Y picnic perffaith yng Nghymru

Teulu yn eistedd ar flanced ac yn cael picnic yn y Cymin, Sir Fynwy. Mae plentyn yn ymestyn ei law i dderbyn fwyd oddi wrth aelod arall o’r teulu. — Teulu’n mwynhau picnic yn y Cymin | © National Trust Images/John Millar

Eisiau golygfa o’r arfordir neu gefn gwlad, neu ardd plasty neu gastell mawreddog? Fe ddowch chi o hyd i’r lle perffaith i fwyta yn yr awyr agored yn un o’r llefydd niferus rydym yn gofalu amdanynt. O barcdir coediog i derasau Eidalaidd a lawntiau eang, mwynhewch y picnic perffaith yng Nghymru.

Y picnic perffaith yng Ngogledd Cymru

Teulu yn chwarae ar y glaswellt yn Erddig, Wrecsam, Cymru: dau blentyn bach ar ben rhiant — Teulu yn chwarae ar y glaswellt yn Erddig, Wrecsam, Cymru | © National Trust Images/John Millar

Gardd Bodnant, Conwy: Gydag 80 erw o erddi i’w darganfod, bydd yn rhaid i chi gael hoe rhywbryd, ac mae digon o lefydd yma i ddad-bacio’ch basged bicnic. Rhowch flanced ar lawr yn yr heulwen yn nôl yr Hen Barc, eisteddwch wrth fwrdd pren hyfryd yng Nglyn yr Ywen, neu ewch i’r ardal bicnic ar lan y llyn yn y Pen Pellaf.Ymwelwch â Gardd Bodnant
Erddig, Wrecsam: Gallwch fwynhau picnic ym Maes Parcio prydferth y Berllan, ar lannau’r pwll dŵr neu yn y Goedwig Fawr cyn i chi gyrraedd y swyddfa docynnau hyd yn oed. Yn y tiroedd, mae seddi ym Muarth y Domen, yn ardal chwarae naturiol Ffau’r Blaidd ac ar hyd yr ardd furiog, gyda blagur y gwanwyn neu ffrwythau’r hydref yn gefnlen gain i chi. Os yw hi’n braf, beth am ddod â blanced a mwynhau picnic ar y lawnt fawr?Ymwelwch ag Erddig
Castell Penrhyn a'r Ardd, Bangor: Ar ôl crwydro’r castell (sy’n dyddio o’r 19eg ganrif), yr amgueddfa rheilffordd a 60 erw o ardd a thiroedd, y lawntiau eang yw’r lle perffaith i ymlacio gyda phicnic. Mwynhewch olygfeydd godidog dros Fae Conwy ac Eryri tra bod y plantos yn rhedeg, rholio a neidio wrth eu bodd.Ymwelwch â Chastell Penrhyn a'r Ardd
Tŷ a Gardd Plas Newydd, Ynys Môn: Am bicnic urddasol, does dim unman all guro Plas Newydd, gyda’i olygfeydd o Afon Menai a chopaon Eryri. Cerddwch ling-di-long drwy’r gerddi teras addurniadol ac ymlwybrwch drwy’r ardd i ddod o hyd i’ch llecyn picnic perffaith. Fel allech weld ein gwiwerod coch yn bwyta wrth eu gorsafoedd bwydo eu hunain.Ymwelwch â Thŷ a Gardd Phlas Newydd
Porthdinllaen, Pen Llŷn: Ymlaciwch ar y tywod y tu allan i dafarn pysgotwyr hanesyddol, gan fwynhau golygfeydd a synau glan môr. Ar ôl cinio, ewch i badlo yn y dŵr neu mwynhewch daith gerdded i ddarganfod arfordir prydferth Llŷn, sy’n fwrlwm o fywyd gwyllt. Neu eisteddwch, ymlaciwch a mwynhewch yr olygfa berffaith.Ymwelwch â Phorthdinllaen

Y picnic perffaith yng Nghanolbarth Cymru

Teulu yn chwarae ar y lawnt yng Ngardd Castell Powis ym Mhowys, Cymru — Teulu yn chwarae yn yr ardd yng Nghastell Powis, Cymru | © National Trust Images/Chris Lacey

Castell a Gardd Powis, Y Trallwng: Fyny fry ar ochr bryn, mae’r gaer ganoloesol hon yn edrych dros erddi teras Eidalaidd a Ffrengig byd-enwog, gyda thocwaith ywen dramatig a cherfluniau clasurol. Mae digon i’ch diddanu, a digonedd o lefydd i eistedd a mwynhau picnic yn nhiroedd y castell wrth i chi gynllunio eich ymweliad neu hel meddyliau.Ymwelwch â Chastell a Gardd Powis

Y picnic perffaith yn Ne Cymru

Teulu yn mwynhau picnic yn y Cymin, Sir Fynwy, Cymru — Teulu yn mwynhau picnic | © National Trust Images/John Millar

Gardd Goedwig Colby, Sir Benfro: Darganfyddwch yr ardd ffurfiol a’r tiroedd coediog, wedi’u trawsnewid o’u gorffennol diwydiannol yn hafan i fyd natur. Bydd gennych ormod o ddewis ar gyfer eich picnic perffaith, gyda choetir cysgodol, dolydd eang a nentydd i’ch swyno i fwynhau tamaid yn yr awyr iach.Ymwelwch â Gardd Goedwig Colby
Dolaucothi, Sir Gâr: Byddwch yn llawn haeddu gwledd ar ôl dilyn llwybr yr ystâd yn Nolaucothi. Bydd y daith 3 i 4 awr hon yn mynd â chi i bwynt uchaf yr ystâd, sy’n cynnig golygfeydd trawiadol, ac fe allech weld gwiwer goch neu fele’r coed ar eich taith. Fe welwch lawer o lecynnau picnic perffaith o gwmpas y maes parcio a’r mwyngloddiau hefyd, ond rhaid cadw lle ymlaen llaw i ymuno â thaith o’r mwyngloddiau eu hunain.Ymwelwch â Dolaucothi
Gerddi Dyffryn, Caerdydd: Mae’r gerddi 55-erw hyn yn cynnwys gardd-ystafelloedd hyfryd, gan gynnwys gardd rosod, Gardd Bompeiaidd, sawl pwll dŵr a gardd goed. Hawliwch ddarn o’r lawnt fawr i fwynhau’r arddangosfa dymhorol o welyau blodau lliwgar – y gefnlen berffaith i bicnic traddodiadol.Ymwelwch â Gerddi Dyffryn
Y Cymin, Sir Fynwy: Mae tiroedd y tŷ crwn Sioraidd rhamantaidd hwn, gyda’i hanes llyngesol, wedi bod yn boblogaidd ar gyfer picnic drwy’r oesoedd, gyda rhai gwleddodd enwog yn cael eu cynnal yma. Os nad yw’r siandelïer yn ffitio yng nghwt y car, beth am ddod â phryd a ysbrydolwyd gan yr oes a fu ac ail-greu eich profiad bwyd bonheddig eich hun?Ymwelwch â’r Cymin
Tŷ Tredegar, Casnewydd: Mae’r parcdir coediog, y lawntiau eang a’r llyn yn berffaith ar gyfer dianc rhag prysurdeb y ddinas. Mae tiroedd Tredegar yn boblogaidd ar gyfer picnic a chan bobl sy’n chwilio am ennyd o heddwch ac awyr iach mewn byd prysur.Ymwelwch â Thŷ Tredegar

Golygfa o Gastell Powis, uwchben ei derasau, Powys, Cymru, yn yr hydref.

Dewch i ddarganfod Cymru

Gwlad Geltaidd gyda gorffennol diwydiannol, yn llawn mythau, chwedlau, barddoniaeth a chân. Croeso i Gymru.

Ymweld â Chymru

The walled garden at Penrhyn Castle and garden is covered in frost.

Gerddi a pharciau yng Nghymru

Ymwelwch â chasgliad arbennig o erddi a pharciau yng Nghymru. O erddi muriog i ystadau cefn gwlad a gerddi coed, mae digon i’w ddarganfod.

A little girl decorating a wooden snowman at Dyffryn Gardens, Vale of Glamorgan

Diwrnodau allan i'r teulu yng Nghymru

Gyda gweithgareddau hwyl a digwyddiadau cyffrous, mae digonedd o ddiwrnodau gwych i’r teulu i’w cael yng Nghymru. Darganfyddwch gestyll crand, cwblhewch weithgareddau’r ’50 peth i’w gwneud cyn dy fod yn 11 ¾’, neu llosgwch ychydig o egni mewn ardaloedd chwarae naturiol.