Pwyntiau gwefru cerbydau trydan yng Nghymru

A red car charging at an electric vehicle charging point — Gallwch wefru eich car yn nifer o leoliadau’r Ymddiriedolaeth Genedlaethol | © RAW Charging

Plygiwch eich cerbyd trydan i mewn tra’ch bod chi’n crwydro cestyll campus, traethau trawiadol a gerddi godidog yng Nghymru. Mae 36 o bwyntiau gwefru cerbydau trydan ledled Cymru, i gyd wedi’u lleoli’n berffaith ar gyfer eich diwrnod allan.

Gofynnwch cyn ymweld

Gofynnwch i’r eiddo unigol cyn eich ymweliad i gadarnhau bod pwyntiau gwefru ar gael.

Mae’n werth nodi hefyd fod ein holl bwyntiau gwefru cerbydau trydan yn rhai ‘gwefru araf’ ac y gallant fod yn llawn pan gyrhaeddwch, felly peidiwch â gadael i’r batri bron â gwagio a neilltuwch ddigon o amser.

Pwyntiau gwefru cerbydau trydan yng Ngogledd Cymru

Castell Penrhyn, Bangor: Mae pwynt gwefru cerbydau trydan Castell Penrhyn yn y prif faes parcio, o dan adeilad y dderbynfa.Ymwelwch â Chastell Penrhyn
Gardd Bodnant, Conwy: Mae pwynt gwefru cerbydau trydan yn y maes parcio yng Ngardd Bodnant, ar y dde, gyferbyn â’r caffi.Ymwelwch â Gardd Bodnant
Erddig, Wrecsam: Yn Erddig, mae pwynt gwefru cerbydau trydan yn y maes parcio.Ymwelwch ag Erddig
Castell y Waun, Wrecsam: Fe welwch bwynt gwefru cerbydau trydan Castell y Waun yn agos i’r prif faes parcio, sydd wedi’i leoli y tu ôl i’r siop a’r dderbynfa.Ymwelwch â Chastell y Waun
Pen Llŷn: Mae pwyntiau gwefru cerbydau trydan ym meysydd parcio Porthdinllaen, Llanbedrog a Phorthor, yn ogystal â Phlas yn Rhiw a Phorth y Swnt. Mae un arall yn Fferm Cwrt ger Aberdaron, LL53 8DA.Ymwelwch â thraeth Llanbedrog
Eryri: Mae pwyntiau gwefru cerbydau trydan yng Nghraflwyn, fferm Hafod y Llan (ar gyfer defnyddwyr y maes gwersylla) yn Nant Gwynant ac ym mwthyn gwyliau Dyffryn Mymbyr (i westeion).Ymwelwch â Chraflwyn a Beddgelert

Land Rover trydan yr Ymddiriedolaeth Genedlaethol wedi’i gysylltu â chyflenwad pŵer o hen adeilad carreg yn Eryri, Cymru. — Cerbyd trydan yn gwefru yn Eryri | © National Trust Images/ John Millar

Pwyntiau gwefru cerbydau trydan yng Nghanolbarth Cymru

Castell Powis, Y Trallwng: Mae pwyntiau gwefru cerbydau trydan yn y maes parcio yng Nghastell Powis. Cadwch olwg am y bws gwennol trydan i ymwelwyr hefyd. Ymwelwch â Chastell Powis <index>Ymwelwch â Chastell Powis

Pwyntiau gwefru cerbydau trydan yn Ne Cymru

Tŷ Tredegar, Casnewydd: Fe welwch bwynt gwefru cerbydau trydan Tŷ Tredegar yn y prif faes parcio ymwelwyr ger y mannau parcio coetsis.Ymwelwch â Thŷ Tredegar
Gerddi Dyffryn, Bro Morgannwg: Yng Ngerddi Dyffryn, mae pwyntiau gwefru cerbydau trydan yn y prif faes parcio ger yr ardal chwarae.Ymwelwch â Gerddi Dyffryn
Dinefwr, Sir Gâr: Gallwch ddod o hyd i’r pwynt gwefru cerbydau trydan yn Ffermdy Fferm y Plas Dinefwr, ar adeilad ‘Y Granar’. Nodwch fod hwn yn swyddfa staff, sydd ar wahân i’r ardal barcio i ymwelwyr – cod post SA19 6RU.Ymwelwch â Dinefwr
Sir Benfro: Mae pwyntiau gwefru cerbydau trydan ym maes parcio Cei Stagbwll, Canolfan Stagbwll a maes parcio Martin's Haven.Ymwelwch â Stagbwll
Penrhyn Gŵyr: Fe welwch bwyntiau gwefru cerbydau trydan ym maes parcio Rhosili a Ffermdy De Pilton Green.Ymwelwch â Rhosili
Bannau Brycheiniog: Mae pwyntiau gwefru cerbydau trydan yng nghanolfan weinyddol a gweithdy Dan y Gyrn, Fferm Blaenglyn, Libanus, Aberhonddu LD3 8NF.Ymwelwch â Bannau Brycheiniog

Man holding a child up in the air as they both smile, in the grounds at Powis Castle, Powys

Ble fydd eich ymweliad nesaf?

Darganfyddwch lawer o erddi, tai hanesyddol, diwrnodau allan ar yr arfordir a mwy.

Trefnwch ymweliad

Golygfan y Canmlwyddiant, Dinas Oleu, Cymru

Arfordiroedd a thraethau yng Nghymru

Darganfyddwch 157 milltir o arfordir Cymru sy’n cael ei ddiogelu gan yr Ymddiriedolaeth Genedlaethol, o draethau euraidd eang i glogwyni geirwon

Golygfa o’r Teras Lili a’r pwll o’r tŷ yng Ngardd Bodnant, Conwy

Gerddi a pharciau yng Nghymru

Ymwelwch â chasgliad arbennig o erddi a pharciau yng Nghymru. O erddi muriog i ystadau cefn gwlad a gerddi coed, mae digon i’w ddarganfod.

A view of the front of the red mansion house

Tai ac adeiladau yng Nghymru

Darganfyddwch blastai Cymreig mawreddog a’u casgliadau, o gartrefi teuluol i adeiladau a ddyluniwyd gan benseiri enwog. Darganfyddwch hanes a hanesion o’r oes a fu mewn lleoliadau trawiadol ledled Cymru.

View of a river running through a valley of mountains

Cefn gwlad a choetir yng Nghymru

Darganfyddwch ddyffrynnoedd dramatig a phrydferth, coetiroedd hynafol a llwybrau glan afon, neu anturiwch ar fynyddoedd gwyllt Cymru ac ymweld â rhai o gopaon mwyaf eiconig y wlad.

Castell Penrhyn, Gogledd Cymru, yn yr hydref

Cestyll a chaerau yng Nghymru

Camwch i mewn i gaer ganoloesol â dwnsiynau yn y Waun neu ymwelwch â chartref tywysogion Cymru yng Nghastell Powis. Darganfyddwch rai o gestyll gwychaf ac enwocaf Cymru.

Plant yn chwarae yn nail yr hydref yng Ngardd Bodnant, Conwy, Cymru, ym mis Hydref

Diwrnodau allan i'r teulu yng Nghymru

Gyda gweithgareddau hwyl a digwyddiadau cyffrous, mae digonedd o ddiwrnodau gwych i’r teulu i’w cael yng Nghymru. Darganfyddwch gestyll crand, cwblhewch weithgareddau’r ’50 peth i’w gwneud cyn dy fod yn 11 ¾’, neu llosgwch ychydig o egni mewn ardaloedd chwarae naturiol.

Plant a chi yn Llyn Bosherston, Stagbwll, Sir Benfro

Llefydd sy’n croesawu cŵn yng Nghymru

O’r mynyddoedd a’r traeth, i erddi a pharcdiroedd, gallwch ganfod llwybr cerdded cŵn yng Nghymru y byddwch chi, a’ch cyfaill pedair coes, yn ei wir fwynhau. Dyma eich canllaw ar gyfer rhai o’r lleoliadau gorau yng Nghymru i ymweld â nhw gyda chŵn.