ôl i’r fainc yn yr Ardd Puddle ar y dde fe welwch chi goeden fagnolia x vveichii anferth ‘Peter Veitch’, sy’n dod o Asia ac a dyfwyd gan y Feithrinfa Veitch enwog. Ychydig yn nes ymlaen ar y chwith sylwch ar y pinus radiata anferth sy’n gynhenid yn America ganol. Daethpwyd â’r coed yma a llawer o rai eraill i Ardd Bodnant yn gynnar yn yr 1900au gan y perchenogion, y teulu McLaren, oedd yn noddi ymgyrchoedd casglu planhigion byd-eang.

Cam 8

Yn ôl wrth yr acer palmatum ‘Osakazuki’ ger y ganolfan ymwelwyr, trowch i’r chwith i’r borderi. Fe welwch chi’r allanfa o’r ardd ar hyd wal yr ardd ar y dde.

Man gorffen

Daw’r daith i ben wrth allanfa’r ardd. Cyfeirnod map: SH 72330

Map llwybr

Taith drwy Ardd y Gaeaf yn Ardd Bodnant — Taith drwy Ardd y Gaeaf | © National Trust

Blodau wen y Lili fach wen yn Ardd Bodnant ym mis Ionawr

Lle

Gardd Bodnant

Gardd fyd enwog, yn gartref i Gasgliadau Cenedlaethol a Choed Campus.

Llwybr

Taith Coed y Ffwrnes a’r Ddôl, Gardd Bodnant

Mwynhewch y daith hon ar ochr bryn – mae’n ymarfer corff da gyda golygfeydd panoramig i wneud i chi deimlo ar ben y byd.

Gate from Walled Garden in winter at Penrhyn Castle

Llwybr

Taith darganfod natur Castell Penrhyn

Mwynhewch daith gylchol o gwmpas rhannau llai cyfarwydd o dir y castell wrth i chi ddarganfod amrywiaeth eang o fywyd gwyllt a natur sy’n cartrefu yma.

Dyfroedd llonydd Llyn Ogwen, yn adlewyrchu mynyddoedd dan eira

Llwybr

Taith gylchol Llyn Ogwen

Ar y daith gymedrol hon o gwmpas Llyn Ogwen cewch osgoi’r tyrfaoedd o Gwm Idwal a mwynhau golygfeydd trawiadol. Yn ôl y chwedl dyma le mae Caledfwlch y Brenin Arthur yn gorwedd.

Gardd Bodnant, Tal-y-Cafn, ger Bae Colwyn, Conwy, LL28 5RE

01492650460

bodnantgarden@nationaltrust.org.uk

Rydym wedi ymrwymo i bartneriaeth â Cotswold Outdoor i helpu pawb i wneud y gorau o'u hamser yn yr awyr agored yn y llefydd rydym yn gofalu amdanynt.

Ymweld â'r wefan

Cerdded yng Nghymru

Darganfyddwch dirweddau agored ysgubol, llwybrau arfordirol mwy hamddenol neu heiciau egnïol heriol. Rydym wedi creu rhestr o rai o’r llefydd gorau i gerdded yng Nghymru.

Edrych ar draws y Terasau yn Ardd Bodnant, gyda'r Felin Binnau a'r mynyddoedd eiraog yn y cefndir

Erthygl

Pethau i'w gweld yng Ngardd Bodnant

Dewch i ymweld â gardd o’r safon uchaf yng Nghymru yng Ngardd Bodnant a mwynhau 80 erw o erddi ffurfiol, coetir a chaeau a chasgliadau botanegol o bob rhan o’r byd.

Teulu yn cerdded gyda phram a chi yn mwynhau'r golygfeydd o'r mynyddoedd eiraog

Erthygl

Dod â’ch ci i Ardd Bodnant

Gydag 80 erw i’w harchwilio, mae taith gerdded at ddant pawb. Mae croeso i gŵn ar dennyn byr (tennyn na ellir ei ymestyn) bob dydd Iau, Gwener, Sadwrn a Sul o 1 Ebrill i ddiwedd mis Medi. Darganfyddwch fwy am ddod eich ci i Ardd Bodnant yma.

Cwpan o siocled poeth y Nadolig yn eistedd ar fwrdd pren gyda golau chwinciad

Erthygl

Bwyta yng Ngardd Bodnant

Mwynhewch luniaeth yn ystafelloedd te Gardd Bodnant drwy gydol y flwyddyn neu o'r ciosg ar lan yr afon yn y Glyn.

A group of people in a hiking group are being guided on a hike by rangers at Marsden Moor, West Yorkshire

Erthygl

Cotswold Outdoor: Ein partner cerdded

Dysgwch fwy am bartneriaeth barhaus yr Ymddiriedolaeth Genedlaethol gyda Cotswold Outdoor fel ein partner cerdded.

Ymwelydd yn cario sach gefn ac yn cerdded ar hyd llwybr troed yn Divis a’r Mynydd Du gyda waliau carreg i’r naill ochr, y cefn gwlad i’w weld yn y cefndir.

Erthygl

Dilynwch y cod cefn gwlad

Helpwch ni i ofalu am leoliadau’r Ymddiriedolaeth Genedlaethol drwy gadw at rai canllawiau syml yn ystod eich ymweliad a dilyn y Cod Cefn Gwlad.

An aerial view of an adult and baby walking a dog along a path at Baggy Point, Devon

Erthygl

Cadw’n ddiogel yn lleoliadau’r Ymddiriedolaeth Genedlaethol

Mae ambell risg yn dod law yn llaw ag ymweld â’r llefydd arbennig y mae’r Ymddiriedolaeth Genedlaethol yn gofalu amdanynt, boed ar yr arfordir neu yng nghefn gwlad. Dysgwch sut i gadw’n ddiogel drwy gydol eich ymweliad.