![Golygfa o’r awyr o gefn gwlad, caeau a choedwigoedd gyda’r coed yn dechrau dangos lliwiau’r hydref](http://nt.global.ssl.fastly.net/binaries/content/gallery/website/national/regions/wales/places/dolaucothi/library/autumn/dolaucothi-farm-wales-autumn-1276214.jpg?auto=webp&width=767&crop=16:9&dpr=2 2x)
Llwybr Ystâd Dolaucothi
Dilynwch y gylchdaith hon i bwynt uchaf Ystâd Dolaucothi yn Sir Gâr. Mwynhewch y golygfeydd o Afon Cothi, Mwyngloddiau Aur Dolaucothi a phentref Pumsaint, cyn dychwelyd ar hyd hen reilffordd. Fe allech weld gwiwer goch neu fele’r coed yn y coetir.
Cyfanswm y camau: 12
Cyfanswm y camau: 12
Man cychwyn
Maes parcio Coetir Dolaucothi yr Ymddiriedolaeth Genedlaethol, cyfeirnod grid: SN662403
Cam 1
Dechreuwch ym maes parcio’r coetir (gyferbyn â maes parcio’r Mwyngloddiau Aur). Ym mhen pellaf y maes parcio, dilynwch y llwybr troed.
Cam 2
Dilynwch y llwybr. I’r dde fe welwch Barc Carafannau heddychlon Ystâd Dolaucothi.
Cam 3
Croeswch y bont a throwch i’r dde.
Cam 4
Trowch i’r chwith oddi ar y trac a dilynwch y llwybr troed drwy’r coetir ac ar draws y cae.
Cam 5
Gadewch y cae drwy’r gât ac ewch yn syth ymlaen drwy’r goedwig, gan ymuno â’r trac fferm.
Cam 6
Ar ddiwedd y trac fferm, croeswch heol y goedwigaeth ac ewch drwy’r gât i mewn i’r cae, yna dilynwch y llwybr ar draws y cae gan fynd lan rhiw.
Cam 7
Dilynwch y trac i’r dde a dilynwch y llwybr drwy’r goedwig a’r tir amaeth i’r pwynt triongli, sy’n cynnig golygfeydd gogoneddus dros Ddyffryn Cothi. Dyma bwynt uchaf yr ystâd ar 925tr (282m), ac mae angen gwneud ychydig o ddringo i gyrraedd y brig.
![Golygfa o ben mynydd gyda strwythur carreg a golygfeydd tu hwnt](http://nt.global.ssl.fastly.net/binaries/content/gallery/website/national/regions/wales/places/dolaucothi/library/autumn/trig-point-dolaucothi-gold-mines-wales-autumn-1276186.jpg?auto=webp&width=684&dpr=2 2x)
Cam 8
O’r pwynt triongli, ewch tua’r gogledd-ddwyrain.
Cam 9
Trowch i’r dde i lawr darn serth iawn o’r llwybr, yna trowch i’r dde eto cyn dod at yr afon.
Cam 10
Dilynwch y llwybr ar hyd llawr y dyffryn gydag Afon Cothi yn ymdroelli i’r chwith ohonoch. Gall y rhan hon o’r llwybr fod yn fwdlyd yn y gaeaf.
Cam 11
Lle mae’r afon yn dechrau llifo i ffwrdd ohonoch, dilynwch ymyl y cae i ymuno â heol y goedwigaeth. Trowch i’r chwith i heol y goedwigaeth a’i dilyn yn syth i bentref Pumsaint.
Cam 12
Lle mae’r trac yn cwrdd â’r heol, gallwch droi i’r dde i grwydro pentref Pumsaint, neu droi i’r chwith ac ymuno’n ofalus â’r palmant ar ymyl y ffordd, lle mae’n croesi’r afon. Wrth yr arwydd ffordd ar gyfer Mwyngloddiau Aur Dolaucothi, mae’r llwybr yn gwahanu – ewch i’r chwith a cherddwch yn ôl i’r maes parcio.
![Cerbyty carreg gyda phyrth bwaog wedi’u fframio gan ddrysau caead pren coch](http://nt.global.ssl.fastly.net/binaries/content/gallery/website/national/regions/wales/places/dolaucothi/library/built-heritage-history-and-collections/old-coach-house-visitor-centre-pumsaint-dolaucothi-wales-1276063.jpg?auto=webp&width=684&dpr=2 2x)
Man gorffen
Maes parcio Coetir Dolaucothi yr Ymddiriedolaeth Genedlaethol, cyfeirnod grid: SN662403
Map llwybr
![Map Arolwg Ordnans o lwybr Ystâd Dolaucothi yn Sir Gâr, Cymru](http://nt.global.ssl.fastly.net/binaries/content/gallery/website/national/regions/wales/places/dolaucothi/library/dolaucothi-estate-trail-map-carmarthenshire-wales.jpg?auto=webp&width=767&dpr=2 2x)
Mwy yn agos i’r man hwn
![Ymwelwyr yn paratoi i fynd i’r pwll ym Mwyngloddiau Aur Dolaucothi, Sir Gâr.](http://nt.global.ssl.fastly.net/binaries/content/gallery/website/national/regions/wales/places/dolaucothi/library/summer/dolaucothi-gold-mines-carmarthenshire-visitors-countryside-trees-path-1295976.jpg?auto=webp&width=505&crop=16:9&dpr=2 2x)
![Golygfa o lwybr coetir priddlyd yn Nolaucothi, wedi’i amgylchynu gan goed llawn dail yn Sir Gâr, Cymru](http://nt.global.ssl.fastly.net/binaries/content/gallery/website/national/regions/wales/places/dolaucothi/library/summer/woodland-path-dolaucothi-wales-1296044.jpg?auto=webp&width=505&crop=16:9&dpr=2 2x)
Llwybr Coetir Dolaucothi
Cerddwch drwy goetiroedd hyfryd, gan ddilyn llwybrau a ddefnyddiwyd ‘slawer dydd gan geffylau’n llusgo pren. Darganfyddwch hanes Mwyngloddiau Aur Dolaucothi, pentref Pumsaint a’r hen blas wrth fynd.
![Buwch yn sefyll ar ochr bryn yn edrych tua’r camera, gyda choed, bryniau a haul yn machlud yn y cefndir ar Ystâd Dolaucothi ym Mwyngloddiau Aur Dolaucothi, Sir Gâr](http://nt.global.ssl.fastly.net/binaries/content/gallery/website/national/regions/wales/places/dolaucothi/library/cow-dolaucothi-estate-dolaucothi-gold-mines-carmarthenshire-1275861.jpg?auto=webp&width=505&crop=16:9&dpr=2 2x)
Iard Gloddio a Llwybr y Mwynwyr
Profwch hanes ar y llwybr cymedrol hwn yn Nolaucothi, lle byddwch yn cerdded yn ôl traed cloddwyr aur drwy’r oesoedd.
![Golygfa o barcdir gwyrdd gyda choed mawr yn eu dail](http://nt.global.ssl.fastly.net/binaries/content/gallery/website/national/regions/wales/places/dolaucothi/library/summer/estate-parkland-summer-dolaucothi-wales-1296041.jpg?auto=webp&width=505&crop=16:9&dpr=2 2x)
Taith gerdded Parcdir Dolaucothi
Crwydrwch y parcdir o gwmpas Dolaucothi ar y daith gerdded rwydd hon, gan fwynhau tiroedd y plasty a llwybrau glan afon, gyda chlychau’r gog yn y gwanwyn a ffyngau yn yr hydref.
Cysylltwch
Ein partneriaid
![Cotswold Outdoor](http://nt.global.ssl.fastly.net/binaries/content/gallery/website/national/partners/cotswold-outdoor-logo.jpg?auto=webp&width=156&crop=1:1&dpr=2 2x)
Rydym wedi ymrwymo i bartneriaeth â Cotswold Outdoor i helpu pawb i wneud y gorau o'u hamser yn yr awyr agored yn y llefydd rydym yn gofalu amdanynt.
Pethau eraill o ddiddordeb i chi
![Dwy ferch yn cerdded ar lwybr trwy'r goedwig yn Stad Southwood, Sir Benfro yng Nghymru](http://nt.global.ssl.fastly.net/binaries/content/gallery/website/national/regions/wales/places/southwood-estate/library/visitors-walking-southwood-estate-pembrokeshire-wales-1386592.jpg?auto=webp&width=505&crop=16:9&dpr=2 2x)
Cerdded yng Nghymru
Darganfyddwch dirweddau agored ysgubol, llwybrau arfordirol mwy hamddenol neu heiciau egnïol heriol. Rydym wedi creu rhestr o rai o’r llefydd gorau i gerdded yng Nghymru.
![A group of people in a hiking group are being guided on a hike by rangers at Marsden Moor, West Yorkshire](http://nt.global.ssl.fastly.net/binaries/content/gallery/website/national/library/our-cause/communities/hiking-group-on-a-guided-hike-led-by-rangers-at-marsden-moor-west-yorkshire-1618381.jpg?auto=webp&width=505&crop=16:9&dpr=2 2x)
Cotswold Outdoor: Ein partner cerdded
Dysgwch fwy am bartneriaeth barhaus yr Ymddiriedolaeth Genedlaethol gyda Cotswold Outdoor fel ein partner cerdded.
![An aerial view of an adult and baby walking a dog along a path at Baggy Point, Devon](http://nt.global.ssl.fastly.net/binaries/content/gallery/website/national/regions/devon/places/baggy-point/library/autumn/adult-child-dog-walking-cliff-baggy-point-devon-1204387.jpg?auto=webp&width=505&crop=16:9&dpr=2 2x)
Cadw’n ddiogel yn lleoliadau’r Ymddiriedolaeth Genedlaethol
Mae ambell risg yn dod law yn llaw ag ymweld â’r llefydd arbennig y mae’r Ymddiriedolaeth Genedlaethol yn gofalu amdanynt, boed ar yr arfordir neu yng nghefn gwlad. Dysgwch sut i gadw’n ddiogel drwy gydol eich ymweliad.
![Ymwelydd yn cario sach gefn ac yn cerdded ar hyd llwybr troed yn Divis a’r Mynydd Du gyda waliau carreg i’r naill ochr, y cefn gwlad i’w weld yn y cefndir.](http://nt.global.ssl.fastly.net/binaries/content/gallery/website/national/regions/northern-ireland/places/divis-and-the-black-mountain/library/people-walk-divis-black-mountain-1416521.jpg?auto=webp&width=505&crop=16:9&dpr=2 2x)
Dilynwch y cod cefn gwlad
Helpwch ni i ofalu am leoliadau’r Ymddiriedolaeth Genedlaethol drwy gadw at rai canllawiau syml yn ystod eich ymweliad a dilyn y Cod Cefn Gwlad.
![Golygfa o barcdir gwyrdd gyda choed mawr yn eu dail](http://nt.global.ssl.fastly.net/binaries/content/gallery/website/national/regions/wales/places/dolaucothi/library/summer/estate-parkland-summer-dolaucothi-wales-1296041.jpg?auto=webp&width=505&crop=16:9&dpr=2 2x)
Ymweld â'r ystâd yn Nolaucothi
Gyda dros 2,500 erw o ystâd, coetir, ffermydd a pharcdir i’w darganfod, mae cymaint mwy i Ddolaucothi yn Sir Gâr na’r mwyngloddiau Rhufeinig.
![Visitors walking through the sheltered valley at Lockeridge Dene and Piggledene, near Marlborough, Wiltshire](http://nt.global.ssl.fastly.net/binaries/content/gallery/website/national/library/visit/dog-friendly/dog-walking-sheltered-valley-lockeridge-dene-and-piggledene-1551546.jpg?auto=webp&width=505&crop=16:9&dpr=2 2x)
Ymweld â Dolaucothi gyda’ch ci
Mae gan Ddolaucothi sgôr o un bawen. Mae croeso cynnes i gŵn ym mhob rhan o Ddolaucothi, o’r teithiau o’r gloddfa aur Rufeinig i’r milltiroedd o lwybrau cerdded sy’n cris-croesi’r ystâd ehangach.
![Cerddwr yn sefyll ar arfordir Sir Benfro, yn edrych allan ar y môr](http://nt.global.ssl.fastly.net/binaries/content/gallery/website/national/regions/wales/places/marloes-sands-and-mere/library/winter/view-coast-walker-marloes-pembrokeshire-wales-1770573.jpg?auto=webp&width=505&crop=16:9&dpr=2 2x)
Teithiau cerdded arfordirol yng Nghymru
Darganfyddwch lwybrau cerdded gorau arfordir Cymru, gan fwynhau penrhynoedd prydferth, pentrefi cain, henebion cynhanesyddol a bywyd gwyllt godidog.
![A group of hikers exploring a hilly landscape on a sunny winter's day.](http://nt.global.ssl.fastly.net/binaries/content/gallery/website/national/regions/peak-district-derbyshire/places/ilam-park-dovedale-and-the-white-peak/library/1620830-muslim-hikers---ramadan-hike-at-ilam-park-dovedale-and-the-white-peak-derbyshire.jpg?auto=webp&width=505&crop=16:9&dpr=2 2x)
Cerdded
Dewch i archwilio rhai o dirweddau harddaf y genedl ar lwybrau unig, traciau rhwydd a theithiau hygyrch. (Saesneg yn unig)