10 o lwybrau cerdded gorau Eryri

Cerddwr ar bont droed yn edrych dros Lyn Idwal yng Nghwm Idwal, Eryri, Gogledd Cymru — Cerdded yng Nghwm Idwal, Eryri | © National Trust Images/Gwenno Parry

Yn Eryri y mae rhai o’r golygfeydd mwyaf ysblennydd yn y wlad, felly pa well ffordd o’u gweld nag ar droed? O lwybrau rhaeadrau dramatig i anturiaethau yn y mynyddoedd, dysgwch am y llwybrau gorau i’w dilyn yn y rhan hardd hon o Gymru.

Taith bedd Gelert: Bydd y daith yn eich arwain ar hyd llwybr gwastad o ganol y pentref, ar hyd glan Afon Glaslyn at safle bedd Gelert. Byddwch hefyd yn dod i ddeall chwedl Gelert a’r Tywysog Llywelyn a roddodd enw i’r pentref.Crwydrwch hyd lwybr y chwedlau
Taith gylchol Craflwyn, Hafod y Llan a Llyn Dinas: Ewch oddi ar y llwybrau prysur ac archwilio ochr wyllt Nant Gwynant. Mae’r llwybr yma yn cynnwys llethrau unig yr Aran, rhaeadrau trawiadol ar Lwybr Watkin, coetir hynafol a llyn hardd.Cofiwch eich esgidiau cerdded
Taith chwedlonol Dinas Emrys: Cerddwch yn ôl traed cymeriadau chwedlonol Cymru i safle hynafol Dinas Emrys, ond troediwch yn ofalus, mae draig yn cysgu dan y ddaear.Cychwynnwch ar eich ymgyrch
Taith Aberglaslyn, Bryn Du a Beddgelert: Mae cymaint o lwybrau i’w crwydro o gwmpas Beddgelert, ond hwn yw ffefryn personol y ceidwad lleol.Crwydrwch Fryn Du

Cerddwyr yn dilyn llwybr cul ar lan afon Glaslyn, Craflwyn a Beddgelert, Cymru. — Cerddwch ar hyd llwybr y pysgotwyr ar hyd bwlch Aberglaslyn, Eryri | © National Trust Images/Chris Lacey

Taith Aberglaslyn, Llyn Dinas a Chwm Bychan: Taith gylchol amrywiol gyda rhai o’r golygfeydd gorau yn yr ardal. Mae’r daith yn cychwyn a gorffen ym maes parcio’r Ymddiriedolaeth Genedlaethol yn Nantmor.Cerddwch trwy Fwlch Aberglaslyn
Taith Cwm Idwal: Mae’r daith gerdded hon yn cynnig rhai o’r golygfeydd mynyddig mwyaf dramatig yn y Deyrnas Unedig yng Ngwarchodfa Natur Genedlaethol hynaf Cymru.Crwydrwch i dirwedd o oes yr ia
Taith gylchol Llyn Ogwen: Ar y daith gymedrol hon o gwmpas Llyn Ogwen cewch osgoi’r tyrfaoedd a mwynhau golygfeydd trawiadol. Yn ôl y chwedl dyma lle mae Caledfwlch y Brenin Arthur yn gorwedd.Crwydrwch hyd lwybr y llyn

Dyfroedd llonydd Llyn Ogwen, yn adlewyrchu mynyddoedd dan eira — Dyfroedd llonydd Llyn Ogwen | © National Trust Images / Joe Cornish

Taith Rhaeadr Ddu a Choed Ganllwyd: Mae hon yn daith wych ar lan dŵr, gan eich arwain ar hyd Afon Gamlan wyllt a heibio rhaeadr ryfeddol Rhaeadr Ddu.Dilynwch Afon Gamlan
Taith Ystâd Dolmelynllyn: Cewch weld Rhaeadr Ddu ryfeddol ac adfeilion difyr gwaith aur Cefn Coch.Darganfyddwch un o ryfeddodau Cymru
Taith Dinas Oleu, Abermaw: Crwydrwch trwy’r hen dref droellog hyd at Ddinas Oleu eithinog, a roddwyd gan Fanny Talbot yn oes Fictoria i bobl Abermaw.Dilynwch yn olion traed Fanny Talbot