Taith yr Hen Golff yng Nghastell y Waun
Mae’r daith gerdded gymedrol 1.2 milltir hon yn mynd â chi i ardal a elwir yn Hen Golff, gyda golygfa gofiadwy o’r castell ar hanner ffordd yn ogystal â gwastadeddau Swydd Gaer ac Amwythig.
Cyfanswm y camau: 6
Cyfanswm y camau: 6
Man cychwyn
Maes parcio Castell y Waun. Cyfeirnod grid: SJ267384
Cam 1
Ewch i ochr chwith cefn y prif faes parcio a mynd trwy’r giât.
Cam 2
Cadwch y ffens ar y chwith i chi a dilyn y saethau coch ar draws y cae, gan ddringo tuag at Rose Cottage, sydd o’ch blaen yn Nhyn-y-Groes.
Cam 3
Pan gyrhaeddwch chi’r ffens, ewch trwy’r giât i’r ffordd. Rydych yn gadael yr ystâd yn y fan hon. Gwyliwch am draffig ar y ffordd. Trowch i’r chwith a mynd ymlaen ar hyd y ffordd am tua 30m nes y gwelwch chi arwydd saeth coch arall a giât i gae.
Cam 4
Ewch trwy’r giât a dilyn y llwybr sy’n syth o’ch blaen. Llwybr swyddogol Clawdd Offa yw hwn mewn gwirionedd. Ewch yn syth ymlaen gan ddilyn y saethau coch a mwynhau’r olygfa hardd o’r castell ar y chwith, gyda gwastadeddau Swydd Gaer ac Amwythig tu ôl iddo.
Cam 5
Ar y chwith i chi byddwch yn dod at giât. Ewch trwyddi, a dilyn y saethau coch trwy’r cae yn ôl i lawr tua Fferm yr ystâd.
Cam 6
Daliwch i fynd i lawr y rhiw trwy’r cae. Ar y chwith fe welwch chi glwstwr o goed o gwmpas dŵr. Coed Jericho yw’r rhain, ac yn y coed mae hen ‘lyn rhew’ yr ystâd, lle byddai blociau o rew yn cael eu torri ar gyfer y tŷ. Ewch ymlaen i lawr y cae at y giât yn y gwaelod, yna dilyn y llwybr yn ôl i’r prif faes parcio i orffen y daith.
Man gorffen
Maes parcio Castell y Waun. Cyfeirnod grid: SJ267384
Map llwybr
Mwy yn agos i’r man hwn
Taith coetir Castell y Waun
Taith gerdded gylchol hawdd ymhlith y coed a’r caeau agored o gwmpas Castell y Waun yn Wrecsam, Cymru.
Taith gylchol Brwydr Crogen
Taith gylchol 3 milltir o Gastell y Waun, yn cynnwys rhan fechan o Glawdd Offa a mynd heibio safle Brwydr Crogen.
Taith Llwyn y Cil yng Nghastell y Waun
Mae’r daith filltir rwydd yma trwy barcdir a ddyluniwyd yn y 18fed ganrif yng Nghastell y Waun yn cynnig golygfeydd cofiadwy tua gwastadeddau Swydd Gaer ac Amwythig.
Cysylltwch
Ein partneriaid
Rydym wedi ymrwymo i bartneriaeth â Cotswold Outdoor i helpu pawb i wneud y gorau o'u hamser yn yr awyr agored yn y llefydd rydym yn gofalu amdanynt.
Pethau eraill o ddiddordeb i chi
Cerdded yng Nghymru
Darganfyddwch dirweddau agored ysgubol, llwybrau arfordirol mwy hamddenol neu heiciau egnïol heriol. Rydym wedi creu rhestr o rai o’r llefydd gorau i gerdded yng Nghymru.
Cotswold Outdoor: Ein partner cerdded
Dysgwch fwy am bartneriaeth barhaus yr Ymddiriedolaeth Genedlaethol gyda Cotswold Outdoor fel ein partner cerdded.
Cadw’n ddiogel yn lleoliadau’r Ymddiriedolaeth Genedlaethol
Mae ambell risg yn dod law yn llaw ag ymweld â’r llefydd arbennig y mae’r Ymddiriedolaeth Genedlaethol yn gofalu amdanynt, boed ar yr arfordir neu yng nghefn gwlad. Dysgwch sut i gadw’n ddiogel drwy gydol eich ymweliad.
Dilynwch y cod cefn gwlad
Helpwch ni i ofalu am leoliadau’r Ymddiriedolaeth Genedlaethol drwy gadw at rai canllawiau syml yn ystod eich ymweliad a dilyn y Cod Cefn Gwlad.
Ymweld ag ystâd Castell y Waun
Ewch am dro o gwmpas parcdir 480 erw rhyfeddol Castell y Waun, a darganfod tirwedd sy’n gweithio ac yn llawn o goed hynafol, blodau gwyllt, adar a phryfed.
Bwyta a siopa yng Nghastell y Waun
Dewch i ymweld â’n ystafell de a mwynhau cacennau cartref sy’n cael eu pobi’n ddyddiol, gan ddefnyddio’r cynhwysion mwyaf ffres. Neu ewch i’r siop anrhegion sy’n llawn o ddanteithion cartref a chofroddion.
Ymweld â Chastell y Waun gyda’ch ci
Mae gan Gastell y Waun sgôr o ddwy bawen. Rydym wrth ein bodd yn croesawu cŵn i Gastell y Waun. Gall yr ystâd 480 erw fod yn lle gwych i grwydro gyda’ch ci beth bynnag yw’r tywydd. Dewch o hyd i ragor o wybodaeth am ble gallwch chi fynd â’ch ci a ble gallwch chi aros i fwynhau pryd blasus.
Cerdded
Dewch i archwilio rhai o dirweddau harddaf y genedl ar lwybrau unig, traciau rhwydd a theithiau hygyrch.